உணவில் சுத்திகரிக்கப்பட்ட சர்க்கரையை பயன்படுத்துவதை விட வெல்லம் பயன்படுத்துவது உடல் ஆரோக்கியத்திற்கு நல்லது. இது இயற்கையானது மட்டுமின்றி மிகவும் ஆரோக்கியமானது. வெல்லத்தில் உடலுக்கு தேவையான வைட்டமின்கள் , தாதுக்கள் அனைத்தும் உள்ளன. குறிப்பாக வெல்லம் அதன் செரிமான பண்புகளுக்கு பெயர் பெற்றது. பெண்களுக்கு மாதவிடாய் காலத்தில் ஏற்படும் வலியை தீர்க்கவும் வெல்லம் உதவுகிறது.
உடலில் நோய் எதிர்ப்பு சக்தியை அதிகரிக்கும் உணவாகவும் வெல்லத்தை குறிப்பிடலாம். வெல்லம் நமக்கு சுவையை மட்டுமல்ல மகத்தான ஆரோக்கியத்தையும் தருகிறது. இதனால் குளிர்காலத்தில் கட்டாயமாக வெல்லத்தை உணவில் சேர்த்துக் கொள்ள வேண்டும். சளி மற்றும் இருமலுக்கு தீர்வு தரக்கூடிய வெல்லம் , குளிர்காலத்தில் உடல் வெப்பநிலையையும் கட்டுப்படுத்துகிறது.
மேலும் படிங்க ஆரோக்கியமான காலை உணவுக்கு தேடலா ? ராகி சில்லா சாப்பிடுங்க
வட இந்தியாவில் இனிப்பு போளி “குர் பரோட்டா” என்று அழைக்கப்படுகிறது. குர் பரோட்டா தயாரிக்க வெல்லம் பயன்படுத்தினால் நமது அன்றாட உணவு பழக்கத்தில் வெல்லம் எளிதாக சேர்க்கப்படும். இது சுவாச ஆரோக்கியத்திற்கு உதவுகிறது. உடலில் உள்ள தீங்கு விளைவிக்கும் நச்சுகளையும் அழிக்கிறது. குழந்தைகளும் வெல்லத்தின் பலன்களை பெற குர் பரோட்டாவை கொடுக்கலாம்.
டீ மற்றும் காஃபிக்கு சர்க்கரை பயன்படுத்துவது பதிலாக வெல்லம் பயன்படுத்துங்கள். மிக சிறியளவு வெல்லமே போதுமானது. நீங்கள் டீ அல்லது காஃபியை அடிக்கடி அருந்தும் பழக்கம் கொண்டவராக இருந்தால் சர்க்கரையை தவிர்த்து விட்டு இயற்கையான இனிப்பு தரும் வெல்லத்திற்கு மாறுவது நல்லது.
அப்பம், ஓட்ஸ் போன்ற காலை உணவுகளில் சர்க்கரைக்கு பதிலாக வெல்லம் பயன்படுத்துங்கள். இனிப்பு வகைகளை தயாரிக்கும் போது சர்க்கரை பாகு பயன்படுத்துவதற்கு பதிலாக வெல்ல பாகு பயன்படுத்துங்கள். வெல்லத்தினை உருக்கி அதனுடன் வேர்க்கடலை, எள், முந்திரி அல்லது பாதாம் பருப்புகளை சேர்த்து நன்கு ஆறவைத்து விடுங்கள். அது மைசூர் பாக்கு போல் வந்ததுடன் சிறிதாக வெட்டி ருசியுங்கள்.
மேலும் படிங்க குளிர்காலத்தில் புத்துணர்ச்சி அளிக்கும் டாப் 5 சூப்ஸ்
வெல்லத்தை நன்கு உருக்கி தயிருடன் கலந்து பிடித்தமான பழங்களை அதனுடன் சேருங்கள். சிறிது நேரம் கழித்து உட்கொண்டால் அது மிகவும் சுவையாக இருக்கும். சாக்லேட் தயாரிக்க கோகோ பவுடருடன் வெல்லம் பயன்படுத்துங்கள். இப்படி பல வகைகளில் வெல்லத்தினை உங்களது உணவு பழக்கத்தில் சேர்த்துக் கொள்ளலாம்.
எனினும் நீங்கள் மருத்துவ சிகிச்சை பெறுவராக இருந்தால் மருத்துவரின் ஆலோசனையை பெற்று உணவில் வெல்லம் சேர்த்துக் கொள்ளுங்கள்.
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com