முகம் ஜொலிப்புடன் இருக்க அரிசி மாவை இந்த பொருட்களுடன் பயன்படுத்துங்க

முகம் பளபளப்பாக அரிசி மாவைப் பயன்படுத்தும் முறைகள்:

தயிருடன் அரிசி மாவு:

1 தேக்கரண்டி அரிசி மாவு மற்றும் தயிர் சேர்த்து பேஸ்ட் போன்று கலந்துக் கொள்ளவும். பின்னர் இதை முகம் மற்றும் கழுத்துப் பகுதிகளில் சுமார் 15 முதல் 20 நிமிடங்களுக்கு அப்படியே வைத்திருக்கவும். இதையடுத்து குளிர்ந்த நீரால் முகத்தைக் கழுவும் போது இதில் உள்ள ஊட்டச்சத்துக்கள் சருமத்தைப் பொலிவாக்க உதவுகிறது. மேலும் சருமத்தில் உள்ள இறந்த செல்களை அகற்றுவதற்கும் உதவுகிறது.

தேங்காய் பாலுடன் அரிசி மாவு:

தயிர் மற்றும் மஞ்சள் மட்டுமின்றி அரிசி மாவை தேங்காய் பாலுடன் கலந்து பேஸ் பேக் தயார் செய்யலாம். பொதுவாகவே தேங்காயை எந்தளவிற்கு உணவு முறையில் சேர்த்துக் கொள்கிறோமோ? அந்தளவிற்கு எப்போதும் இளமையான தோற்றத்துடன் இருக்க முடியும் என்பார்கள். அதே போன்று தான் தேங்காய் பாலுடன் சிறிதளவு அரிசி மாவு கலந்து முகத்தில் அப்ளை செய்யும் போது சருமம் ஜொலிப்புடன் இருப்பதோடு எப்போதும் இளமையான தோற்றத்தைப் பெற முடியும்.

எலுமிச்சையுடன் அரிசி மாவு:

அரிசி மாவை எலுமிச்சை சாறுடன் கலந்து முகத்தில் பேஸ் பேக் போன்று அப்ளை செய்யலாம். முகத்தில் உள்ள இறந்த செல்களை அகற்றவும், பளபளப்பாக வைத்திருக்கவும் உதவுகிறது.

மேலும் படிக்க:வறண்ட சருமம் உள்ளதா? வீட்டிலேயே செய்யும் இந்த டோனர்களைப் பயன்படுத்துங்க!