முகத்தைப் பொலிவாக்க வைட்டமின் சி பழங்கள் எப்படி உதவுகிறது தெரியுமா?

இன்றைக்கு சந்தையில் சருமத்தைப் பராமரிக்க விலையுயர்ந்த அழகு சாதனப் பொருட்களை வாங்கி நம்மில் பலர் பயன்படுத்தி வருகிறோம். இவையெல்லாம் நிரந்தர தீர்வாக அமையாது. குறிப்பிட்ட சில தினங்களுக்கு மட்டுமே சருமத்தைப் பொலிவாக வைத்திருக்கும். மேலும் பல ரசாயனங்கள் அழகு சாதனப் பொருட்களில் பயன்படுத்தப்படுவதால் சில நேரங்களில் சரும பிரச்சனை ஏற்படும். இவற்றைத் தவிர்க்க வேண்டும் என்றால்
ரசாயன பொருட்கள் இல்லாமல் இயற்கையான முறையில் சருமத்தைப் பொலிவாக்க முயற்சி செய்ய வேண்டும். இவற்றிற்கு சிறந்த தேர்வாக உள்ளது வைட்டமின் சி நிறைந்த பழங்கள். என்னென்ன பழங்கள்? எப்படியெல்லாம் சருமத்தைப் பொலிவாக்க உதவியாக இருக்கும்? என்பது குறித்த அழகுச் சாதன குறிப்புகள் இங்கே.

சருமத்தைப் பொலிவாக்க வைட்டமின் சி பழங்கள்:

• கிவி: வைட்டமின் சி சத்துக்கள் கொண்ட கிவி பழங்களைத் தினமும் காலையில் சாப்பிடவேண்டும். பசியைத் தூண்டுவதோடு மட்டுமின்றி சிறந்த மலமிளக்கியாகவும் செயல்படுகிறது. முகத்தில் அடிக்கடி ஏற்படும் பருக்கள் மற்றும் சரும பிரச்சனைகளைத் தவிர்க்க உதவுகிறது.
• ஆரஞ்சு பழம்: வைட்டமின் சி சத்துக்களைக் கொண்ட ஆரஞ்சு பழங்களை ஜூஸாக அல்லது பழங்களாக சாப்பிடலாம். இது உங்களது சருமத்தை எப்போதும் இளமையாக வைத்திருக்க உதவுகிறது. வைட்டமின் சி பண்புகள் கொலாஜன் உற்பத்தியை அதிகரித்து தோலின் நெகிழ்ச்சித் தன்மையை மேம்படுத்துகிறது.

மேலும் படிக்க: கூந்தல் அடர்த்தியாக வளர உதவும் ஊட்டச்சத்துகள்; இந்த உணவுகளை மிஸ் பண்ணாதீங்க மக்களே

• தக்காளி: சரும பொலிவிற்கு உதவியாக இருக்கும் மற்றொரு பழங்களில் ஒன்று தக்காளி. வைட்டமின் சி பண்புகளைக் கொண்ட இந்த பழங்களை உணவில் அதிகளவில் சேர்த்துக் கொள்ளலாம். அல்லது தக்காளியை முகத்தில் அப்ளை செய்து 15 நிமிடங்களுக்குப் பின்னதாக குளிர்ந்த நீரால் கழுவிக் கொள்ளவும். இதில் உள்ள ஊட்டச்சத்துக்கள் சருமத்தை உள்ளிருந்து சுத்தப்படுத்துகிறது. பருவ காலங்களால் ஏற்படக்கூடிய தோல் சிவப்பாகுதல், கரும்புள்ளிகள் போன்றவற்றைத் தவிர்க்கிறது.

• அன்னாசி பழங்கள்: இந்த பழங்களில் உள்ள வைட்டமின் சி சத்துக்கள் சருமத்தை உள்ளிருந்து சுத்தப்படுத்த உதவுகிறது. சருமத்தின் நிறத்தை சமன் செய்வதோடு சூரிய ஒளியால் ஏற்படக்கூடிய சரும பாதிப்புகளையும் தடுக்கிறது. அன்னாசி ஜூஸாக பருகலாம். அல்லது பழுத்த பழங்களை முகத்தில் பேஸ் பேக் போன்று பயன்படுத்தலாம்.

மேலும் படிக்க: பெண்களின் தலைமுடி வளர்ச்சிக்கு உதவும் ஆரோக்கிய உணவுகளின் லிஸ்ட்!

• வைட்டமின் சி, பொட்டாசியம் போன்ற அத்தியாவசிய ஊட்டச்சத்துக்க்ள நிறைந்த ஸ்டாரபெரிகளையும் உங்களது டயட்டில் சேர்த்துக் கொள்வது நல்லது. இவை சருமத்தை சுத்தப்படுத்தவும், முகத்தை எப்போதும் மென்மையாகவும் வைத்திருக்க உதவியாக இருக்கும்.

Image source - Freepik