உடலை ஆரோக்கியமாக வைத்துக்கொள்ள ஊட்டச்சத்து நிறைந்த உணவுகளை சாப்பிட வேண்டியது அவசியம். இதற்கு பல வண்ணங்களில் கிடைக்கக்கூடிய காய்கறி மற்றும் பழங்களை சாப்பிடுவதுடன் ஒரு சில அசைவ உணவுகளையும் சேர்த்துக் கொள்ள வேண்டும். முட்டையில் தொடங்கி கடல் உணவுகள் வரை அசைவ உணவில் பல வகையான உணவுகள் இடம் பெறும்.
சிக்கன், மட்டனுக்கு ரசிகர்கள் ஒருபுறம் இருக்க மீன் அல்லது கடல் உணவுகளுக்கும் ரசிகர்கள் இருக்கத்தான் செய்கிறார்கள். அதிலும் மண் பானையில் செய்த மீன் குழம்பை ஒரு முறை சாப்பிட்டால் போதும், மீன் பிடிக்காதவர்கள் கூட மீன் சாப்பிட ஆரம்பித்து விடுவார்கள். சுவையும் சத்துக்களும் நிறைந்த இந்த மீன் வகைகளை சாப்பிடுவதால் மூளை பலவீனம் அடைவதை தடுக்கலாம். மீன் சாப்பிடுவதால் கிடைக்கக்கூடிய நன்மைகளை இன்றைய பதிவில் காணலாம்.
இந்த பதிவும் உதவலாம்: இது தெரிந்தால், இனி தினமும் ஊற வைத்த பிஸ்தா சாப்பிடுவீங்க!
கண்களுக்கு நல்லது
மீன்களில் காணப்படும் ஒமேகா-3 கொழுப்பு அமிலங்கள் கண்களுக்கு அதிக நன்மைகளை தருகின்றன. கண் சார்ந்த பிரச்சனைகளை தவிர்த்திட வாரத்திற்கு 1-2 முறை உணவில் மீன் சேர்த்துக் கொள்ள முயற்சி செய்யலாம். மோசமான கண் பார்வை, தூர பார்வை குறைபாடு போன்ற பல கண் சார்ந்த பிரச்சனைகளை குறைக்க மீன்களை உணவில் சேர்த்துக் கொள்ளலாம்.
எதிர்ப்பு சக்தியை அதிகரிக்கும்
அசைவ உணவுகளை சாப்பிட்டு உங்களுடைய நோய் எதிர்ப்பு சக்தியை அதிகரிக்க வேண்டுமானால் உங்களுக்கு மீன் மிகச்சிறந்த தேர்வாக இருக்கும். இதில் நிறைந்துள்ள செலினியம், செலினியம் பற்றாக்குறையினால் பலவீனமடையும் நோய் எதிர்ப்பு மண்டலத்தை மீட்டெடுக்க உதவுகின்றன. மேலும் மீன் வகைகளில் வைட்டமின் D மற்றும் புரதம் போன்ற பல அத்தியாவசிய ஊட்டச்சத்துக்களும் நிறைந்துள்ளன. உங்களுடைய நோய் எதிர்ப்பு மண்டலத்தை வலுவாக வைத்துக் கொள்ள வாரத்திற்கு 1-2 முறை மீனை சமைத்து சாப்பிடலாம்.
நல்ல தூக்கத்தை பெற உதவும்
மீன் சாப்பிட்டால் நல்ல தூக்கம் வரும். இதில் நிறைந்துள்ள வைட்டமின் D பதட்டம் மற்றும் மன அழுத்தத்தை நீக்குவதன் மூலம் நல்ல தரமான தூக்கத்தை பெற உதவுகின்றன. நீங்கள் அசைவ உணவு பிரியராக இருந்தால் சிக்கன், மட்டன் சாப்பிடுவதை போலவே மீன்களையும் தவறாமல் உணவில் சேர்த்துக் கொள்ளுங்கள்.
சரும ஆரோக்கியத்திற்கு நல்லது
ஒமேகா-3 கொழுப்பு அமிலங்கள் நிறைந்த மீன் வகைகளை சாப்பிடுவதன் மூலம் சருமத்தில் ஏற்படும் வீக்கம், பருக்கள் போன்ற பிரச்சனைகளை தவிர்க்கலாம். மேலும் மீன் சாப்பிடுவது, தீங்கு விளைவிக்கும் சூரிய கதிர்களின் தாக்கத்திலிருந்து சருமத்தை பாதுகாக்க உதவுகிறது. இதனுடன் மீன் சாப்பிட்டு வர தலைமுடி தொடர்பான பிரச்சனைகளிலிருந்தும் விடுபடலாம்.
மூளையை கூர்மையாக்கும்
மீன்களில் உள்ள ஊட்டச்சத்துக்கள் மூளையை கூர்மையாக்குகின்றன. இது மன அழுத்தம் மற்றும் உயர் இரத்த அழுத்தத்தை கட்டுக்குள் வைத்திருக்க உதவும். உடலில் சேரும் கெட்ட கொழுப்பை குறைக்க மீன்களை உங்கள் உணவில் சேர்த்து பயன்பெறுங்கள்.
இந்த பதிவும் உதவலாம்: நம்ம ஊரு மொச்சை பயறு, ஆரோக்கியமாக வாழ இது போதுமே!
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
image source:freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation