Fruits to reduce cholestrol: கொலஸ்ட்ரால் அளவை குறைக்க இந்த பழங்களை சாப்பிட்டால் போதும்

இன்றைய காலகட்டத்தில் குழந்தைகள் முதல் பெரியோர்கள் வரை அனைவருக்கும் கொலஸ்ட்ரால் பிரச்சினை ஏற்பட்டு வருகிறது. இதற்கு முதல் காரணம் அவர்களின் ஆரோக்கியமற்ற உணவு முறை மற்றும் பழக்க வழக்கங்கள். பொதுவாகவே உடலில் உள்ள கொலஸ்ட்ரால் அளவை குறைக்க பலரும் மாத்திரை மருந்துகளை சாப்பிட்டு வருவார்கள். இதனை தவிர்த்து சில இயற்கை முறை வைத்தியங்களை பின்பற்றி உடலில் உள்ள கொலஸ்ட்ரால் அளவை குறைக்க முடியும். இந்த நிலையில் கொலஸ்ட்ராலை குறைக்க உதவும் பழங்கள் குறித்து இந்த கட்டுரையில் பார்க்கலாம்.

நெல்லிக்காய்:

இந்த நெல்லிக்காயில் வைட்டமின் சி சத்து மற்றும் ஆண்டி ஆக்சிடென்ட்கள் அதிக அளவு நிறைந்துள்ளது. இது நம் உடலில் உள்ள கெட்ட கொழுப்புகளை குறைக்க பெரிதும் உதவுகிறது. உடல் எடை குறைக்கும் முயற்சியில் உள்ளவர்களும் தினமும் காலையில் ஒரு நெல்லிக்காயை சாப்பிட்டு வரலாம்.

கொய்யாப்பழம்:

நார்சத்து மற்றும் ஆன்டி ஆக்சிடென்ட்கள் இந்த கொய்யாப் பழத்தில் அதிக அளவு நிறைந்துள்ளது. இது நம் உடலில் உள்ள எல்டிஎல் என்று கூறப்படும் கெட்ட கொழுப்புகளை குறைத்து இதய ஆரோக்கியத்தை பாதுகாக்க உதவுகிறது. இதனால் மாரடைப்பு பக்கவாதம் போன்ற இதய நோய்கள் ஏற்படும் அபாயம் குறைய உதவும்.

பப்பாளி:

அனைவரும் விரும்பி சாப்பிடும் ஒரு சுவையான பழம் இந்த பப்பாளி. இந்த பப்பாளியில் உள்ள பப்பேன் என்ற நொதி நம் உணவு செரிமானத்தை சீர் செய்ய பெரிதும் உதவுகிறது. அதே போல இந்த பப்பாளி பழத்தில் உள்ள ஊட்டச்சத்துக்கள் நம் உடலுக்கு தேவையான வைட்டமின்கள் தாதுக்கள் மற்றும் நார்ச்சத்துக்களை அளிக்க உதவுகிறது. இதனால் பப்பாளி பழம் சாப்பிட்டு வருவதால் உடல் ஆரோக்கியத்தை மேம்படுத்த முடியும்.

ஆரஞ்சு:

பொதுவாகவே வைட்டமின் சி சத்து நிறைந்த பழங்களில் நார்ச்சத்து அதிகம் நிறைந்திருக்கும். அதுபோல இந்த ஆரஞ்சு பழத்தில் வைட்டமின் சி சத்து அதிகம் இருப்பதால் நம் உடலில் உள்ள கொலஸ்ட்ராலை குறைக்க உதவுகிறது. மேலும் இது நம் உடலில் உள்ள நோய் எதிர்ப்பு சக்தியை அதிகரித்து நோய்கள் ஏற்படும் அபாயத்தை குறைக்கும்.

வாழைப்பழம்:

தினசரி இரவில் உணவிற்குப் பிறகு வாழைப்பழம் சாப்பிடும் பழக்கம் நம்மில் பலருக்கும் உண்டு. இந்த பொட்டாசியம் சத்து நிறைந்துள்ள வாழைப்பழம் நம் ரத்த அழுத்தத்தை கட்டுப்படுத்த உதவுகிறது. இதனால் நம் உடலில் கெட்ட கொழுப்பின் அளவு குறையும். அதே போல இந்த வாழைப்பழத்தில் ஆக்ஸிஜனேற்றங்கள் மற்றும் நார்சத்துக்கள் அதிகம் நிறைந்துள்ளது. இது உடல் ஆரோக்கியத்தை மேம்படுத்தி வலிமையாக்க உதவுகிறது.

மேலும் படிக்க: தினை சாப்பிடுவதால் உடலுக்கு ஏற்படும் நன்மைகள் என்ன?

மாதுளை பழம்:

ஃபாலிபினால்கள் இந்த மாதுளை பழத்தில் அதிக அளவு நிறைந்துள்ளது. இது நம் உடலில் எல்டிஎல் என்று கூறப்படும் கெட்ட கொலஸ்ட்ரால் அளவை குறைத்து இதய ஆரோக்கியத்தை பாதுகாக்க உதவுகிறது. இந்த மாதுளை பழத்தை தினசரி காலையில் வெறும் வயிற்றில் ஜூஸாக குடித்து வந்தால் உடல் ஆரோக்கியத்திற்கு நல்லது என்று மருத்துவர்கள் கூறுகின்றனர்.

Image source: google