வெறும் வயிற்றில் இந்த இலைகளை மென்று சாப்பிடுங்க; இனி உடல்நல பிரச்சனைகள் வராது

நம் அன்றாட உணவு வகைகளில் கருவேப்பிலை முக்கிய இடத்தைப் பிடித்துள்ளது. சுவை, நறுமணம் மற்றும் ஆரோக்கியம் என மூன்றையும் சேர்த்து தரும் இந்தப் பசுமையான இலைகளின் மகத்துவம் பலருக்கு முழுமையாகத் தெரியாது. சருமம், தலைமுடி முதல் ஒட்டுமொத்த உடல் ஆரோக்கியம் வரை பல்வேறு நன்மைகளை இது வழங்குகிறது. காலையில் வெறும் வயிற்றில் இந்த இலைகளை மென்று உண்பது பல நோய்களுக்கு இயற்கை மருந்தாக செயல்படும். அந்த வரிசையில் காலையில் வெறும் வயிற்றில் கருவேப்பிலை சாப்பிட்டால் என்ன ஆகும் என்று இந்த கட்டுரையில் பார்க்கலாம்.

வெறும் வயிற்றில் கருவேப்பிலை சாப்பிடுவதன் நன்மைகள் என்ன?

முடி கொட்டுதலைக் கட்டுப்படுத்தும்:

கருவேப்பிலை முடி உதிர்வுக்கு சிறந்த தீர்வாகும். வெறும் வயிற்றில் ஒரு கிளாஸ் தண்ணீர் அருந்திய பின் 4 - 5 கருவேப்பிலை இலைகளை 30 நிமிடம் மென்று உண்ணுங்கள். இதில் அதிகம் காணப்படும் வைட்டமின் சி, இரும்பு, கால்சியம் மற்றும் நிக்கோடினிக் அமிலம் முடி வேரை வலுப்படுத்தி உதிர்வைக் குறைக்கும். இந்த இலைகளை அரைத்து தலையில் பூசினாலும் நல்ல பலன் கிடைக்கும்.

செரிமானத்தை ஊக்குவிக்கும்:

வெறும் வயிற்றில் இந்த இலைகளை மெல்லும் பழக்கம் இரைப்பைக் கோளாறுகளைத் தீர்க்கும். இது செரிமான நொதிகளைச் சுரக்க வைத்து, குடல் இயக்கத்தை சீராக்கி மலச்சிக்கலை நீக்குகிறது. காலையில் இந்தப் பழக்கம் வயிற்றுப் பிரச்சனைகளுக்கு இயற்கைத் தீர்வாகும்.

குமட்டல் மற்றும் வாந்தியைத் தடுக்கும்:

பலருக்கு காலையில் எழுந்ததும் குமட்டல் அல்லது வாந்தி எடுக்கும் பிரச்சனை உள்ளது. இதற்கு கருவேப்பிலை இலைகளை மெல்லுதல் சிறந்த தீர்வு. இது வயிற்றின் அமிலத்தன்மையை சமநிலைப்படுத்தி குமட்டலைக் குறைக்கிறது.

எடை குறைக்க உதவும்:

கருவேப்பிலையின் இயற்கை இழுப்பு சக்தி உடல் கொழுப்பைக் குறைக்க உதவுகிறது. இது செரிமானத்தை மேம்படுத்தி, நச்சுகளை நீக்கி, கெட்ட கொழுப்பைக் கட்டுப்படுத்துகிறது. தினமும் இதைச் சாப்பிடும் பழக்கம் உடல் எடையை கட்டுக்குள் வைக்க உதவும்.

இளநரை தடுக்கும் இயற்கை மருந்து:

இன்று இளம் வயதிலேயே முடி நரைப்பது பொதுவான பிரச்சனையாகி வருகிறது. கருவேப்பிலையில் உள்ள சத்துகள் முடியின் இயற்கை நிறத்தை பாதுகாக்கின்றன. இதை நீண்டகாலம் பயன்படுத்துவோருக்கு நரைதல் குறைந்து, முடி வளம் பெறுகிறது. முடி உதிர்வு மற்றும் பிற தலைமுடி பிரச்சினைகளுக்கும் இது நல்ல தீர்வாகும். அதே போல கருவேப்பிலையை உணவில் சேர்ப்பது மட்டுமல்லாமல், பச்சையாக கழுவி மென்று சாப்பிடலாம். தினசரி 5 - 6 இலைகளை மெல்லும் பழக்கம் மேலே கூறிய அனைத்து நன்மைகளையும் தரும். இது ஒரு இயற்கை மருந்தாக செயல்பட்டு, எந்த பக்க விளைவுகளும் இல்லாமல் ஆரோக்கியத்தை தருகிறது.

Image source: google