சருமத்தை எப்போதும் பொலிவுடன் வைத்திருக்க வேண்டுமா? இந்த பழங்களைக் கட்டாயம் சாப்பிடுங்க!

குளிர்காலம் முதல் வெயில்காலம் வரை பெண்கள் என்ன தான் முகத்தைப் பொலிவுடன் வைத்திருப்பதற்கு பல அழகு சாதனப் பொருட்களைப் பயன்படுத்தினாலும், நிச்சயம் எவ்வித பலனும் இருக்காது. வெளிப்புறத்திலிருந்து உங்களை அழகாக்கிக் கொள்வதோடு உடலுக்குத் தேவையான ஊட்டச்சத்துக்களையும் உட்கொள்ள வேண்டும் என அழகு கலை நிபுணர்கள் தெரிவிக்கின்றனர். இந்நிலையில் உடலுக்குஆற்றலை சேர்க்கும் வகையில் என்னென்ன பழங்களை உட்கொள்ள வேண்டும் என்பது குறித்த தகவல்கள் இங்கே.

சரும பொலிவிற்கு உதவும் பழங்கள்:

• 92 சதவீதம் நீர்ச்சத்துள்ள பழங்களில் ஒன்றாக உள்ளது தர்பூசணி. இதில் உள்ள வைட்டமின் சி, ஏ, பி 1, பி6 மற்றும் லைகோபீன் போன்ற ஊட்டச்சத்துக்கள் சருமத்திற்குத் தேவையான ஊட்டச்சத்துக்களை வழங்குவதோடு முகத்திற்கு பொலிவைத் தருகிறது.
• ஆரஞ்சு பழங்களில் உள்ள வைட்டமின் சி மற்றும் ஆன்டிஆக்ஸிடன்ட்கள் அதிகம் உள்ளதால், உடலில் ஃப்ரீ ரேடிக்கல்களை எதிர்த்துப் போராட உதவுகிறது. சருமத்திற்குத் தேவையான ஊட்டச்சத்துக்களை வழங்குவதோடு முன்கூட்டியே வயதானத் தோற்றம் ஏற்படுதைத் தடுக்கிறது. மேலும் இதில் உள்ள வைட்டமின் ஏ, பி 6, சி போன்ற ஊட்டச்சத்துக்கள் சருமத்தை எப்போதும் நீரேற்றமாக வைத்திருக்க உதவியாக உள்ளது.

மேலும் படிக்க: குளிர்ந்த காற்றால் ஏற்படும் உதடு வெடிப்பு; சரி செய்ய வீட்டில் தயார் செய்யும் லிப் பாம் பயன்படுத்துங்க!

• பெண்களின் முகத்தை எப்போதும் ஆரோக்கியமாக வைத்திருக்க உதவும் பழங்களில் முக்கியமானதாக உள்ளது பப்பாளி. இதில் உள்ள வைட்டமின் சி உள்ளிட்ட பல்வேறு ஊட்டச்சத்துக்கள் சருமத்தில் உள்ள அழுக்குகளையும் நீக்கவும், முகப்பருக்கள் போன்றவற்றையும் தடுப்பதற்கு உதவியாக உள்ளது.

மேலும் படிக்க: Dry Scalp Remedies: குளிர்காலத்தில் உச்சந்தலை வறண்டு போவதை கட்டுப்படுத்த உதவும் 5 வீட்டு வைத்தியங்கள் இதோ

• மாம்பழங்களில் வைட்டமின்கள் ஏ, ஈ மற்றும் சி போன்ற பல்வேறு ஊட்டச்சத்துக்கள் அடங்கியுள்ளது. அதிலும் கோடைக்காலத்தில் எளிதில் கிடைக்கக்கூடிய பழங்கள் என்றால் அச்சமின்றி நீங்கள் சாப்பிடலாம். இதில் உள்ள ஊட்டச்சத்துக்கள் சருமத்தை எப்போதும் பொலிவுடனும், நீரேற்றமாகவும் வைத்திருக்க உதவுகிறது.
• எலுமிச்சையில்  உள்ள வைட்டமின் சி எளிதில் வயதானத் தோற்றத்தைக் குறைக்க உதவுகிறது. மேலும் ஹைப்பர் பிக்மென்டேஷன் மற்றும் வடுக்கள் போன்றவற்றை நீக்க உதவும்
• வைட்டமின் சி நிறைந்த ராஸ்பெர்ரி, ப்ளுபெர்ரி போன்ற பெர்ரி வகைகளையும் உங்களது உணவு முறையில் சேர்த்துக் கொள்ளலாம். சருமத்திற்குத் தேவையான ஆற்றலை அளிப்பதோடு பொலிவையையும் தருகிறது.

Image source - Freepik