ஒழுங்கற்ற மாதவிடாய் சுழற்சியை சரி செய்ய உதவும் சீட் சைக்ளிங்!

ஹார்மோன் ஏற்ற இறக்கங்களைப் பெண்கள் அடிக்கடி சந்திக்கிறார்கள். இதனால் ஒழுங்கற்ற மாதவிடாய் பிரச்சனையும் ஏற்படுகிறது. இந்நிலையை சமாளிக்க பலரும் மருந்துகளை எடுத்துக்கொள்கின்றனர். இதற்கு மாறாக, இயற்கையான முறையில் ஹார்மோன்களை சமநிலைப்படுத்த விரும்புபவர்கள் சீட் சைக்கிளிங் முறையைப் பின்பற்றலாம்.

விதைகள் நம் உடல் ஆரோக்கியத்திற்கு நன்மை பயக்கின்றன. அது மட்டுமின்றி விதைகளைக் கொண்டு சீட் சைக்கிளிங் முறையைப் பின்பற்றும்போது, நம் உடலின் ஹார்மோன்கள் சமநிலை அடைந்து முறையாக சுரக்க தொடங்குவதாகவும் சில ஆய்வுகள் தெரிவிக்கின்றன. விதைகளில் ஒமேகா-3 கொழுப்பு அமிலங்கள், புரதங்கள், கொழுப்புகள் மற்றும் தாதுக்கள் உள்ளன, இவை உடலின் ஹார்மோன்களை சமநிலைப்படுத்த உதவுகின்றன. இந்த பதிவில் மத்திய அரசு மருத்துவமனையான ESIC மருத்துவமனையின் உளவியல் நிபுணரான ரித்து பூரி அவர்கள், ஹார்மோன்களை சமநிலைப்படுத்த சீட் சைக்கிளிங் எவ்வாறு உதவியாக இருக்கும் என்பதையும் அதை எப்படி பயன்படுத்த வேண்டும் என்பதையும் நம்முடன் பகிர்ந்து கொள்கிறார்.

சீட் சைக்கிளிங் என்றால் என்ன?

விதைகளை சிறப்பான வழியில், சிறப்பான சுழற்சியில் எடுத்துக் கொள்வதே சீட் சைக்கிளிங் ஆகும். இதில் ஃபோலிகுலர் மற்றும் லூட்டல் என இரு கட்டங்கள் உள்ளன. முதல் கட்டமான ஃபாலிக்குலார், மாதவிடாயின் முதல் நாளில் தொடங்கி 14வது நாள்வரை நீடிக்கும். மறுபுறம் இரண்டாம் கட்டமான லூட்டல் 14வது நாளில் தொடங்கி 28வது நாளில் முடிவு பெறும்.

இந்த பதிவும் உதவலாம்:மென்சஸ் கப் பயன்படுத்துவதில் இவ்வளவு நன்மைகள் உள்ளதா!!

சீட் சைக்கிளிங் முறை

• சீட் சைக்கிளிங் முறையை மாதவிடாயின் முதல் நாளிலிருந்து தொடங்க வேண்டும்.

• பூசணி விதைகள் மற்றும் ஆளி விதைகளை தலா ஒரு டீஸ்பூன் தினமும் எடுத்துக் கொள்ள வேண்டும். இதனை 14 நாட்களுக்குத் தொடர்ந்து சாப்பிட வேண்டும்.

• இவ்விரண்டு விதைகளிலும் ஜிங்க் நிறைந்துள்ளது, இவை ஈஸ்ட்ரோஜென் உற்பத்திக்கு உதவுவதோடு மட்டுமின்றி, புரோஜெஸ்ட்டிரோன் சுரப்புக்கும் உடலைத் தயார்படுத்திவிடுகின்றன.

• சீட் சைக்கிளிங்கின் இரண்டாம் கட்டமான லூட்டல் கட்டத்தில் எள் மற்றும் சூரிய காந்தி விதைகளை எடுத்துக் கொள்ள வேண்டும்.

• இது உங்கள் உடலில் FSH மற்றும் LH ஹார்மோன்களின் சுரப்பை அதிகரிக்கிறது. இவ்விரண்டு ஹார்மோன்களும் அதிகரிக்கும்போது, ஈஸ்ட்ரோஜன் அளவு குறைந்து புரோஜெஸ்ட்டிரோன் அளவு அதிகரிக்கிறது.

• இந்த விதைகளில் நிறைந்துள்ள ஒமேகா-6 கொழுப்பு அமிலங்கள் உடலில் புரோஜெஸ்ட்டிரோன் அளவுகளை அதிகரிக்க உதவுகின்றன.

• ஆகையால் சீட் சைக்கிளிங் முறைப்படி விதைகளை சுழற்சியில் எடுத்துக்கொள்ளும் பொழுது ஈஸ்ட்ரோஜன் மற்றும் புரோஜெஸ்ட்டிரோன் அளவுகள் சமநிலை அடைகின்றன.

• எள்ளில் ஜிங்க் மற்றும் சூரியகாந்தி விதையில் வைட்டமின் E நிறைந்துள்ளன, இவை இரண்டும் புரோஜெஸ்ட்டிரோன் உற்பத்திக்கு உதவுகின்றன.

சீட் சைக்கிளிங்க நன்மைகள்

ஒரு பெண் ஒழுங்கற்ற மாதவிடாய் மற்றும் ஹார்மோன் சமநிலையின்மை பிரச்சனையை எதிர்கொள்ளும் போது, அவரது உடலில் ஈஸ்ட்ரோஜன் மற்றும் புரோஜெஸ்ட்டிரோன் உற்பத்தி சீராக இருக்காது அல்லது தவறான நேரத்திலும் சுரக்கலாம். இவற்றை சரியான நேரத்தில் சுரக்கச் செய்வதற்கு சீட் சைக்கிளிங்க முறை பெரிதும் உதவுகிறது.

பொதுவாக பெண்கள், ஹார்மோன்களை சமநிலைப்படுத்தவும், மாதவிடாய்களை ஒழுங்குபடுத்தவும் சீட் சைக்கிளிங் முறையைப் பின்பற்றுகிறார்கள். இது ஹார்மோன்களை சமநிலைப்படுத்துவதால், PCOD பிரச்சனையால் பாதிக்கப்பட்ட பெண்களுக்கும் நன்மை பயக்கிறது. மேலும் தைராய்டு, கருவுறுதல், ஆஸ்டியோபோரோசிஸ், அதிக எடை போன்ற பிரச்சனைகள் உள்ள பெண்களும், சீட் சைக்கிளிங் முறையை பின்பற்றி பயனடையலாம்.

இந்த பதிவும் உதவலாம்: PCOS இருப்பதற்கான 3 அறிகுறிகளும், அதற்கான சிகிச்சையும்

நீங்களும் இது போன்ற பிரச்சனைகளை எதிர் கொண்டால், உணவியல் நிபுணரை ஆலோசனை செய்த பின் சீட் சைக்கிளிங் முறையை பின்பற்றலாம்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.