Sunflower Seeds Benefits: சூரியகாந்தி விதைகள் சாப்பிட்டால் உடலுக்கு கிடைக்கும் நன்மைகள் என்ன?

சூரியகாந்தி தாவரத்தின் பழம் தான் சூரியகாந்தி விதை என்று கூறப்படுகிறது. உடலுக்கு தேவையான அனைத்து வகையான ஊட்டச்சத்துக்கள் இந்த சூரியகாந்தி விதைகளில் நிறைந்துள்ளது. இந்த சூரியகாந்தி விதைகளை பெரும்பாலான உணவு வகைகளில் சேர்த்து சமைப்பது உண்டு. அந்த வரிசையில் தினசரி உணவில் சூரியகாந்தி விதைகளை சேர்த்து சாப்பிட்டு வந்தால் நம் உடலுக்கு கிடைக்கும் ஆரோக்கிய நன்மைகள் குறித்து இந்த கட்டுரையில் பார்க்கலாம்.

ஊட்டச்சத்துக்கள்:

இந்த சூரியகாந்தி விதையில் புரத சத்து கார்போஹைட்ரேட் நார்ச்சத்து வைட்டமின் ஈ சத்து நியாசின் வைட்டமின் பி6 இரும்பு சத்து மெக்னீசியம் ஜிங்க் மாங்கனீஸ் காப்பர் மற்றும் செலினியம் போன்ற உடலுக்கு அத்தியாவசிய ஊட்டச்சத்துக்கள் அதிகளவு நிறைந்துள்ளது.

இதய ஆரோக்கியம்:

இந்த சூரியகாந்தி விதையில் அதிக அளவு மெக்னீசியம் சத்து நிறைந்துள்ளது. இந்த மெக்னீசியம் நம் இதய ஆரோக்கியத்தை மேம்படுத்த பெரிதும் உதவுகிறது. அது மட்டுமல்லாமல் மாரடைப்பு, பக்கவாதம் போன்ற இதய நோய்கள் ஏற்படும் அபாயத்தை குறைக்க உதவும். அதேபோல உங்கள் தினசரி உணவில் இந்த சூரியகாந்தி விதைகளை சேர்த்து சாப்பிட்டு வந்தால் உடலில் உள்ள கெட்ட கிருமிகளை வேரோடு அளிக்க உதவும்.

கெட்ட கொழுப்பு:

இந்த சூரியகாந்தி விதைகளில் நார்ச்சத்து அதிக அளவு நிறைந்துள்ளதால் நம் உடலில் உள்ள நச்சுத்தன்மையை வெளியேற்ற உதவுகிறது. அதே போல நம் உடலில் கொலஸ்ட்ரால் அளவையும் குறைக்கும் தன்மை இந்த சூரியகாந்தி விதைக்கு உள்ளது. இதனால் தினசரி உணவில் சூரியகாந்தி விதைகளை சேர்த்து சாப்பிட்டு வருவதன் மூலம் உங்கள் உடலில் உள்ள கெட்ட கொழுப்புகளை எளிதில் கரைக்க முடியும் என்று மருத்துவர்கள் கூறுகின்றனர்.

பெண்கள் ஆரோக்கியம்:

இந்த சூரியகாந்தி விதைகள் உள்ள ஊட்டச்சத்துக்கள் நம் உடலின் ஹார்மோன்களை சமநிலைப்படுத்த பெரிதும் உதவுகிறது. குறிப்பாக பெண்களின் ஈஸ்ட்ரோஜன் மற்றும் ப்ரோஜெஸ்ட்ரோன் ஹார்மோன்களை சமநிலைப்படுத்தி மாதவிடாய் பிரச்சனைகளை குணப்படுத்த இந்த சூரியகாந்தி விதைகள் உதவுகிறது. அதேபோல தைராய்டு பிரச்சனை உள்ளவர்களும் தாராளமாக இந்த சூரியகாந்தி விதைகளை உணவில் சேர்த்து சாப்பிட்டு வரலாம்.

மலச்சிக்கல்:

பலவகையான ஊட்டச்சத்துக்கள் நிறைந்த இந்த சூரியகாந்தி விதைகளில் உள்ள நொதிகள் நம் செரிமான மண்டலத்தை ஒழுங்குப்படுத்தி மலச்சிக்கல் போன்ற வயிறு கோளாறு பிரச்சனைகளை நாளடைவில் குணப்படுத்த பெரிதும் உதவுகிறது. இது மட்டுமல்லாமல் வயிறு மற்றும் குடல் செயல்பாட்டை ஒழுங்குப்படுத்தி குடல் நோய்கள் ஏற்படாமல் தடுக்க சூரியகாந்தி விதைகளை சாப்பிட்டு வரலாம்.

உடல் ஆற்றல்:

இந்த சூரியகாந்தி விதையில் டயாமின் என்ற ஊட்டச்சத்து அதிக அளவு நிறைந்துள்ளதால் நம் உடலை ஆற்றலுடன் வைத்திருக்க உதவும். உடல் எடை குறைக்கும் முயற்சியில் உள்ளவர்களும் இந்த சூரியகாந்தி விதைகளை காய்கறி சாலட் போன்ற உணவுகளில் சேர்த்து சாப்பிடலாம். இது நாள் முழுக்க உங்கள் உடலை ஆற்றலுடன் வைத்திருக்க உதவும்.

Image source: google