இதய நோய் பாதிப்பு வராமல் தடுக்க இந்த பழங்களை டயட்டில் எடுத்துக்கோங்க

வளர்ந்து வரும் நாகரிகத்திற்கு ஏற்ப எப்போது நம்முடைய பழக்க வழக்கங்களை மாற்ற நினைக்கிறீர்களோ? அப்பொழுதிருந்தே காசு கொடுத்து உடல் நல பிரச்சனைகளை வாங்கிக் கொள்கிறீர்கள் என அர்த்தம். ஆம் ஆரோக்கியமற்ற உணவுகள், ஜங்க் புட்ஸ்கள், எண்ணெய் பலகாரங்கள் போன்றவற்றை அதிகளவில் சாப்பிடுவார்கள். சில நாட்களில் சாப்பிடுவதால் பிரச்சனைகள் பல ஏற்படாது. அதுவே தினமும் அல்லது வாரத்திற்கு ஒருமுறையாவது சாப்பிட வேண்டும் என்று நினைப்பது தவறான செயல். அதிலும் நேரம் தவறி சாப்பிடுவதாலும் உடல் நலத்தில் பல்வேறு பாதிப்புகளைக் கட்டாயம் சந்திக்க நேரிடும்.

குறிப்பாக இன்றைக்கு இளம் வயதில் இதய நோய் பாதிப்பு மற்றும் சர்க்கரை நோய் பாதிப்பு போன்றவற்றை சந்திக்க நேரிடுகிறது. இவற்றைத் தடுப்பதற்கும், கட்டுக்குள் வைத்திருப்பதற்கும் உணவு முறையில் சில மாற்றங்களைக் கொண்டு வருவார்கள். குறிப்பாக பழச்சாறுகள் அதிகம் சாப்பிடுவார்கள். பழச்சாறுகள் குடிப்பதை விட முழு பழங்களைச் சாப்பிடும் போது, வயிறு நிரம்பியதாக உணரவும், இதய நோய் மற்றும் வகை 2 நீரிழிவு நோயின் அபாயத்தைக் குறைக்கவும் உதவும். அப்படி என்னென்ன? பழங்களைச் சாப்பிடலாம்? என்பது குறித்த தகவல்கள் இங்கே.

மேலும் படிக்க: தினமும் 2 பேரிச்சம்பழம் சாப்பிட்டால் என்ன ஆகும் தெரியுமா? ஆரோக்கிய நன்மைகள் இதோ

இதய நோய் மற்றும் சர்க்கரை நோயைக் கட்டுப்படுத்தும் பழங்கள்:

• பெர்ரி: நார்ச்சத்து, ஃபோலேட், இரும்புச்சத்து, கால்சியம், வைட்டமின் ஏ மற்றும் சி நிறைந்த பெர்ரி பழங்களைச் சாப்பிடுவதால் உடலில் தேவையில்லாத கொழுப்புகள் சேர்வதற்கு வாய்ப்பில்லை இதய நோய் அபாயத்தைக் குறைக்க உதவுகிறது.
• ஆப்பிள்: எளிதில் கரையக்கூடிய நார்ச்சத்துக்கள் நிறைந்த ஆப்பிள்களைச் சாப்பிடுவதால் இரத்த சர்க்கரை அளவை சீராக வைத்திருக்க முடியும்.

• சிட்ரஸ் பழங்கள்: ஆரஞ்சு, திராட்சை, எலுமிச்சை, வைட்டமின் சி மற்றும் நார்ச்சத்துக்கள் நிறைந்த சிட்ரஸ் பழங்களை உணவு முறையில் சேர்த்துக் கொள்ளும் போது, கிளைசெமிக் கட்டுப்பாட்டை ஊக்குவிக்கிறது.
• கிவி: அதிக நார்ச்சத்துக்கள் மற்றும் குறைவான கார்போஹைட்ரேட்டுகள் நிறைந்த கிவி பழங்கள் நீரிழிவு நோய்க்கு ஏற்ற சிறந்த தேர்வாக உள்ளது.

மேலும் படிக்க: இரவு உணவை லேட்டாக சாப்பிட்டால் ஆபத்து; 5 முக்கிய காரணங்கள் இதோ

இவ்வாறு முழு பழங்களைச் சாப்பிடுவது உங்களுக்கு வயிறு நிரம்பிய உணர்வை வழங்குவதோடு தேவையில்லாத ஸ்நாக்ஸ்கள் சாப்பிடுவதைத் தடுக்க உதவக்கூடும்.

ஏன் பழச்சாறுகளைத் தவிர்க்க வேண்டும்?

பழச்சாற்றில் அதிகளவு சர்க்கரை மற்றும் குறைந்த நார்ச்சத்துக்கள் உள்ளதால், இரத்த சர்க்கரை அளவை அதிகரிக்கவும் உங்கள் பசியை அதிகரிக்கவும் செய்யும். உடலுக்கு நன்மை அளிக்கும் பைட்டோ கெமிக்கல்களை நீக்குகிறது. விரைவாக செரிமானம் ஆகும் என்பதால் இரத்த சர்க்கரை மற்றும் இன்சுலின் அளவுகளில் அதிக வியத்தகு மாற்றங்களை ஏற்படுத்தும்.

Image source - Freep