குளிர்காலம் வந்துவிட்டால், எண்ணெய் பிசுக்கு சருமம் கொண்ட பெண்கள் சருமத்தை பராமரிப்பது பற்றி கவலைப்பட தேவையில்லை. ஏனெனில் குளிர் காலத்தில் சருமத்தில் அதிகமாக எண்ணெய் பிசுக்கு இருக்காது, எனவே சரும பிரச்சனைகள் வராது.
குளிர்காலத்தில் சருமத்தில் அதிகப்படியான எண்ணெய் பிசுக்கு பிரச்சனை இல்லையென்றாலும் கூட, சருமத்தை தொடர்ந்து மாய்ஸ்சுரைஸ் செய்வதால், இறந்த செல்கள் மற்றும் சருமத்தில் கருமை படிதல் போன்ற பிரச்சனைகள் ஏற்படும். எனவே, சருமத்தை பராமரித்துக்கொள்ள 10-15 நாட்களுக்கு ஒரு முறை சருமத்தில் உள்ள இறந்த செல்களை நீக்க வேண்டும்.
எண்ணெய்ப் பிசுக்கு சருமத்தைப் பராமரிக்க சில சிறந்த ஸ்க்ரப்களை வீட்டிலேயே சுலபமாக தயார் செய்யலாம். இன்று இந்த பதிவில், குளிர்காலத்தில் எண்ணெய் பிசுக்கு சருமத்திற்கு வீட்டிலேயே தயாரித்து பயன்படுத்தக்கூடிய சில ஸ்க்ரப்களை பற்றி தெரிந்துகொள்வோம்.
வால்நட் ஸ்க்ரப்
வால்நட் ஸ்க்ரப் எண்ணெய் பிசுக்கு சருமத்திற்கு மிகவும் நல்லது. வால்நட் பருப்புகள் சருமத்தில் உள்ள இறந்த செல்களை நீக்க உதவுகிறது, தேன் சருமத்திற்கு ஊக்கமளித்து, மென்மையாக்குகிறது.
தேவையான பொருட்கள் -
- வால்நட்- 1-2
- தேன் - 1 டேபிள்ஸ்பூன்
- எலுமிச்சை சாறு - அரை டேபிள் ஸ்பூன்
இந்த பதிவும் உதவலாம் :இறந்த சரும செல்களை இயற்கையாகவே நீக்க முடியுமா? எப்படி?
பயன்படுத்தும் முறை -
- முதலில் வால்நட் பருப்பை அரைக்கவும். வால்நட்டை கொரகொரப்பாக அரைத்தால், அது சிறந்த ஸ்க்ரப்பாக வேலை செய்யும்.
- இப்போது அதில் தேன் மற்றும் எலுமிச்சை சாறு சேர்க்கவும்.
- பின் முகத்தை சுத்தம் செய்து, முகத்தில் இந்த ஸ்க்ரபை தடவவும். இரண்டு நிமிடங்களுக்கு கைகளால் லேசாக மசாஜ் செய்யவும்.
- பிறகு வெதுவெதுப்பான நீரில் முகத்தை நன்கு கழுவவும்.
- இதை தயார் செய்து பயன்படுத்த 9 முதல் 10 நிமிடங்கள் ஆகும்.
- இந்த பேஸ்ட்டை வாரம் ஒரு முறை பயன்படுத்தவும்.
பப்பாளி ஸ்க்ரப்
பப்பாளி எல்லா சீசனிலும் எளிதாக கிடைக்கும். இது உடல் ஆரோக்கியத்திற்கும் சருமத்திற்கும் மிகவும் நல்லது. இதை பயன்படுத்தி வீட்டிலேயே ஸ்க்ரப் செய்யலாம்.
தேவையான பொருட்கள் -
- பப்பாளி கூழ்- ½ கப்
- ஃபிரஷான தக்காளி சாறு- ½ டீஸ்பூன்
பயன்படுத்தும் முறை -
- முதலில் தக்காளி சாறு மற்றும் பப்பாளி கூழை நன்றாக கலக்கவும்.
- இப்போது இந்த கலவையை உங்கள் முகம் மற்றும் கழுத்தில் தடவி சில நிமிடங்கள் மசாஜ் செய்யவும்.
- பின்னர், தண்ணீர் பயன்படுத்தி முகத்தை சுத்தம் செய்யவும்.
- வாரம் ஒருமுறை அல்லது இரண்டு முறை பப்பாளி ஸ்க்ரப் பயன்படுத்தலாம்.
இந்த பதிவும் உதவலாம் : குளிர்காலத்தில் வறண்ட சருமத்தை பராமரிக்க இயற்கை முறையில் க்ளென்சர் தயாரிக்கலாம்!!
ஆப்பிள் ஸ்க்ரப்
ஆப்பிள் மற்றும் ஓட்ஸ் கலந்து எண்ணெய் பிசுக்கு சருமத்தில் தடவினால், சருமத்திற்கு மிகவும் நல்லது. இந்த ஸ்க்ரப் சருமத்தை சுத்தப்படுத்துவது மட்டுமின்றி, இறந்த செல்களை நீக்கி, சருமத்தை பளபளப்பாக்கும்.
தேவையான பொருட்கள்
- துருவிய ஆப்பிள்- ½ கப்
- ஓட்ஸ்- 1 டீஸ்பூன்
- தேன்- 1 டீஸ்பூன்
பயன்படுத்தும் முறை -
- முதலில், அனைத்து பொருட்களையும் ஒரு பாத்திரத்தில் போட்டு நன்கு கலக்கவும்.
- இப்போது அதை முகத்தில் தடவி கைகளால் லேசாக மசாஜ் செய்யவும்.
- அதை சிறிது நேரம் சருமத்தில் அப்படியே விடவும். பின்னர் தண்ணீரில் கழுவவும்.
- முகத்தைக் கழுவிய பின் நல்ல மாய்ஸ்சுரைசர் பயன்படுத்தவும்.
- வாரம் ஒருமுறை இந்த ஸ்க்ரப் பயன்படுத்தலாம்.
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்
Images Credit: freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation