என்றும் இளமையுடன் இருக்க வேண்டுமா? இந்த பொருட்களை முகத்தில் தடவினால் போதும்!

நடிகைகள் எப்போதும் இளமையாக இருக்க முகத்தில் என்ன தடவுகிறார்கள் என்று நீங்கள் நினைத்ததுண்டா? அவ்வாறு நினைப்பது பொதுவானது தான்.

வயது நிச்சயமாக சருமத்தை பாதிக்கிறது என்பதை நாம் அனைவரும் அறிவோம். சிறிது காலத்தில், தோல் தளர்வாகத் தொடங்குகிறது. சுருக்கங்கள் மற்றும் கோடுகள் தோன்ற ஆரம்பிக்கின்றன. சருமத்தை சரியாக பராமரித்தால் வயதான தோற்றம் தெரிவதை தடுக்க முடியும்.

நீங்கள் விரும்பினால், வயதான பிறகும் இளமையாகத் தோன்றலாம். இதற்கு நீங்கள் உங்கள் முகத்தில் சில இயற்கையான பொருட்களை பயன்படுத்தினால் போதும். ஃபேஸ் மாஸ்க் பற்றி நீங்கள் கேள்விப்பட்டிருக்கிறீர்களா? அவை வெவ்வேறு பொருட்களிலிருந்து தயாரிக்கப்படுகின்றன. மேலும், ஒவ்வொரு சரும வகைக்கும் ஏற்ற வகையில் தயாரிக்கப்படுகின்றன. ஃபேஸ் மாஸ்க்கை எப்படி தயாரிப்பது என்று தெரிந்து கொள்ள வேண்டுமா? இந்த பதிவை தொடர்ந்து படிக்கவும்.

அரிசி நீரில் ஃபேஸ் மாஸ்க் செய்யலாம்

அரிசி தண்ணீரை ஜப்பானிய மற்றும் கொரிய பெண்கள் பெரும்பாலும் பயன்படுத்துகிறார்கள், அதனால்தான் அவர்களின் தோல் இளமையாகவும் பளபளப்பாகவும் தெரிகிறது. இப்போது எல்லோரும் இதனை பின்பற்ற தொடங்கிவிட்டனர்.

அரிசி நீர் சருமத்திற்கு அருமருந்து என்று சொன்னால் தவறில்லை. முதுமையை எதிர்த்துப் போராட உதவும் ஃபிளாவனாய்டு கலவை இதில் உள்ளது. இதைப் பயன்படுத்தினால், சருமம் இளமையாகத் தோன்றும். உங்கள் சருமம் உங்கள் வயதை வெளிப்படுத்தாமல் இருக்க வேண்டும் என்று நீங்கள் விரும்பினால், அரிசி தண்ணீரால் செய்யப்பட்ட ஃபேஸ் மாஸ்க்கை உங்கள் சரும பராமரிப்பு வழக்கத்தின் ஒரு பகுதியாக மாற்றலாம்.

தேவையான பொருட்கள்

• வெற்று ஷீட் மாஸ்க்

• அரிசி தண்ணீர்

அரிசி தண்ணீர் தயாரிப்பது எப்படி

• தேவையான அளவு அரிசியை எடுத்துக் கொள்ளவும்.

• இப்போது அரிசியை தண்ணீரில் கழுவவும். குறைந்தது 2-3 முறை கழுவ வேண்டும்.

• கழுவிய அரிசியில் தண்ணீர் சேர்த்து அரை மணி நேரம் அப்படியே வைக்கவும்.

• பிறகு, அரிசியிலிருந்து தண்ணீரை வடிகட்டி, பாட்டிலில் நிரப்பவும்.

• இப்போது இந்த தண்ணீரை ஃபிரிட்ஜில் சிறிது நேரம் குளிர்விக்கவும்.

என்ன செய்ய வேண்டும்?

• வெற்று ஷீட் மாஸ்க்கை அரிசி நீரில் சிறிது நேரம் ஊற வைக்கவும்.

• இப்போது இந்த மாஸ்க்கை உங்கள் முகத்தில் போடவும்.

• அதனை சருமத்தில் 10 நிமிடங்கள் அப்படியே விட்டுவிடவும்.

• இப்போது உங்கள் முகத்தை சுத்தம் செய்யவும்.

• இந்த ஃபேஸ் மாஸ்க்கை வாரத்திற்கு இரண்டு முறை பயன்படுத்தி வரலாம்.

முட்டை மற்றும் தேன் ஃபேஸ் மாஸ்க்

தேவையான பொருட்கள்

• முட்டையின் மஞ்சள் கரு - 1

• தேன் - 2 டீஸ்பூன்

• தண்ணீர் - 2-3 சொட்டு

என்ன செய்ய வேண்டும்?

• ஒரு சிறிய கிண்ணத்தில், 2 டீஸ்பூன் தேன் மற்றும் 2-3 சொட்டு தண்ணீர் எடுத்துக்கொள்ளவும்.

• இப்போது அவற்றை கலக்கவும்.

• 1 முட்டையை உடைத்து அதன் மஞ்சள் கருவை பிரிக்கவும்.

• தேன் உள்ள கிண்ணத்தில் மஞ்சள் கருவை கலந்துக்கொள்ளவும்.

• அவ்வளவு தான், வீட்டிலேயே செய்த ஃபேஸ் மாஸ்க் ரெடி.

எப்படி உபயோகிப்பது

• இப்போது சுத்தமான மற்றும் மென்மையான பிரஷ்ஷை எடுத்துக்கொள்ளவும்.

• இதன் உதவியுடன், முகத்தில் ஃபேஸ் மாஸ்க்கை பயன்படுத்தவும்.

• சிறிது நேரம் கழித்து காய்ந்ததும், குளிர்ந்த நீரில் முகத்தைக் கழுவவும்.

• இந்த மாஸ்க்கை வாரத்திற்கு இரண்டு முறை பயன்படுத்தலாம்.

• இந்த மாஸ்க்கை வறண்ட மற்றும் எண்ணெய் பிசுபிசுப்பு சருமம் கொண்ட பெண்கள் பயன்படுத்தலாம்.

இளமையான சருமத்திற்கான குறிப்புகள்

• சருமத்தை இளமையாக வைத்திருக்க, சன்ஸ்கிரீன் பயன்படுத்த வேண்டும். சூரிய ஒளியில் இருந்து உங்கள் சருமத்தைப் பாதுகாக்க இது அவசியம்.

• சருமத்தை ஈரப்பதமாக்குவது வறட்சியை போக்குவதோடு, உங்கள் சருமத்தை இளமையாகவும் வைத்துக்கொள்ள உதவும்.

• சருமத்தை சுத்தமாக வைத்திருப்பதும் முக்கியம். சருமத்தில் உள்ள அழுக்குகளை சுத்தம் செய்யவில்லை என்றால், பல வகையான பிரச்சனைகள் ஏற்படும்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: herzindagi