காய்ச்சல் இருக்கும்போது குளித்தால் நல்லதா? உடலுக்கு என்ன ஆகும்?

காய்ச்சல் வந்தால் பலர் குளிக்கக்கூடாது என்று நினைக்கிறார்கள். காய்ச்சல் வந்தால் குளித்தால் குளிரும் அல்லது உடல் வெப்பம் அதிகரிக்கும் என்று சிலர் கூறுவார்கள். இன்னும் சிலர் காய்ச்சல் வந்தால் குளிப்பதற்கு பதிலாக சூடு தண்ணீர் ஒத்தடம் கொடுத்தால் போதும் என்று கூறுவது வழக்கம். ஆனால் உண்மையில், காய்ச்சலில் குளிப்பது பாதுகாப்பானதா? நம் உடலுக்கு இதனால் ஏற்படும் நன்மைகள் மற்றும் தீமைகள் என்ன என்பதை இந்தக் கட்டுரையில் விரிவாகப் பார்ப்போம்.  

காய்ச்சலில் குளிக்கலாமா?

காய்ச்சலில் மிதமான தண்ணீரில் குளிக்கலாம், ஆனால் குளிர்ந்த நீரில் குளிப்பது தவிர்க்கப்பட வேண்டும். குளிர்ந்த நீர் உடல் வெப்பநிலையைத் திடீரென மாற்றி, காய்ச்சலை அதிகரிக்க வாய்ப்புண்டு. மாறாக, வெதுவெதுப்பான நீர் உடலை ஈரப்பதமாக வைத்து, வியர்வை மூலம் வெப்பத்தை வெளியேற்ற உதவுகிறது.

காய்ச்சலில் குளிப்பதன் நன்மைகள் என்ன?

உடல் வெப்பநிலையைக் குறைக்கும்:

உங்களுக்கு காய்ச்சல் இருக்கும்போது வெதுவெதுப்பான நீரில் குளித்தால், உடல் வெப்பநிலை சிறிது சிறிதாகக் குறையும். இது காய்ச்சல் குளிர்ச்சியை தடுக்க உதவுகிறது.

உடல் சுத்தமாக இருக்கும்:

காய்ச்சலில் நம் உடலில் வியர்வை அதிகமாக வெளியேறுவதால், உடலில் பிசுபிசு தன்மை ஏற்படுகிறது. இந்த நேரத்தில் குளித்தால் தோல் தொற்றுகள், பாக்டீரியா தொற்று குறையும்.

மன அமைதி கிடைக்கும்:

காய்ச்சலில் உடல் சோர்வாக இருப்பதால், சற்று சூடான நீரில் குளித்தால் உங்கள் தசைகள் ஓய்வடைந்து, மன அழுத்தம் குறையும்.

காய்ச்சலில் குளிப்பதன் பக்க விளைவுகள் என்ன?

குளிர்ந்த நீர் தவிர்க்கவும்:

உங்களுக்கு காய்ச்சல் இருக்கும்போது குளிர்ந்த நீரில் குளித்தால், உடல் வெப்பநிலை வேகமாக உயரும், இது காய்ச்சலை அதிகரிக்கும்.

நீண்ட நேரம் குளிக்க வேண்டாம்:

காய்ச்சலில் 10 - 15 நிமிடங்களுக்கு மேல் குளிக்கக்கூடாது. நீண்ட நேரம் நீரில் இருப்பதால், உடல் வெப்பநிலை மீண்டும் உயரலாம்.

உடல் பலவீனம் இருந்தால் குளிக்க வேண்டாம்:

உங்களுக்கு மிகவும் கடுமையான காய்ச்சல் அல்லது தலைசுற்றல் இருந்தால், குளிப்பதற்குப் பதிலாக ஈரத் துண்டால் உடலைத் துடைக்கலாம்.

மேலும் படிக்க: இந்த உணவுகளை சாப்பிடும்போது அலர்ஜி இருக்கா? இந்த அறிகுறிகளுக்கு காரணம் என்ன?

காய்ச்சலில் எப்படி பாதுகாப்பாக குளிப்பது?

• வெதுவெதுப்பான நீரை பயன்படுத்தவும்.
• விரைவாக 5 - 10 நிமிடங்களில் குளித்து முடிக்கவும்.
• குளித்த பின் உடனே உடலை உலர்த்திக் கொள்ளவும், காற்று படாமல் பார்த்துக் கொள்ளவும்.
• எண்ணெய் தேய்த்துக் குளிக்க வேண்டாம், இது உடல் வெப்பத்தை அதிகரிக்கும்.
• குழந்தைகளுக்கு குளிப்பதற்குப் பதிலாக ஈரத் துண்டால் துடைப்பது நல்லது.
• முதியவர்கள் குளிக்கும்போது யாரேனும் உதவி இருக்க வேண்டும், ஏனெனில் காய்ச்சலில் திடீர் மயக்கம் ஏற்படலாம்.
• 104°F க்கும் மேல் காய்ச்சல் இருந்தால் அல்லது குளித்த பிறகு நடுக்கம் அதிகரித்தால் உடனே மருத்துவரை அணுக வேண்டும்.
• உடம்பில் சொறி அல்லது எரிச்சல் தோன்றினால் குளிக்க கூடாது.

Image source: Freepik