இரவில் தலைக்கு குளிப்பவரா நீங்கள்? உஷார் மக்களே... இந்த பாதிப்புகள் ஏற்படலாம்!

ஆனால், இந்த பழக்கம் நன்மைக்கு பதிலாக, அதிக தீமையையே விளைவிக்கிறது. இங்கு குளிக்கும் நேரம் முக்கியமில்லை, குளித்த பிறகு நீங்கள் மேற்கொள்ளும் நடைமுறைகள் தான் ஆபத்தானவை. இது போன்று செய்யும் போது ஏராளமான பாதிப்புகள் உங்கள் முடியில் ஏற்படும். அவை என்னவென்று இதில் காண்போம். மேலும், இதனை தடுக்க என்ன செய்ய வேண்டும் என்பது குறித்தும் பார்க்கலாம்.

ஈரமாக இருக்கும் முடியால் ஏற்படும் பாதிப்புகள்:

இரவில் தலைக்கு குளித்தால், ஈரமாக இருக்கும் முடியுடன் தூங்க செல்ல நேரிடும். இவ்வாறு செய்வது உங்களை உடல்நல குறைபாடுகளுக்கு உள்ளாக்குவதுடன், உங்கள் முடி வழக்கத்தை விட அதிகமாக சிக்கலடையவும் வாய்ப்புள்ளது. தலைக்கு குளித்த பிறகு, முடியின் மேலடுக்கு (cuticle) திறந்தே இருக்கும். அதனால் தான், ஈரமான முடியை சீவக் கூடாது என்றும், அது முடி உதிர்வுக்கு வழிவகுக்கும் என்றும் கூறப்படுகிறது.

பூஞ்சை வளர்ச்சிக்கு வழிவகுக்கும்:

ஈரமான தலையுடன் உறங்குவது, பூஞ்சை வளர்ச்சி, பொடுகு, முடி உதிர்தல் மற்றும் தொற்று போன்ற பிரச்சனைகளுக்கு வழிவகுக்கும். ஏனென்றால், இந்த பிரச்சனைகள் ஈரப்பதமான சூழ்நிலையில் தான் அதிகமாக வளரும்.

முடியில் சிக்கு ஏற்படுவதற்கு அதிக வாய்ப்பு:

இரவில் தலைக்கு குளிப்பதால், காலையில் உங்கள் முடி அழகாக இருக்காது. மாறாக, அது அதிகமாக சிக்கலடைந்து, வறண்டு போகலாம்.

இதற்கான தீர்வு என்ன?

இதற்காக நீங்கள் இரவில் தலைக்கு குளிப்பதை முற்றிலும் தவிர்க்க வேண்டும் என்று அர்த்தமில்லை. நீங்கள் செய்ய வேண்டியது எல்லாம், சில விஷயங்களில் கவனமாக இருப்பது தான்.

முதலாவதாக, நீங்கள் உறங்க செல்வதற்கு முன் உங்கள் முடி முற்றிலும் உலர்ந்துவிட்டதா என்பதை உறுதிப்படுத்திக் கொள்ளுங்கள். இரண்டாவதாக, முடியில் சிக்கு ஏற்படாமல் இருக்க, லீவ்-இன் கண்டிஷனர் (leave-in conditioner) சிறிது பயன்படுத்தலாம். இவற்றை மேற்கொண்டு உங்கள் முடியை சரியாக பராமரிக்கவும்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik