பச்சை வாழைப்பழம் சாப்பிடுவது நம் ஆரோக்கியத்திற்கு நல்லதா கெட்டதா என்ற சந்தேகம் நம்மில் பலருக்கும் உள்ளது. தினசரி இரவு உணவிற்கு பின் ஒரு வாழைப்பழம் சாப்பிடும் பழக்கம் இன்றும் சிலருக்கு உள்ளது. நம் தமிழர் கலாச்சாரத்தில் கல்யாண வீடுகளில் கூட உணவில் வாழைப்பழம் பரிமாறுவது உண்டு. இதற்கு காரணம் வாழைப்பழத்தில் அதிக அளவு பொட்டாசியம் சத்து உள்ளதால் இது வயிறு சார்ந்த பிரச்சனைகளை சரி செய்ய உதவும். அதாவது நாம் சாப்பிட்ட உணவை செரிமானம் செய்ய இந்த வாழைப்பழம் பெரிதும் உதவுகிறது. குடல் சார்ந்த பிரச்சினைகள் சரி செய்ய தினமும் மதிய உணவுக்கு பிறகு ஒரு பச்சை வாழைப்பழம் சாப்பிட்டு வந்தால் நாளடைவில் குணமாகும் என்று மருத்துவ நிபுணர்கள் கூறுகின்றனர். இந்த பச்சை வாழைப்பழம் சாப்பிடுவதால் நம் உடலுக்கு ஏற்படும் நன்மைகள் குறித்து இந்த கட்டுரையில் பார்க்கலாம்.
ரத்த சர்க்கரை அளவு குறையும்:
இந்த பச்சை வாழைப்பழத்தில் அதிக அளவு ஸ்டார்ச் சத்து இருப்பதால் நம் உடலில் உள்ள ரத்தத்தில் சர்க்கரை அளவை கட்டுப்படுத்த உதவுகிறது. நீரிழிவு நோயாளிகளுக்கு இந்த பச்சை வாழைப்பழம் ஒரு சிறந்த மருந்து என்று தான் சொல்ல வேண்டும். நீங்கள் சர்க்கரை நோயை கட்டுக்குள் கொண்டு வர தினமும் ஒரு பச்சை வாழைப்பழம் சாப்பிட்டு வரலாம்.
மேலும் படிக்க: தினசரி பீட்ரூட் ஜூஸ் குடித்தால் உடலுக்கு கிடைக்கும் நன்மைகள்!
மலச்சிக்கல் குணமாகும்:
வயிற்றுப் பாதையில் ஏற்படும் பிரச்சனைகள், மலச்சிக்கல் போன்ற நாள்பட்ட பிரச்சனைகளை சரிசெய்ய பச்சை வாழைப்பழம் பயன்படுத்தப்படுகிறது. சில நேரங்களில் நாம் அதிக அளவு உணவுகளை உட்கொள்ளும் போது நம் செரிமானம் சீராக இருப்பது இல்லை. இந்த செரிமான பிரச்சனையை சரி செய்து வயிற்று சார்ந்த பிரச்சனைகளை நாளடைவில் குணப்படுத்த இந்த பச்சை வாழைப்பழம் பெரிதும் உதவுகிறது.
அல்சர் குணமாகும்:
இன்றைய காலகட்டத்தில் பலரும் காரமான உணவுகளை அதிகமாக சாப்பிடுவதினால் அல்சர் போன்ற நோய்கள் ஏற்படுவது உண்டு. இந்த குடல் புண் என கூறப்படும் அல்சரை குணப்படுத்த தினமும் மதிய உணவுக்குப் பிறகு ஒரு பச்சை வாழைப்பழம் சாப்பிட்டு வரலாம். இது குடல் ஆரோக்கியத்திற்கு நல்லது.
இதய நோய்களை தடுக்கும்:
இந்த பச்சை வாழைப்பழத்தில் பொட்டாசியம் சத்து அதிக அளவு இருப்பதால் இதய நோய்கள் ஏற்படும் அபாயம் குறையும். அதே போல இதில் உள்ள வைட்டமின் பி6 நம் உடலுக்கு சீரான ஆக்சிஜனேற்றத்திற்கு உதவுகிறது. மேலும் இந்த வைட்டமின் பி6 சத்து நம் உடலுக்கு பல ஆரோக்கிய நன்மைகளையும் வழங்க உதவுகிறது. பச்சை வாழைப்பழம் சாப்பிட்டு வந்தால் இதய ஆரோக்கியத்தை மேம்படுத்த உதவும்.
வலுவான பற்கள்:
தினமும் பச்சை வாழைப்பழம் சாப்பிட்டு வந்தால் பற்கள் சம்பந்தப்பட்ட பிரச்சனைகளை நாளடைவில் குணப்படுத்த முடியும். நம் பற்களுக்கு தேவையான கால்சியம் சத்து இந்த பச்சை வாழைப்பழத்தில் அதிக அளவு நிறைந்துள்ளது. இதனால் வளரும் குழந்தைகளுக்கு பச்சை வாழைப்பழத்தை வாரத்திற்கு ஒரு முறை அல்லது இரண்டு முறையாவது சாப்பிட கொடுக்கலாம். குழந்தைகளுக்கு வாழைப்பழம் மில்க்ஷேக் போன்று செய்து கொடுக்கலாம்.
உடல் எடை குறையும்:
உடல் எடை குறைக்க விரும்புவர்களுக்கு பச்சை வாழைப்பழம் ஒரு சிறந்த உணவு ஆகும். இதில் நம் உடல் எடையை குறைக்க கூடிய ஆற்றல் அதிகமாக இருப்பதால் தினமும் பச்சை வாழைப்பழத்தை தினசரி உணவில் சேர்த்து சாப்பிடுவது அவசியம். உடல் எடை குறைக்கும் முயற்சியில் உணவு டயட்டில் இருப்பவர்கள் மற்றும் ஜிம் சென்று உடற்பயிற்சி செய்பவர்களும் பச்சை வாழைப்பழத்தை சாப்பிடுவதன் மூலம் அதிக ஆற்றல் கிடைக்க உதவுகிறது.
Image source: google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation