முடி நல்ல நீளமும் வேண்டும், அடர்த்தியும் வேண்டுமா... இந்த வெந்தயம் மற்றும் வெங்காயத்தை இப்படி ட்ரை பண்ணுங்கள்

முடி வளர்ச்சி என்று வரும்போதெல்லாம் சந்தையில் கிடைக்கும் பல்வேறு வகையான முடி தயாரிப்புகளை நாம் அனைவரும் நாடி செல்கிறோம். இன்றைய காலகட்டத்தில் சந்தையில் பல முடி சார்ந்த கிரீம்கள் விற்கப்படுகின்றன. அவை அனைத்தும் குறுகிய காலத்தில் நீண்ட மற்றும் அழகான முடியைப் பெற உதவுகிறது. அதே போன்று இந்த தயாரிப்புகள் அனைத்தும் மிகவும் விலை உயர்ந்தவை. அதுமட்டுமின்றி அவற்றைப் பயன்படுத்த நீங்கள் நிறைய பணம் செலவழிக்க வேண்டியிருக்கும். உங்கள் தலைமுடியை ஆரோக்கியமாகவும் நீளமாகவும் பாக்கெட்டுக்கு ஏற்ற மற்றும் இயற்கையான முறையில் நீண்ட காலத்திற்கு முடி பராமரிக்க விரும்பினால் வெந்தயம் மற்றும் வெங்காயத்தைப் பயன்படுத்தலாம்.

இந்த இரண்டு பொருட்களும் முடி வளர்ச்சிக்கு மிகவும் நல்லது. இவற்றைச் சேர்த்துப் பயன்படுத்தினால் குறுகிய காலத்தில் முடிக்கு நல்ல பலனைத் தரும். எனவே இன்று இந்த கட்டுரையில் வெந்தய விதைகள் மற்றும் வெங்காயத்தை தலைமுடியில் எந்தெந்த வழிகளைப் பயன்படுத்தலாம் என்று பார்க்கலாம்.

மேலும் படிக்க: முகம் வசீகரமாகவும், ஈரப்பதத்துடன் இருக்க இந்த சூப்பரான ஃபேஸ் மாஸ்கை ட்ரை பண்ணுங்க

முடி வளர்ச்சிக்கு வெந்தயம் எவ்வாறு உதவுகிறது?

• வெந்தயம் முடி வளர்ச்சிக்கு மிகவும் நன்மை பயக்கும்.
• வெந்தய விதையில் உள்ள புரோட்டீன் முடியை பலப்படுத்துவதோடு, முடி வளர்ச்சியையும் ஊக்குவிக்கிறது.
• இதில் நிகோடினிக் அமிலம் உள்ளதால் முடி வளர்ச்சிக்கு உதவுகிறது.
• வெந்தயம் இரும்புச்சத்துக்கான நல்ல மூலமாகும் எனவே இது முடிக்கு மிகவும் நல்லது.
• வெந்தய விதையில் உள்ள ஆன்டி-ஆக்ஸிடன்ட்கள் முடி உதிர்தலை தடுக்க பங்களிக்கும் ஃப்ரீ ரேடிக்கல்களை எதிர்த்துப் போராட உதவுகின்றன.

முடி வளர்ச்சிக்கு வெங்காயம் எப்படி உதவுகிறது?

• வெங்காயத்தைப் பயன்படுத்துவதன் மூலம் முடி குறுகிய காலத்திலேயே வளரத் தொடங்குகிறது.
• வெங்காயத்தில் சல்பர் அதிகமாக உள்ளதால் இது முடி வளர்ச்சியை ஊக்குவிக்கும்.
• வெங்காயத்தில் ஃபிளாவனாய்டுகள் மற்றும் பினாலிக் கலவைகள் போன்ற ஆன்டி-ஆக்ஸிடன்ட்டுகள் உள்ளதால் உச்சந்தலையின் ஆரோக்கியத்திற்கு நன்மை பயக்கும்.
• வெங்காயத்தில் வைட்டமின் சி, பி6, பொட்டாசியம் மற்றும் மெக்னீசியம் போன்ற தாதுக்கள் உள்ளதால் முடியின் ஒட்டுமொத்த ஆரோக்கியத்திற்கு நன்மை பயக்கும்.

வெந்தயம் மற்றும் வெங்காயம் கொண்டு ஹேர் மாஸ்க் செய்யும் முறை

முடி வளர்ச்சிக்கு, வெந்தயம் மற்றும் வெங்காயத்தின் உதவியுடன் ஹேர் மாஸ்க் தயார் செய்யலாம். இதற்கு வெந்தயத்தை சிறிது நேரம் ஊற வைக்கவும். பிறகு அதை அரைத்து பேஸ்ட் செய்யவும். வெங்காயத்தை அரைத்து அதன் சாறு எடுத்துக்கொள்ள வேண்டும். இப்போது வெங்காய சாறுடன் வெந்தய விழுதை கலக்கவும். தயாரிக்கப்பட்ட கலவையை உங்கள் உச்சந்தலையில் மற்றும் முடியில் தடவி மெதுவாக மசாஜ் செய்யவும். அரை மணி நேரம் அப்படியே விடவும். இறுதியாக லேசான ஷாம்பு கொண்டு முடியை சுத்தம் செய்யவும்.

வெந்தயம் மற்றும் வெங்காயத்தை கொண்டு முடியை அலசும் முறை

முடியை பராமரிப்பதற்கு இந்த டிப்ஸ் எளிதான வழி. இதற்கு வெந்தயத்தை தண்ணீரில் பாதியாகக் குறையும் வரை கொதிக்க வைக்கவும். இப்போது கலவையை வடிகட்டி ஆற விடவும். இந்த வெந்தயத் தண்ணீரில் வெங்காயச் சாற்றைக் கலக்க வேண்டும். இப்போது தலைமுடியை ஷாம்பு போட்ட பிறகு இந்த நீரில் முடியை அலசவும். சிறிது நேரம் இப்படியே விடுங்கள். இறுதியாக முடியை வெற்று நீரில் அலசி கொள்ள வேண்டும்.

வெந்தயம் மற்றும் வெங்காயத்திலிருந்து முடி எண்ணெய் தயாரிக்கும் முறை

மேலும் படிக்க: பிரகாசமான அழகை பெற வீட்டில் இந்த பாட்டி வைத்தியத்தை செய்யுங்கள்

முடி பராமரிப்பு மற்றும் வளர்ச்சிக்கு வெந்தயம் மற்றும் வெங்காயத்தின் உதவியுடன் முடி எண்ணெய் தயாரிக்கலாம். இதற்கு தேங்காய் எண்ணெய் அல்லது ஆலிவ் எண்ணெயில் வெந்தயத்தை கலக்கவும். வெந்தய விதைகள் பழுப்பு நிறமாக மாறும் வரை எண்ணெயை சூடாக்க வேண்டும். இப்போது எண்ணெயை ஆறவைத்து பின் வடிகட்ட வேண்டும். இப்போது அதில் வெங்காய சாறு சேர்க்கவும். தயாரிக்கப்பட்ட எண்ணெயை சுத்தமான கண்ணாடி பட்டிலில் வைக்கவும். உங்கள் உச்சந்தலையில் மசாஜ் செய்ய இதைப் பயன்படுத்தவும். சுமார் இரண்டு மணி நேரம் கழித்து நீங்கள் ஷாம்பு தலைக்கு போடலாம்.

இந்தக் கட்டுரை உங்களுக்குப் பிடித்திருந்தால் பகிரவும். மேலும் இதுபோன்ற கட்டுரைகளைப் படிக்க Harzindagi உடன் இணைந்திருக்கவும்.

Image Credit: Freepik