அதிகளவு தண்ணீர் குடிப்பது நம் உடல் ஆரோக்கியத்திற்கு எவ்வளவு நன்மை அளிக்கிறது என்று ஊட்டச்சத்து நிபுணர்கள் முதல் ஆயுர்வேத நிபுணர்கள் வரை அனைவரும் காலம் காலமாக கூறி வந்தாலும் நம்மில் பலருக்கு தண்ணீர் குடிக்க நேரம் கிடைப்பதில்லை. இன்னும் சிலர் உடலுக்கு போதுமான அளவு தண்ணீரை குடிப்பதே இல்லை என்று தான் சொல்ல வேண்டும். உங்கள் உடலை நீரேற்றமாக வைத்திருக்க விரும்பினால் நீங்கள் போதுமான அளவு தண்ணீர் குடித்து வர வேண்டும். மேலும் அதிக அளவு தண்ணீர் குடிப்பதால் பல நோய்கள் ஏற்படும் அபாயம் குறையும். அதே போல அதிக அளவு தண்ணீர் குடித்து வந்தால் உடலில் உள்ள தேவையற்ற நச்சுக்களை வெளியேற்ற முடியும். அந்த வரிசையில் உடல் எடை குறைக்க முயற்சி செய்பவர்கள் அதிக தண்ணீர் குடித்து வந்தால் உடலுக்கு கிடைக்கும் ஆரோக்கிய நன்மைகள் குறித்து இந்த கட்டுரையில் பார்க்கலாம்.
நம் உடலுக்கு தேவையான அளவு தண்ணீர் குடித்து வந்தால் உடல் எடை குறைக்கலாம் என்று மருத்துவ நிபுணர்கள் கூறுகின்றனர். நீங்கள் அதிக அளவு தண்ணீர் குடிக்கும் போது உங்கள் உடலில் கலோரிகளை எரிக்க பெரிதும் உதவுகிறது. ஆனால் உடல் எடையை குறைக்கும் முயற்சியில் உள்ள நபர்கள் எவ்வளவு தண்ணீர் குடிக்க வேண்டும் என்ற விதியை கட்டாயம் தெரிந்து கொள்வது அவசியம். இந்த நிலையில் தண்ணீர் குடிப்பது நம் உடலின் ஒட்டுமொத்த ஆரோக்கியத்திற்கும் நன்மை அளிக்கும் என்று ஆயுர்வேத நிபுணர்கள் கூறுகின்றனர். இது உங்கள் உடலில் இருந்து நச்சுக்களை வெளியேற்றுவதால் நோய் எதிர்ப்பு சக்தி அதிகரிக்க உதவும்.
சுடு தண்ணீர் குடிக்கலாம்:
உடல் எடையை குறைக்கும் முயற்சியில் உள்ள நபர்கள் பிரிட்ஜில் வைத்து குளிர்ந்த தண்ணீரை குடிக்கக் கூடாது. ஏனென்றால் இது உங்கள் வயிற்றில் உள்ள தீயை அடக்கி உடல் எடை குறைப்பதில் சிரமத்தை ஏற்படுத்தும். இதற்கு பதிலாக இவர்கள் வெதுவெதுப்பான தண்ணீர் அல்லது சுடு தண்ணீர் குடித்து வரலாம். இது உங்கள் வயிற்றில் உள்ள தீயை அதிகரித்து உடலில் கலோரிகளை எரிக்க உதவும்.
சிப் செய்து தண்ணீர் குடிக்கவும்:
ஒரே நேரத்தில் அதிக தண்ணீர் குடிப்பதற்கு பதிலாக சிப் பை சிப் தண்ணீர் குடிக்க வேண்டும். ஏனென்றால் இது உங்கள் உடலின் நீர் சத்தை பராமரிக்க உதவுகிறது. மேலும் நம் உடலில் உள்ள செரிமான அமைப்பையும் ஆரோக்கியமாக வைத்திருக்க தண்ணீர் பெரிதும் உதவுகிறது. இதனால் உங்கள் உணவு செரிமான பிரச்சனைகள் சீராகும். எனவே ஒரே நேரத்தில் இரண்டு அல்லது மூன்று கிளாஸ் தண்ணீரை குடிப்பதற்கு பதிலாக சிறிது சிறிதாக தண்ணீரை குடிக்க வேண்டும்.
சாப்பிடுவதற்கு முன் தண்ணீர்:
பொதுவாகவே நீங்கள் உணவு சாப்பிடுவதற்கு முன் ஒரு கிளாஸ் தண்ணீர் குடித்தால் உங்களால் அதிக உணவுகளை சாப்பிட முடியாது. இது நம் உணவு செரிமானத்தை விரிவுபடுத்த உதவுகிறது. மேலும் இதனால் மலச்சிக்கல் போன்ற வயிறு கோளாறு பிரச்சனைகள் ஏற்படும் அபாயம் குறையும். சாப்பாட்டிற்கு முன்பு தண்ணீர் குடிப்பது உங்கள் பசியை கட்டுப்படுத்துவதன் மூலம் உடலில் அதிக கலோரிகளை எரிக்க உதவுகிறது. இதனால் ஆயுர்வேத மருத்துவத்தின்படி சாப்பிடுவதற்கு 30 நிமிடங்களுக்கு முன்பு ஒரு கிளாஸ் தண்ணீர் குடித்து வரலாம் என்று கூறப்படுகிறது.
மேலும் படிக்க: சர்க்கரை நோயாளிகளுக்கு உதவும் கிராம்பு .. அதன் ஆரோக்கிய நன்மைகள் இதோ!
எவ்வளவு தண்ணீர் குடிக்கலாம்?
தண்ணீர் மட்டுமே குடித்து வந்தால் உடல் எடை குறைக்க முடியாது என்று ஆயுர்வேத மருத்துவத்தில் கூறப்படுகிறது. உடல் எடை குறைக்க உணவு டயட் முறை மற்றும் உடற்பயிற்சி பின்பற்றுவதும் முக்கியம். நாள் முழுவதும் குறைந்தது 2 லிட்டர் தண்ணீர் அதாவது 8 முதல் 10 கிளாஸ் தண்ணீர் குடித்து வரலாம் இது உங்கள் உடலை தினசரி நீரேற்றமாக பராமரிக்க உதவும். அதேபோல அதிக அளவு தண்ணீர் குடித்து வந்தால் நீங்கள் கூடுதல் கலோரிகள் நிறைந்த உணவுகளை சாப்பிட மாட்டீர்கள். எனவே உடல் எடையை குறைக்க அடிக்கடி தண்ணீர் குடித்து பழகுங்கள்.
Image source: google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation