பிரட் ஆம்லெட், சீஸ் ஆம்லெட், முட்டைப் பராத்தா, பொரித்த முட்டை, முட்டைக் கறி - இவற்றில் எதைச் சாப்பிட விரும்பாதவர் உண்டா? முட்டை மலிவான, உயர் புரதம் நிறைந்த ஒரு சூப்பர் ஃபுட் ஆகும். இது வைட்டமின் டி, வைட்டமின் பி, துத்தநாகம் மற்றும் கால்சியம் போன்ற ஊட்டச்சத்துக்களால் நிறைந்துள்ளது. மேலும், கந்தகம் மற்றும் அமினோ அமிலங்கள் இந்த முட்டையில் நிறைந்திருப்பதால், இது முடி மற்றும் சரும ஆரோக்கியத்திற்கு சிறந்தது. கோடையில் வறட்சியால் பாதிக்கப்படும் முடி மற்றும் சருமத்திற்கு முட்டை ஒரு சிறந்த தீர்வாக அமையும். ஆனாலும் கோடை காலத்தில் நாம் சாப்பிடும் உணவு செரிமானம் ஆகவில்லை என்றல் உடல்நல பிரச்சனைகள் ஏற்படும். அந்த வரிசையில் கோடை வெயிலில் முட்டை சாப்பிடலாமா கூடாதா என்பது பலரின் சந்தேகமாக உள்ளது. இந்த கட்டுரையில் அதற்கான பதிலை தெரிந்து கொள்ளுங்கள்.
முட்டையில் கொலஸ்ட்ரால் பயம் - உண்மையா, பொய்யா?
முட்டையில் கொலஸ்ட்ரால் அதிகம் என்றும், இதய நோய்க்கு காரணம் என்றும் பலர் நம்புகிறார்கள். ஆனால் இது ஒரு தவறான கருத்து. முட்டையில் HDL என்று கூறப்படும் நல்ல கொலஸ்ட்ரால் உள்ளது, இது இதய ஆரோக்கியத்தை மேம்படுத்துகிறது. கோடையில் முட்டை சாப்பிடக்கூடாது என்று சொல்வது ஒரு கட்டுக்கதை மட்டுமே. சுகாதார நிபுணர்களின் கூற்றுப்படி, இதற்கு எந்த அறிவியல் ஆதாரமும் இல்லை.
கோடையில் முட்டை சாப்பிடுவது நல்லதா, கெட்டதா?
சில உணவுகள் இயற்கையாக வெப்பமானவை, சிலது குளிர்ச்சியானவை. ஆனால் கோடையில் முட்டை சாப்பிடலாம் என்று அர்த்தம் இல்லை. முக்கியமானது என்ன என்றால் மிதமான அளவு சாப்பிட வேண்டும். எதுவும் அளவுக்கு மீறினால் தீங்கு விளைவிக்கும். கோடையில் ஒரு நாளைக்கு 1-2 முட்டைகள் சாப்பிடுவது பாதுகாப்பானது. அதிகமாக சாப்பிட்டால், உடலில் வெப்பம் அதிகரித்து குடல் பிரச்சினைகள் ஏற்படலாம்.
முட்டையின் ஆரோக்கிய நன்மைகள் என்ன?
- புரதம்: இரத்த சிவப்பணுக்கள் உருவாக்கம் மற்றும் நோய் எதிர்ப்பு சக்தியை அதிகரிக்கிறது.
- வைட்டமின் டி: கால்சியம் உறிஞ்ச உதவி, எலும்புகளை வலுப்படுத்துகிறது.
- லுடீன் & ஜியாக்சாண்டின்: கண் பார்வையை பாதுகாக்கும்.
- எடை குறைப்பு: காலையில் முட்டை சாப்பிடுவது பசியைக் குறைத்து, எடை கட்டுப்பாட்டிற்கு உதவுகிறது.
கோடையில் முட்டை சாப்பிடும் போது கவனிக்க வேண்டியவை:
ஒரு நாளைக்கு 1-2 முட்டைகளுக்கு மேல் சாப்பிடக்கூடாது, அதிகம் சாப்பிட்டால் உடல் வெப்பமடையும். அதே போல வறுத்த முட்டையை விட, வேகவைத்த முட்டை சிறந்தது. முட்டை சாப்பிட்ட பிறகு தண்ணீர் குடிப்பது செரிமானத்திற்கு உதவும்.
மேலும் படிக்க: தண்ணீர் குடித்தால் எடை குறையுமா? ஒரு நாளைக்கு எவ்வளவு தண்ணீர் குடிக்கணும் தெரியுமா?
அந்த வரிசையில் கோடை காலத்தில் முட்டை சாப்பிடுவது உடல் ஆரோக்கியத்திற்கு பாதுகாப்பானது, ஆனால் அளவோடு சாப்பிடுங்கள். ஒரு நாளைக்கு 1-2 முட்டைகள் உங்களுக்கு ஆரோக்கிய நன்மைகளைத் தரும்.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation