இன்றைய காலத்தில் ஆண்கள் மற்றும் பெண்கள் என்று இருவருக்கும் இந்த புற்றுநோய் பிரச்சனைகள் ஏற்படுகிறது. இதற்கு முதல் காரணம் அவர்களின் ஆரோக்கியமற்ற உணவுமுறை மற்றும் பழக்க வழக்கங்கள். ஒரு சிலருக்கு குடும்பத்தில் யாருக்கேனும் புற்றுநோய் பாதிப்பு இருந்தால் அவர்களுக்கு இந்த புற்றுநோய் ஏற்படும் அபாயம் அதிகம் உள்ளது. அந்த வரிசையில் வயிற்று புற்று நோய் ஏற்பட்டால் சில ஆரம்ப கால அறிகுறிகள் வைத்து நாம் கண்டறிய முடியும். இது போன்ற உடல் நல பிரச்னைகளை ஆரம்பக் காலத்தில் கண்டறிந்தால் மருத்துவரிடம் சென்று சிகிச்சை எடுக்க துவங்கலாம். இந்த நிலையில் வயிற்று புற்றுநோயினால் ஏற்படும் அறிகுறிகள் என்ன என்பதை இந்த கட்டுரையில் பார்க்கலாம்.
பொதுவாகவே இந்த வயிற்று புற்றுநோய் ஏற்பட்டால் நம் வயிற்றின் உட்புறப் பகுதியில் இருந்து ஆரம்பித்து வெளிப்புற சுவர்களுக்கு புற்றுநோய் செல்கள் பரவி விடும். இதனை அடுத்து இந்த புற்றுநோய் படிப்படியாக உடல் முழுவதும் பரவி உடல் உறுப்புகளை சேதம் அடைய செய்கிறது.
வயிற்று புற்றுநோயை கண்டறிய சில அறிகுறிகள்:
இந்த வயிற்று புற்றுநோய் பிரச்சனையின் அறிகுறிகள் பொதுவாக இரண்டு விதமாக பிரிக்கப்பட்டுள்ளது. ஆரம்ப நிலை அறிகுறிகள் மற்றும் முற்றிய நிலை அறிகுறிகள் என இதில் இரண்டு வகை உள்ளது என்று மருத்துவர்கள் கூறுகின்றனர்.
ஆரம்பகட்ட அறிகுறிகள்:
இந்த வயிற்று புற்றுநோய் ஏற்பட்டு ஆரம்ப நிலையில் ஒரு சில பேருக்கு எந்த விதமான அறிகுறிகளும் இருக்காது. ஆனால் இன்னும் சில நபர்களுக்கு வயிற்று புற்று நோய் ஏற்பட்டால் முதலில் வயிற்றில் புற்றுநோய் கட்டி வளரத் தொடங்கும்.
பசியின்மை:
குறிப்பாக வயிற்று புற்றுநோய் ஏற்பட்டால் ஆரம்ப நிலையில் பசியின்மை ஒரு முக்கிய அறிகுறி ஆகும். இந்த புற்றுநோயினால் பாதிக்கப்பட்ட நபர்களுக்கு அடிக்கடி பசி உணர்வு ஏற்படாது.
உடல் எடை குறையும்:
இந்த வயிற்று புற்றுநோயால் பாதிக்கப்பட்டவர்கள் பசியின்மை காரணத்தினால் கொஞ்சமாக உணவு சாப்பிட்டால் கூட அவர்களுக்கு அதிகமாக உணவு சாப்பிட்ட உணர்வை ஏற்படும். இதனால் நாளடைவில் அவர்கள் உடல் எடை கொஞ்சம் கொஞ்சமாக குறைய ஆரம்பிக்கும்.
செரிமான கோளாறு:
வயிற்று புற்றுநோய் ஏற்படும்போது குமட்டல் வாந்தி மலம் கழிக்கும் போது ரத்தம் வெளியேறுவது போன்ற செரிமான பிரச்சனைகள் ஏற்படலாம். இது போன்ற அறிகுறிகளை நீங்கள் கண்டறிந்தால் உடனே மருத்துவரிடம் சென்று ஆலோசனை பெறுவது நல்லது.
மேலும் படிக்க: உடல் எடையை வேகமாக குறைக்க அதிக தண்ணீர் குடியுங்க!
வேறு சில அறிகுறிகள்:
இந்த வயிற்று புற்றுநோய் ஏற்பட்ட நபர்களுக்கு அடிக்கடி பசி எடுக்காது என்பதால் உடலுக்கு தேவையான ஆற்றல் கிடைக்காது. இந்த நிலையில் அவர்கள் பெரும்பாலான நேரங்களில் உடல் சோர்வாக உணர்வார்கள். மேலும் வயிற்று புற்று நோய் ஏற்படுவதால் தேவையான அளவு உணவு சாப்பிட முடியாது. இதனால் வயிற்றில் நீர் சேர்ந்து வயிறு உப்புதல் போன்ற பிரச்சனைகள் ஏற்படுகிறது.
Image source: google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation