சர்க்கரை நோயாளிகள் ஐஸ்க்ரீம் சாப்பிடலாமா? கூடாதா? உடலுக்கு என்ன ஆகும் தெரியுமா?

ஐஸ்க்ரீம் வாங்கும் போது சர்க்கரை இல்லாத அல்லது குறைந்த கார்போஹைட்ரேட் உள்ள ஐஸ்க்ரீம் வகைகளை தேர்ந்தெடுக்கவும். அதே போல சிறிய அளவில் ½ கப் அல்லது குறைவாக மட்டுமே சாப்பிட வேண்டும். ஐஸ்க்ரீமில் புரதம் அல்லது நார்ச்சத்து நிறைந்த பாதாம் அல்லது முந்திரி போன்ற பருப்பு வகைகள் உடன் இணைத்து சாப்பிடவும். குறிப்பாக ஐஸ்க்ரீம் உட்கொள்வதற்கு முன்பும் பின்பும் இரத்த சர்க்கரை அளவை டெஸ்ட் செய்ய வேண்டும்.

சர்க்கரை நோயாளிகள் ஐஸ்கிரீம் சாப்பிடுவதால் ஏற்படும் பக்க விளைவுகள்:

இரத்த சர்க்கரை அளவு திடீரென உயர்தல்:

ஐஸ்கிரீம் அதிக சர்க்கரை மற்றும் சுத்திகரிக்கப்பட்ட கார்போஹைட்ரேட் கொண்டிருப்பதால், இரத்த சர்க்கரை அளவு விரைவாக உயரும். இது அதிக சர்க்கரை நிலைக்கு வழிவகுக்கும்.

கொழுப்பு அளவு அதிகரித்தல்:

பல ஐஸ்கிரீம்களில் நிறைவுற்ற கொழுப்பு அமிலங்கள் உள்ளன. இவை கெட்ட கொழுப்பு (LDL) மற்றும் ட்ரைகிளிசரைட்ஸ் அளவை ரத்தத்தில் உயர்த்தும்.

இதய நோய் ஆபத்து:

அடிக்கடி ஐஸ்கிரீம் உட்கொள்வது இதய நோய் மற்றும் பக்கவாதம் வருவதற்கான வாய்ப்புகளை அதிகரிக்கும். இதனால் சர்க்கரை நோயாளிகள் அடிக்கடி ஐஸ்க்ரீம் சாப்பிட கூடாது என்று கூறப்படுகிறது.

கல்லீரல் பிரச்சனைகள்:

இந்த ஐஸ்க்ரீமில் உள்ள அதிகப்படியான சர்க்கரை கல்லீரலில் கொழுப்பாக சேமிக்கப்படுகிறது. இது கல்லீரல் கொழுப்பு நோய்க்கு வழிவகுக்கும்.

ஐஸ்கிரீமுக்கு ஆரோக்கியமான மாற்று வழிகள் என்ன?

ஐஸ்க்ரீம் சாப்பிட தோணும் போது சர்க்கரை இல்லாத அல்லது கீட்டோ ஐஸ்கிரீம் சாப்பிடலாம். அதே போல கிரேக்க தயிர் அதாவது யோகர்ட் ஐஸ்கிரீம் போல செய்து சாப்பிடலாம். மற்றொரு ஆரோக்கிய மாற்று வீட்டில் தயாரிக்கப்பட்ட பழ சர்பத் குடித்து பழகுங்கள்.

Image source: google