ஜோஜோபா எண்ணெய் ஜோஜோபா விதையிலிருந்து தயாரிக்கப்படுகிறது. இந்த எண்ணெயில் 98% தூய மெழுகு உள்ளது. அதனால் ஜோஜோபா எண்ணெய் திரவ மெழுகு என்றும் அழைக்கப்படுகிறது. ஜோஜோபா எண்ணெயில் கூந்தலுக்கு பயனளிக்கும் பல அற்புத நன்மைகள் உள்ளன.
பொடுகை போக்கும்
ஜோஜோபா எண்ணெயில் உள்ள அலர்ஜி எதிர்ப்பு பண்புகள் பொடுகுக்கு எதிராக சிறப்பாக செயல்படும். அதனால் பொடுகை போக்க ஜோஜோபா எண்ணெயை பயன்படுத்தலாம்.
முடி வளர்ச்சி
முடி வளர்ச்சியை ஊக்குவிக்கும் வைட்டமின்கள் பி, சி மற்றும் ஈ மற்றும் துத்தநாகம் மற்றும் தாமிரம் போன்ற சத்துக்கள் ஜோஜோபா எண்ணெயில் உள்ளன. இவை உங்கள் முடி வளர்ச்சியை ஆரோக்கியமான முறையில் அதிகரிக்கும்.
முடி நரைப்பதை தடுக்கும்
சிலருக்கு முடி இளம் வயதிலேயே நரைக்க தொடங்கும். அத்தகைய சூழ்நிலையில், ஜோஜோபா எண்ணெய் உதவியாக இருக்கும். இதில் உள்ள வைட்டமின் ஈ மற்றும் சி, முடி முன்கூட்டியே நரைப்பதைத் தடுக்கின்றன.
முடி உதிராது
ஜோஜோபா எண்ணெயில் உள்ள வைட்டமின்கள் மற்றும் தாதுக்கள் முடிக்கு தேவையான ஊட்டச்சத்துக்கள் கிடைக்கும். இதனால் முடி வலுவாகி உதிர்வது குறையும்.
மென்மையான கூந்தல்
வறண்ட மற்றும் உயிரற்ற கூந்தல் உள்ளவர்களுக்கு இந்த எண்ணெய் மிகவும் நன்மை பயக்கும். ஏனெனில் ஜோஜோபா எண்ணெயின் ஈரப்பதமூட்டும் பண்புகள் உச்சந்தலையை நீரேற்றமாக வைப்பதோடு, கூந்தலை மென்மையாகவும் மாறும்.
எப்படி பயன்படுத்துவது?
சிறிதளவு ஜோஜோபா எண்ணெயால் உச்சந்தலையில் மசாஜ் செய்து 30-40 நிமிடங்கள் அப்படியே விடவும். பின்னர் வெதுவெதுப்பான நீர் மற்றும் ஷாம்பூவுடன் கழுவவும்.