Ghee On an Empty Stomach: ஏன் காலையில் வெறும் வயிற்றில் நெய் சாப்பிட வேண்டும்?

எலும்பு ஆரோக்கியத்தை பராமரிப்பதில் இருந்து செரிமானத்திற்கு உதவுவது வரை, நெய் பல நன்மைகளை கொண்டுள்ளது. தினசரி காலை வெறும் வயிற்றில் நெய் சாப்பிடுவதால் உடல் ஆரோக்கியம் பல வகைகளில் மேம்படும்

நெய் ஒரு ஆரோக்கியமான கொழுப்பு மற்றும் ஊட்டச்சத்துக்கான நல்ல ஆதாரமாக கருதப்படுகிறது. ஆயுர்வேதத்தில், நெய் ஒரு மருத்துவ உணவாகக் கருதப்படுகிறது. வெறும் வயிற்றில் ஒரு ஸ்பூன் நெய் உட்கொள்வது உங்கள் செரிமான அமைப்பை சரி செய்து மலச்சிக்கலுக்கு உதவுகிறது.

காலையில் நெய் சாப்பிடுவதால் கிடைக்கும் ஆரோக்கிய நன்மைகள்

மலச்சிக்கலுக்கு நல்லது

நெய் இரைப்பையில் அமில சுரப்பைத் தூண்டி சமநிலைப்படுத்த உதவுகிறது. இது இயற்கையான லூப்ரிகண்டாக செயல்படுவதால், இது செரிமான மண்டலத்தை சரி செய்து குடல் இயக்கத்தை எளிதாக்குகிறது. குடல்களுக்கு ஆற்றலை கொடுத்து, இது மலம் சீராக செல்ல அனுமதிக்கிறது. தினமும் காலையில் ஒரு ஸ்பூன் நெய் சாப்பிட்டு வந்தால் மலச்சிக்கல் பிரச்னையில் இருந்து விடுபடலாம். நெய்யில் பியூட்ரிக் அமிலம் உள்ளது. இது நல்ல குடல் ஆரோக்கியத்தை பராமரிக்க பெரிதும் உதவுகிறது.

ஆற்றல் அதிகரிப்பு

நெய்யில் நடுத்தர சங்கிலி கொழுப்பு அமிலங்கள் உள்ளன. இந்த கொழுப்பு அமிலங்கள் உடலால் எளிதில் உறிஞ்சப்பட்டு ஆற்றல் மூலமாகப் பயன்படுத்தப்படுகின்றன. இது உடலில் தசை வலிமையை அதிகரித்து, உடலில் உள்ள கொழுப்பைகளை குறைக்க உதவுகிறது. நெய்யில் நல்ல அளவிலான கலோரிகள் உள்ளதால் இது உடலுக்கு ஆற்றலை அளிக்கிறது.

குறைவான பசி

நெய்யை உட்கொள்வது உங்கள் வயிற்றுக்கு திருப்தியைத் தருகிறது. இதனால் உங்களுக்கு அதிக பசி ஏற்படாது. இது ஆரோக்கியமற்ற பசி மற்றும் பசி உணர்வை தவிர்க்க உதவுகிறது. இறுதியில் உடல் எடையை குறைக்க உதவுகிறது.

மேம்படுத்தப்பட்ட வளர்சிதை மாற்றம்

நேஷனல் இன்ஸ்டிடியூட் ஆஃப் ஹெல்த் வெளியிட்டுள்ள ஒரு ஆய்வின்படி, நெய்யில் வளர்சிதை மாற்றத்தை ஊக்குவிக்கும் லினோலிக் அமிலம் உள்ளது. இதனால் நீங்கள் வெறும் வயிற்றில் நெய்யை உட்கொள்ளும் போது இந்த காரணி மிகவும் திறம்பட செயல்பட்டு உங்கள் உடலில் வளர்சிதை மாற்றத்தை மேம்படுத்துகிறது.

கொழுப்பில் கரையக்கூடிய வைட்டமின்களை உறிஞ்சுதல்

நெய்யில் ஏராளமான கொழுப்பில் கரையக்கூடிய வைட்டமின்களான ஏ, ஈ மற்றும் டி போன்றவை செறிவூட்டப்பட்டுள்ளன. மேலும் இந்த வைட்டமின்களை உறிஞ்சுவதற்கு கொழுப்பு தேவைப்படுகிறது. அதனால்தான் வெறும் வயிற்றில் நெய்யை உட்கொண்டால், உங்கள் குடல் இந்த வைட்டமின்களை எளிதில் உறிஞ்சிவிடும்.

எலும்பு ஆரோக்கியத்தை மேம்படுத்துகிறது

நெய் கால் மூட்டுகளுக்கு இயற்கையான லூப்ரிகண்டாக செயல்படுகிறது. இது எலும்புகளின் ஆரோக்கியத்தை மேம்படுத்தி மூட்டுகளில் ஏற்படும் வீக்கத்தைக் குறைக்கிறது. தினமும் காலையில் நெய் சாப்பிடுவது உங்கள் எலும்புகளின் ஆரோக்கியத்தை பராமரிக்க உதவும்.

நெய் அளவுக்கு மீறினால்

நெய்யில் பல ஆரோக்கிய நன்மைகள் உள்ளன. ஆனால் அதிகப்படியான அளவு உட்கொண்டால், உடலில் நேர்மறை விளைவுகளுக்கு வழிவகுக்கும். மேலும் உங்கள் இதய ஆரோக்கியத்திற்கு தீங்கு விளைவிக்கும். நெய்யில் கொழுப்புகள் நிறைந்துள்ளன என்பதையும், தேவைக்கு அதிகமாக உட்கொண்டால், அது உங்கள் கெட்ட கொலஸ்ட்ராலுக்கு கூடுதலாக இருக்கும் என்பதை நினைவில் கொள்வது நல்லது.