முத்தம் கொடுப்பதில் இவ்வளவு நல்ல விஷயம் இருக்கா ? உடலில் வேறென்ன நடக்கும் தெரியுமா ?

முத்தம் கொடுப்பது காமம் தொடர்பான விஷயம் அல்ல. அன்பை வெளிப்படுத்தும் செயல் வடிவமாக முத்தத்தை குறிப்பிடலாம். முத்தம் கொடுப்பது புதுமண தம்பதி, காதல் ஜோடிகளிடையே சகஜமானது. முத்தும் கொடுப்பது மன அழுத்ததை குறைக்கும். இரு உள்ளங்களுக்கு இடையிலான உறவை வலுப்படுத்தும். முத்தம் கொடுத்தால் உடலில் என்ன நடக்கும் என்பதை தெரிந்து கொள்ளுங்கள்.

Raja Balaji

Editorial

Updated:- 2025-07-25, 11:09 IST

Add as a preferred

அன்பின் வெளிப்பாடாக பிடித்தமான நபருக்கு முத்தம் கொடுப்பது இயல்பே. முத்தம் கொடுப்பது உணர்வு ரீதியான நெருக்கத்தை அதிகரிப்பதோடு உடல் மற்றும் மனநலனுக்கு நன்மைகளை தருகிறது. சாதாரண முத்தம் உடலில் ஒரு நிமிடத்தில் மூன்று கலோரிகளை குறைக்கும், உதட்டு முத்தம் கொடுப்பது 20 கலோரிகளுக்கு மேல் குறைக்கும். முத்தும் கொடுத்தால் மன அழுத்தம் மற்றும் பதட்டம் குறையும். இது உடலில் இரத்த அழுத்தத்தை குறைப்பதோடு செக்ஸ் உணர்வையும் தூண்டுகிறது. முத்தம் கொடுப்பதில் பல நன்மைகள் அடங்கி இருந்தாலும் உடலில் வேறு சில விஷயங்களும் நடக்கும். அடிக்கடி முத்தமிடும் நபரானால் முத்தத்தின் தாக்கத்தை தெரிந்து கொள்வது அவசியம். மருத்துவரின் தகவல் பெற்று இந்த பதிவு எழுதப்பட்டுள்ளது.

kissing side effects

முத்தம் கொடுத்தவுடன் உடலில் என்ன நடக்கும் ?

முத்தம் கொடுத்தவுடன் நம் உடலில் சில மாற்றங்களை உணரலாம்.

தொற்று பரவல்

உதட்டு முத்தம் கொடுக்கும் போது வாயின் எச்சியில் இருந்து ஒருவருக்கு ஒருவர் பாக்டீரியா, வைரஸ் அதிகளவில் பரவியிருக்கும். நீண்ட நேரம் முத்தமிடுவது நோய்களை கடத்தும். காய்ச்சல், சளி எளிதில் பரவும். கண்ணுக்கு தெரியாத பல கிருமிகள் முத்தத்தின் வழியாக பரிமாற்றப்படும். வாய் சுகாதாரம் காக்க தவறி முத்தம் கொடுத்தால் அது மோசமான அனுபவமாக மாறலாம்.

வாய் சுகாதாரம்

முத்தமிடுவதால் பல் சொத்தை ஏற்படுத்தும் பாக்டீரியாக்கள் கடத்தப்படலாம். இந்த பாக்டீரியாக்கள் எச்சில் வழியாக பரவிவிடும். சில நேரங்களில் ஒவ்வாமை ஏற்படும். அனாபிலாக்சிஸ் என்ற கடுமையான ஒவ்வாமையால் பாதிக்கப்படுவீர்கள்.

குறைவான நோய் எதிர்ப்பு சக்தி கொண்டவர்கள் முத்தம் கொடுப்பதில் கவனமாக இருக்க வேண்டும். முத்தமிடும் பழக்கத்தால் நோய் எதிர்ப்பு சக்தி மேலும் குறையலாம். பெரிதும் பாதிப்பு ஏற்படுத்தாத பாக்டீரியாக்களை கூட எதிர்த்து உடல் போராடாது.

More For You

பாதுகாப்பான முத்தம்

அடிக்கடி முத்தம் கொடுக்க விரும்பினால் நீங்கள் சில விஷயங்களில் கவனமாக இருக்க வேண்டும். தினமும் இரண்டு முறை பல் துலக்கவும். இது வாயில் பாக்டீரியாக்களின் அளவை குறைக்கும்.
காய்ச்சி, வறண்ட தொண்டை, சளி போன்ற பாதிப்பு இருந்தால் முத்தமிடுவதை உதட்டு முத்தம் கொடுப்பதை சில நாட்களுக்கு தவிர்க்கவும்.
உங்களுக்கு பிடித்தமான நபருக்கு வாய், உதட்டில் காயம் இருந்தால் முத்தம் கொடுக்காதீர்கள். இது தொற்று பரவலுக்கு வழிவகுக்கும்.

முத்தம் கொடுப்பது பல நன்மைகளை கொண்டிருந்தாலும் அதன் முழு சாதக பாதக விஷயங்களை தெரிந்துகொள்வது முக்கியம்.