Low BP Foods : குறைந்த இரத்த அழுத்தம் சீராக இந்த உணவுகளை சாப்பிடுங்க !

குறைந்த இரத்த அழுத்தம் அறிகுறிகள்: உடல் ஆரோக்கியமாக இருக்க இரத்த அழுத்தம் சீராக இருக்க வேண்டியது மிகவும் முக்கியமானது. மருத்துவத்தில், குறைந்த இரத்த அழுத்தம் ஹைபோடென்ஷன் என்றும், உயர் இரத்த அழுத்தம் ஹைபர்டென்ஷன் என்றும் அழைக்கப்படுகிறது. பெரும்பாலானோர் இரத்த அழுத்தம் அதிகம் ஆகும்போது அதில் கவனம் செலுத்துகிறார்கள், ஆனால் இரத்த அழுத்தம் குறையும்போது அதை கண்டுக்கொள்வதில்லை. குறைந்த இரத்த அழுத்தம் எவ்வளவு ஆபத்தானது என்பதையும் நாம் அறிந்திருக்க வேண்டும்.

இரத்த அழுத்தம் குறைவாக இருக்கும்போது, ஒருவர் அடிக்கடி சோர்வாகவும் பலவீனமாகவும் உணர்கிறார். இரத்த அழுத்தம் மிகவும் குறைவாக இருந்தால், அது மயக்கத்தை ஏற்படுத்தும். குறைந்த இரத்த அழுத்தத்தின் அறிகுறிகளை சரியான நேரத்தில் அடையாளம் காண்பது மிகவும் அவசியம், இல்லையெனில் கடுமையான சிக்கலை உண்டாக்கும். இதனால் மூளை பக்கவாதம் மற்றும் மாரடைப்பும் ஏற்படும் அபாயம் உள்ளது. இதைத் தவிர்க்க, உணவு முறையில் சில மாற்றங்களை செய்துகொள்ளலாம். இதுபற்றிய தகவலை BM.பிர்லா இதய ஆராய்ச்சி மையத்தின் மூத்த இதயநோய் நிபுணரான டாக்டர் திமான் கஹ்லி அவர்களிடம் இருந்து தெரிந்துகொள்வோம்.

இந்த பதிவும் உதவலாம்: இப்படி கிராம்பு டீ குடித்து பாருங்க, எடை மளமளவென குறையும்!

Low BP : குறைந்த இரத்த அழுத்தம் என்றால் என்ன?

பொதுவாக ஒரு நபரின் இரத்த அழுத்தம் 120/80 mmHg அல்லது அதைச் சுற்றி இருக்க வேண்டும். உங்கள் இரத்த அழுத்தம் 90/60 mmHg க்கும் குறைவாக இருந்தால், அது குறைந்த இரத்த அழுத்தம் என்று அழைக்கப்படுகிறது. குறைந்த இரத்த அழுத்தம் என்பது நரம்புகளில் இரத்தத்தின் அழுத்தம் இயல்பை விட குறைவாக இருப்பதைக் குறிக்கிறது. நரம்புகளில் இரத்த அழுத்தம் குறைவதால், இதயம், மூளை மற்றும் உடலின் பிற பகுதிகளுக்கு இரத்தம் சரியாகச் செல்வதில்லை. பல சமயங்களில் குறைந்த இரத்த அழுத்தத்தின் அறிகுறிகள் நமக்கு தெரிவதில்லை. நீண்ட காலமாக உங்கள் இரத்த அழுத்தம் குறைவாக இருந்தால், அது பல பிரச்சனைகளை ஏற்படுத்தும். சில சமயங்களில் திடீரென எழுந்து நிற்கும் போதும் சிலருக்கு BP மிகவும் குறையும். இது போன்ற அறிகுறிகளை அலட்சியமாக எடுத்துக்கொள்ள வேண்டாம்.

குறைந்த இரத்த அழுத்தத்திற்கான உணவுமுறை

• உணவில் அதிக அளவு உப்பு சேர்த்துக்கொள்வது தீங்கு விளைவிக்கும் என்றாலும், உங்கள் இரத்த அழுத்தம் குறைவாக இருந்தால், சோடியம் உட்கொள்ளலில் கவனம் செலுத்த வேண்டும். உணவில் உப்பின் அளவைக் குறைக்கக் கூடாது.

• உணவில் சரியான சாவு உப்பை சேர்த்துக்கொள்ளவும். அதிகப்படியான உப்பும் உடலுக்கு தீங்கு விளைவிக்கும்.

• குறைந்த இரத்த அழுத்தம் உள்ளவர்கள் நீண்ட நேரம் பசியுடன் இருக்கக்கூடாது. நீண்ட நேரம் பசியுடன் இருந்தால் BP மிரளும் குறையலாம்.

• நீர்ச்சத்து குறைவதும் இரத்த அழுத்தம் குறைய காரணமாக இருக்கலாம். எனவே, உடலை நீரேற்றமாக வைத்துக்கொள்ளுங்கள். ஒரு நாளைக்கு குறைந்தது 7-8 கிளாஸ் தண்ணீர் குடிக்கவும்.

• தண்ணீரைத் தவிர, பழச்சாறுகள் போன்றவற்றையும் நீங்கள் சேர்த்துக்கொள்ளலாம்.

• உங்கள் BP அடிக்கடி குறைவாக இருந்தால், கண்டிப்பாக மோர் குடிக்கவும். மோரில் வறுத்த சீரகம் மற்றும் உப்பு சேர்க்கவும். இது BP அளவை சீராக வைத்திருக்க உதவும்.

• காஃபின் கலந்த பானங்களை உட்கொள்ளுங்கள். ஆனால் இதனை அதிகமாக குடிக்க வேண்டாம். மேலும், தூங்குவதற்கு சிறிது நேரத்திற்கு முன்பு குடிக்க வேண்டாம்.

• பருவகால பழங்கள் மற்றும் காய்கறிகளை உங்கள் உணவுமுறையில் சேர்த்துக்கொள்ளுங்கள்.

• நீண்ட நாட்களாக இரத்த அழுத்தம் குறைவாக இருந்தால், கண்டிப்பாக மருத்துவரை அணுகவும்.

இந்த பதிவும் உதவலாம்: இந்த 1 உணவு போதும், குறைந்த செலவில் இதய நோய்களை தடுக்கலாம்!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik