பேரிச்சம்பழம் ஊட்டச்சத்தின் ஆற்றல் மையமாகும். இவை வைட்டமின்கள், தாதுக்கள் மற்றும் நார்ச்சத்துக்களால் நிரம்பியுள்ளன. பேரிச்சம்பழம் நமது ஆரோக்கியத்தை மேம்படுத்தக்கூடிய அத்தியாவசிய ஊட்டச்சத்துக்களை வழங்கும் அதே வேளையில் இனிப்பு தேவையைப் பூர்த்தி செய்வதற்கான இயற்கையான வழியையும் வழங்குகின்றன.
இதயம் ஆரோக்கியமாக இருந்தால் மட்டுமே சிறப்பாக செயல்பட முடியும். உணவு பழக்கத்தில் பேரிச்சம்பழங்களை அறிமுகப்படுத்துவது சிறந்த இருதய நலனை வளர்க்க உதவுகிறது. பேரிச்சம்பழம் கொலஸ்ட்ரால் அளவு மற்றும் இரத்த அழுத்தத்தைக் குறைக்கும்.
இரத்த நாளங்களின் செயல்பாட்டை மேம்படுத்தவும் உதவுகிறது. பேரிச்சம்பழத்தில் உள்ள அழற்சி எதிர்ப்பு மற்றும் ஆக்ஸிஜனேற்ற பண்புகள் இதயத்தை பாதுகாக்கவும் இதய நோய்க்கான வாய்ப்பைக் குறைக்கவும் இணக்கமாக செயல்படுகின்றன.
பேரிச்சம்பழம் கெட்ட கொழுப்பின் அளவைக் குறைக்க உதவுகிறது. பேரிச்சம்பழம் பொட்டாசியத்தின் சிறந்த மூலமாகும். இதில் 100 கிராமுக்கு சுமார் 656 மில்லிகிராம்கள் உள்ளன. பொட்டாசியம் இதய ஆரோக்கியத்திற்கு ஒரு முக்கிய கனிமமாகும். ஏனெனில் இது இரத்த அழுத்தத்தை சீராக்க உதவுகிறது.
குடல் இயக்கங்களை சீராக வைத்திருப்பதிலும், மலச்சிக்கலைத் தடுப்பதிலும், சீரான குடல் நுண்ணுயிரியை பராமரிப்பதிலும் நார்ச்சத்து முக்கிய பங்கு வகிக்கிறது. இந்த காரணங்களுக்காகப் பேரிச்சம்பழ நுகர்வு ஒரு புத்திசாலித்தனமான தேர்வாகிறது. இதில் நார்ச்சத்து நிரம்பியுள்ளன. மேலும் பேரிச்சம்பழம் குடல் பாக்டீரியாக்களின் வளர்ச்சியை ஊக்குவிக்கும் ப்ரீபயாடிக் குணங்களையும் கொண்டுள்ளது.
மேலும் படிங்க Benefits of Turmeric Milk : ஆரோக்கியத்திற்கான அதிசய பானம்... மஞ்சள் பால்!
குடல் ஆரோக்கியத்தை மேம்படுத்துவதோடு பேரிச்சம்பழத்தின் நார்ச்சத்து மற்றும் ஊட்டச்சத்துக்கள் சர்க்கரையை உறிஞ்சுவதை மெதுவாக்குகிறது. இது இரத்த சர்க்கரை அளவைக் கட்டுப்படுத்த உதவுகிறது. மற்ற சர்க்கரை உணவுகளுடன் ஒப்பிடும்போது பேரிச்சம்பழத்தின் கிளைசெமிக் இன்டெக்ஸ் குறைவாகவே இருக்கிறது.
தினசரி இரண்டு அல்லது மூன்று வேளை பேரிச்சம்பழம் உட்கொள்வது நீரிழிவு நோயாளிகளுக்கு நன்மை பயக்கும் என்று ஆய்வுகள் தெரிவிக்கின்றன. எனவே, உங்களுக்கு நீரிழிவு நோய் இருந்தால் அல்லது நீரிழிவு நோயை உருவாக்கும் அபாயம் இருந்தால் பேரிச்சம்பழம் சாப்பிடுவது நல்லது
நோய்த்தொற்றுகள் மற்றும் நோய்களைத் தடுக்க வலுவான நோயெதிர்ப்பு மண்டலத்தை பராமரிப்பது அவசியம். பேரிச்சம்பழங்களில் வைட்டமின்கள் மற்றும் வைட்டமின் சி மற்றும் துத்தநாகம் போன்ற தாதுக்கள் உள்ளன. இவை நோயெதிர்ப்பு மண்டலத்தை ஆதரிக்க உதவுகின்றன.
மேலும் படிங்க Iron Deficiency : இரும்புச் சத்து குறைப்பாட்டை சரி செய்வது எப்படி ?
பேரிச்சம்பழம் உங்களின் எலும்புகள் மற்றும் பற்களுக்கு மிகவும் நல்லது. ஏனென்றால் அவற்றில் கால்சியம், பாஸ்பரஸ் மற்றும் மெக்னீசியம் போன்ற முக்கியமான தாதுக்கள் உள்ளன. பால் போலவே பேரிச்சம்பழத்திலும் கால்சியம் உள்ளது. இது உங்கள் எலும்புகளை வலிமையாக்குகிறது.
இது போன்ற கட்டுரைகளுக்கு ஹெர் ஜிந்தகியுடன் இணைந்திருங்கள்
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com