Dandruff Home Remedies : தீராத பொடுகு தொல்லையா? மிகச் சிறந்த வீட்டு வைத்தியம் கற்றாழை தான் தெரியுமா?

பொடுகு என்பது அனைவருக்கும் ஒரு தலைவலியாக இருக்கும் உலகளாவிய பிரச்சனை. ஆண்கள், பெண்கள், குழந்தைகள் என அனைவரும் பொடுகு பிரச்சனையால் அவதிப்படுகின்றனர். பலவகையான வைத்தியங்கள், ஷாம்பூங்கள், எண்ணெய்கள் என முயற்சி செய்து பார்த்தும் பொடுகு தொல்லையில் இருந்து தப்பிக்க முடியவில்லையா? கவலைய விடுங்கள், இந்த ஆக சிறந்த வீட்டு வைத்தியத்தை இந்த முறை ட்ரை செய்து பாருங்கள்.

உடல் ஆரோக்கியம் சரும பராமரிப்பு, முடி பராமரிப்பு என கற்றாழையில் ஏகப்பட்ட நன்மைகள் அடங்கியுள்ளன. தலை முடி முதல் கால் வரை கற்றாழை பல்வேறு நன்மைகளை வாரி வழங்குகிறது. அந்த வகையில் இந்த பதிவில் கற்ற்றாழை ஜெல்லை பொடுகு பிரச்சனைக்கு எப்படி பயன்டுத்த வேண்டும் என்பதை பார்க்க போகிறோம். பொடுகுக்கு ஒரு நிரூபிக்கப்பட்ட வீட்டு வைத்தியம் கற்றாழை. கற்றாழை இறந்த சரும செல்களை சரிசெய்து தோல் அரிப்புகளை நிறுத்துகிறது. மேலும், கூந்தலுக்கு புத்துணர்ச்சி அளிக்கிறது. எனவே, கற்றாழையை கூந்தலுக்கு தொடர்ந்து பயன்படுத்துவதால் பொடுகு தொல்லை நீங்குவது மட்டுமின்றி, ஆரோக்கியமான மற்றும் பளபளப்பான கூந்தலையும் பெறலாம்.

கற்றாழை மற்றும் எலுமிச்சை ஹேர் மாஸ்க்

கற்றாழையைப் போலவே, எலுமிச்சையும் பொடுகுத் தொல்லைக்கு ஒரு இயற்கை தீர்வாகும். இது உச்சந்தலையில் எரிச்சலை ஏற்படுத்தக்கூடியது என்பதால், கற்றாழை ஜெல்லுடன் சேர்த்து, அதன் அமிலத் தன்மையை சமன் செய்து, சிறந்த பொடுகு தீர்வாக பயன்படுத்தவும். பொடுகுத் தொல்லையிலிருந்து விடுபட இதை வாரத்திற்கு ஒரு முறை பயன்படுத்தவும்.

• கற்றாழை ஜெல் - ½ கப்
• எலுமிச்சை சாறு -2 டீஸ்பூன்

பயன்படுத்தும் முறை

• அரை கப் கற்றாழை ஜெல்லை 2 டேபிள் ஸ்பூன் எலுமிச்சை சாறுடன் கலந்து நன்கு கலக்கவும்
• இந்த கலவையை உச்சந்தலையில் மற்றும் முடி இழைகளில் தடவி 30 நிமிடங்கள் ஊற விடவும்
• பின்பு முடியை வெதுவெதுப்பான நீரில் கழுவவும்

கற்றாழை தேங்காய் எண்ணெய் மாஸ்க்

• கற்றாழை ஜெல் - 2 டீஸ்பூன்
• தேங்காய் எண்ணெய் - 1 கப்

பயன்படுத்தும் முறை

• கற்றாழை ஜெல் மற்றும் தேங்காய் எண்ணெயை மிக்ஸ் செய்யவும்
• கலவையை உச்சந்தலையில் மசாஜ் செய்து சில மணி நேரம் அப்படியே வைக்கவும்
• பின்பு முடியை வெதுவெதுப்பான நீரில் கழுவவும்

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: freepik