காய்ச்சல் இருந்தால் முட்டை சாப்பிடுவதை தவிர்க்கணுமா ? உடல் சூடு அதிகரிக்குமா ?

காய்ச்சல் நேரத்தில் முட்டை சாப்பிடலாமா ?

ஒரு முட்டையில் ஆறு கிராம் புரதம் உட்பட எல்லா விதமான ஊட்டச்சத்துகளும் இருக்கின்றன. குறிப்பாக கோடை காலத்தில் முட்டை சாப்பிடும் போது அவற்றின் அதிக கொழுப்பு காரணமாக உடல் சூட்டை அதிகரித்து பாதிப்பை ஏற்படுத்தும் என கட்டுக்கதை நீண்ட காலமாக உலா வருகிறது. கோடை காலத்தில் முட்டை சாப்பிடுவதால் முகப்பரு உண்டாகும் மற்றும் வயிறு தொடர்பான பிரச்னைகளை எதிர்கொள்ள வேண்டும் எனவும் கூறப்படுகிறது.

காய்ச்சல் நேரத்தில் முட்டை சாப்பிடுவது உடலுக்கு பாதிப்பை ஏற்படுத்துமென அறிவியல் ரீதியான ஆதாரங்கள் எதுவும் கிடையாது. ஒரு முட்டை அல்ல தினமும் இரண்டு முட்டை சாப்பிட்டாலும் நல்லதாகும். காய்ச்சலின் போது முட்டை சாப்பிட்டால் வேக வைத்தே சாப்பிட வேண்டும். அவற்றில் உடலுக்கு ஆற்றல், வலு தரக்கூடிய வைட்டமின் பி6, பி12, ஜிங்க் இருக்கிறது. முட்டை சாப்பிடுவதால் உடலில் நோய் எதிர்ப்பு சக்தியும் அதிகரிக்கிறது. ஆம்லெட் போட்டு சாப்பிடுவதற்கு பதிலாக முட்டையை நன்கு வேக வைத்து சாப்பிடவும்.

காய்ச்சலின் போது நம் உடம்பு பலவீனமாக இருக்கும். அரைவேக்காடு, பச்சை முட்டை சாப்பிடுவதை காய்ச்சல் நேரத்தில் தவிர்க்கணும். ஏனெனில் குடலில் ஜீரணிக்க சிரமம் ஏற்படலாம். மேலும் சால்மோனெல்லா பாக்டீரியா பாதிக்க வாய்ப்பும் உள்ளது.

காய்ச்சல் பாதிப்புக்கு என்ன சாப்பிடலாம் ?

நாம் பல ஆண்டுகளாக காய்ச்சலுக்கு எளிமையான கஞ்சி, இட்லி போன்ற உணவுகளையே சாப்பிட்டு வந்துள்ளோம். காய்ச்சல் பாதிப்பின் போது அதிக கலோரி, அதிக புரதச்சத்து மற்றும் நிறைய நீராதாரம், குறைவான மீல்ஸ் சாப்பிடுவதை மருத்துவர்கள் பரிந்துரைக்கின்றனர். காய்ச்சலால் பாதிக்கப்பட்டு இருந்தால் உடலில் நோய் எதிர்ப்பு குறைவாக இருக்கும். அதை சரி செய்திட புரதம் நிறைந்த உணவுகளை சாப்பிட வேண்டும்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.