நம்மில் பலருக்கு தூங்கி எழுந்ததும் கால்களை ஊன்றக்கூட முடியாத அளவிற்கு அதிக வலியை சில நேரங்களில் உணர்ந்திருப்போம். இதோடு நீண்ட நேரம் நிற்கவும், நடக்கவும் முடியாமல் மிகவும் சிரமத்தைச் சந்திப்போம். உடலில் நோய் எதிர்ப்பு சக்தி குறைவாக இருப்பதே இதற்கு முக்கியமானக் காரணமாக அமைகிறது. இப்பிரச்சனைகளைத் தவிர்க்க வேண்டும் என்றால், செவ்வாழை பழங்களை அதிகளவில் சாப்பிட வேண்டும் என ஊட்டச்சத்து நிபுணர்கள் பரிந்துரைக்கின்றனர். இது மட்டுமின்றி வியக்கத்தகு பல்வேறு ஆரோக்கிய நன்மைகளையும் செவ்வாழை கொண்டுள்ளது. அவற்றில் சில உங்களுக்காக.
செவ்வாழையின் நன்மைகள்:
- மற்ற வாழைப்பழங்களைக் காட்டிலும் செவ்வாழை பழங்கள் சாப்பிடுவதற்கு எந்தளவிற்கு சுவையாக இருக்கிறதோ? அந்தளவிற்கு பல்வேறு ஆரோக்கிய நன்மைகளையும் கொண்டுள்ளது. வழக்கமான உட்கொள்ளும் வாழைப்பழங்களை விட அதிக பீட்டா கரோட்டின் சத்துக்களையும் செவ்வாழை கொண்டுள்ளது.
- செவ்வாழை பழத்தில் தாதுக்கள், வைட்டமின்கள், நார்ச்சத்துக்கள் மற்றும் கார்போஹைட்ரேட்டுகள் அதிகளவில் உள்ளதால் நோய் எதிர்ப்பு சக்தியை பலப்படுத்துவதோடு உடல் எடையைக் கட்டுக்குள் வைத்திருக்க உதவியாக இருக்கும்.
- செவ்வாழை பழங்களில் குறைந்த கிளைசெமிக் பண்புகளைக் கொண்டுள்ளதால் நீரிழிவு நோயாளிகள் சாப்பிடக்கூடிய பழங்களில் ஒன்றாக உள்ளது. இவற்றைத் தினமும் உட்கொள்ளும் போது இரத்தத்தில் சர்க்கரை அளவைக் கட்டுக்கள் வைத்திருக்கும்.
- செவ்வாழையில் அதிகளவு பொட்டாசியம் சத்துக்கள் அதிகளவில் உள்ளதால் இரத்த அழுத்தத்தையும் கட்டுப்படுத்த உதவுகிறது.
- குறைந்த கலோரிகள் மற்றும் அதிகளவு நார்ச்சத்துக்களைக் கொண்டுள்ள செவ்வாழை உட்கொள்ளும் போது, நீண்ட நேரம் பசி உணர்வை ஏற்படுத்தாது. அதிக ஸ்நாக்ஸ்கள் சாப்பிடுவதையும் தவிர்க்க முடியும். உடல் எடையைக் கட்டுக்குள் வைத்திருக்க வேண்டும் என்பவர்கள் எவ்வித தயக்கம் இன்றி செவ்வாழை பழங்களைச் சாப்பிடலாம்.
- பொட்டாசியம், கால்சியம் போன்ற பல்வேறு ஊட்டச்சத்துக்களைக் கொண்டுள்ள செவ்வாழை இதய நோய் முதல் புற்றுநோய் அபாயத்தைத் தடுக்க உதவுகிறது.
- கால்சியம் சத்துக்கள் அதிகளவில் உள்ளதால் எலும்புகளுக்கு ஆரோக்கியத்தை அளிப்பதோடு குதிகால் வலி, மூட்டு வலி போன்ற பாதிப்புகள் ஏற்படுவதைத் தவிர்க்க முடியும்.
சரும ஆரோக்கியம்:
செவ்வாழை பழங்கள் உட்கொள்வதால் உடல் ஆரோக்கியம் மட்டுமின்றி சருமத்தையும் ஆரோக்கியமாக வைத்திருக்க உதவுகிறது. தினமும் வாழைப்பழங்களை உட்கொள்ளும் போது சருமத்தில் உள்ள துளைகளைச் சுத்தம் செய்து முகத்தை பளபளப்பாக்குகிறது. மேலும் செவ்வாழையை பேஸ் மாஸ்க்காகப் பயன்படுத்தும் போது, சருமத்தை இறுக்கமாகவும், மீள் தன்மையுடன் இருக்க செய்கிறது. செவ்வாழையில் 75 சதவீதத்திற்கு அதிகமாக நீர்ச்சத்துக்கள் உள்ளதால், சருமம் எளிதில் வறண்டு விடுவதையும் தடுக்க உதவுகிறது. இதுபோன்ற பல்வேறு ஊட்டச்சத்துக்கள் மற்றும் நன்மைகளைக் கொண்டுள்ளதால், எவ்வித தயக்கமும் இன்றி செவ்வாழையை உணவு முறையில் கட்டாயம் சேர்த்துக் கொள்ள வேண்டும் என்பதை மறந்துவிடாதீர்கள்.
Image source - Google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation