வாய் துர்நாற்றத்தைப் போக்க இந்த சமையல் அறை பொருட்கள் போதும்!

நம்மில் பலரையும் மற்றவர்களின் முன்னிலையில் தலைகுனிய வைக்கும் உடல் நல பாதிப்புகளில் ஒன்றாக உள்ளது வாய் துர்நாற்றம். நண்பர்களோ? அல்லது உறவினர்களோ? ஒருவரிடம் பேசிக் கொண்டிருக்கும் போது கொஞ்சம் தள்ளி நின்று பேசுறயா? என்று சொல்லும் அளவிற்கு வாய் துர்நாற்றத்தால் பல நேரங்களில் பாதிக்கப்படுவோம். முறையாக பல் துலக்காதது, கண்ட உணவுகளை உட்கொள்வது என வாய் துர்நாற்றத்திற்கு பல காரணங்கள் கூறப்படுகிறுது. இருந்தப்போதும் அல்சர், உடலில் உள்ளுறுப்புகளில் ஏதேனும் பாதிப்புகள் இருந்தாலும் வாய் துர்நாற்றம் ஏற்படுவதாக மருத்துவர்கள் கூறுகின்றனர்.

வாய் துர்நாற்றத்தை அலட்சியமாக எடுத்துக் கொள்ளாமல் முறையாக சிகிச்சை பெற்றுக்கொள்ள வேண்டும். இதற்காக விலையுயர்ந்த மருந்துகளை உட்கொள்ள வேண்டும் என்ற அவசியமில்லை. அனைவரது வீடுகளில் சமையல் அறையில் எளிதில் கிடைக்கும் சில உணவுப்பொருட்களை வைத்தும் வாய் துர்நாற்றத்தைப் போக்க முடியும். இதோ அவற்றில் சில உங்களுக்காக.

வாய் துர்நாற்றத்தைப் போக்கும் எளிய வைத்தியங்கள்:

மேலும் படிக்க:காலை வெறும் வயிற்றில் கறிவேப்பிலை சாப்பிடுவதால் ஏற்படும் நன்மைகள்

புதினா:

எவ்வித செலவும் இல்லாமல் வாய் துர்நாற்றத்தைப் போக்க வேண்டும் என்று நினைத்தால், எப்போதும் சமைத்தாலும் புதினா இலைகளைக் கொஞ்சம் வாயில் போட்டு மெல்லவும். இதில் உள்ள ஊட்டச்சத்துக்கள் இயற்கையான முறையில் வாய் துர்நாற்றத்தைப் போக்க உதவுகிறது.

கொத்தமல்லி:

புதினாவிற்கு அடுத்தப்படியாக வாய் துர்நாற்றத்தைப் போக்க கொத்தமல்லியைப் பயன்படுத்தலாம். இதில் உள்ள குளோரோபில் என்ற ஊட்டச்சத்துக்கள் இயற்கையான டியோடரண்டாக செயல்படுகிறது.

எலுமிச்சை:

வாய் துர்நாற்றத்தை எவ்வித மவுத் ப்ரஷ்னர் பயன்படுத்துவதற்குப் பதிலாக எலுமிச்சையைப் பயன்படுத்தலாம். எலுமிச்சை ஜூஸ் அல்லது எலுமிச்சை சாறை சூடான தண்ணீரில் கலந்துக் குடிக்கலாம். இதில் உள்ள வைட்டமின் சி போன்ற அத்தியாவசிய ஊட்டச்சத்துக்கள் வாய் துர்நாற்றத்தைப் போக்க உதவுகிறது.

ஆரஞ்ச் :

ஆரஞ்ச் பழங்களில் உள்ள ஆன்டி பாக்டீயரியல் ஊட்டச்சத்துக்கள் வாய் துர்நாற்றத்தைப் போக்குவதற்கு உதவியாக உள்ளது. எனவே வாரத்திற்கு ஒருமுறையாவது ஆரஞ்ச் பழங்களை உணவு முறையில் சேர்த்துக் கொள்ள வேண்டும்.

கிராம்பு:

பல் வலி வந்தாலே கிராம்பு சாப்பிட வேண்டும் என்பார்கள். இதில் உள்ள ஊட்டச்சத்துக்கள் பற்களில் உள்ள கிருமிகளை அகற்றி வலி குறைக்கும். இதே போன்று பல்வேறு காரணங்களால் ஏற்படக்கூடிய வாய் துர்நாற்றத்தைப் போக்க வேண்டும் என்று நினைப்பவர்கள், சமைக்கும் போது கிராம்பை வாயில் போட்டு மெல்லவும். பின்னர் சில மணி நேரம் கழித்து தூக்கி எறிவது நல்லது.

மேலும் படிக்க:கர்ப்ப காலத்தில் அதிகரிக்கும் மன அழுத்தம்; தவிர்க்க இதை மட்டும் பாலோ பண்ணுங்க!

இதர வழிமுறைகள்:

இது போன்ற முறைகளை வெளியில் செல்லும் போது நிச்சயம் அனைவராலும் மேற்கொள்ள முடியாது. எனவே வாய் துர்நாற்றத்தைப் போக்க வேண்டும் என்று நினைப்பவர்கள் சூயிங்கம் அல்லது இதற்கென்று விற்கப்படும் மிட்டாய்களை வாங்கி சாப்பிடலாம். அதிகளவு தண்ணீர் குடிக்க வேண்டும். இது வாய் துர்நாற்றத்தை ஏற்படுத்தக்கூடிய பாக்டீரியாக்களை அழிப்பதற்கு உதவியாக இருக்கும்.

Image source - Google