"அலோ வேரா - தேன்" இது போதும் நைட் கிரீம் தயாரிக்க - 30 நாள் தூங்குறதுக்கு முன்னாடி முகத்தில் தடவுங்க

"அலோ வேரா - தேன்" நைட் கிரீம் செய்வது எப்படி?

நீங்கள் தயாரிக்கும் இந்த நைட் கிரீம் இரவு தூங்க செல்வதற்கு முன் முகத்தில் தடவி மறுநாள் காலை எழுந்ததும் குளிர்ந்த நீரில் முகத்தை கழுவுங்கள் இப்படியே 30 நாளைக்கு நீங்கள் இதை செய்தால் நீங்கள் ஹீரோயின் போல பளபளப்பாக ஜொலிக்க தொடங்குவார்கள்.

தேவையான பொருட்கள்

• சதை அதிகம் உள்ள கற்றாழை
• சுத்தமான தேன் இரண்டு டீஸ்பூன்

செய்முறை

• அதிகமான சதை உள்ள கற்றாழை கீற்றை பிரித்து அதன் நடுவில் உள்ள ஜெல்லை மட்டும் தனியாக பிரித்து எடுத்து ஒரு கிண்ணத்தில் வைத்துக் கொள்ளவும்.
• இரண்டு டீஸ்பூன் தேனை எடுத்துக் கொள்ளவும்.
• கற்றாழை ஜெல் எடுத்து வைத்த கிண்ணத்தில் இரண்டு டீஸ்பூன் சுத்தமான தேனை கலக்கவும்.
• இரண்டும் மிக்ஸ் ஆகும் வரை நன்றாக கிளறவும்.
• இப்போது உங்களுக்கான சூப்பரான நைட் கிரீம் தயார்.
• உங்கள் தேவைக்கு ஏற்றார் போல் இதை தயாரித்துக் கொள்ளவும்.
• குறிப்பாக 5 டீஸ்பூன் கற்றாழை ஜெல் எடுத்துக் கொண்டால் இரண்டு டீஸ்பூன் சுத்தமான தேன் கலக்க வேண்டும்.
• 10 டீஸ்பூன் கற்றாழை ஜெல் எடுத்துக் கொண்டால் நான்கு டீஸ்பூன் சுத்தமான தேன் கலந்து நைட் க்ரீம் தயாரிக்க வேண்டும்.
• தயாரிக்கப்பட்ட நைட் கிரீமை கண்ணாடி ஜாடி ஒன்றில் போட்டு குளிர்ந்த இடத்தில் சேமித்துக் கொள்ளவும்.

நைட் க்ரீம் பயன்படுத்தும் முறை

1. தினமும் இரவு தூங்கச் செல்லும் முன்பு உங்கள் முகத்தை நன்றாக தேய்த்து கழுவுவவும்.
2. தேவைப்பட்டால் உங்களுக்கு விருப்பமான ஃபேஸ் வாஷ் வைத்து உங்கள் முகத்தை கழுவிக் கொள்ளவும்.
3. பின்னர் ஈரம் இல்லாமல் முகத்தை துடைத்துக் கொள்ளவும்.
4. நீங்கள் உங்களுக்காக தயாரித்து வைத்த நைட் கிரீமை எடுத்து முகம் முழுவதும் அப்ளை செய்யவும்.
5. குறிப்பாக நெற்றி கண் கண்களுக்கு கீழே உள்ள கருவளையம் கன்னங்கள் நாடி உள்ளிட்ட அனைத்து பகுதிகளிலும் இந்த ஜெல் நைட் க்ரீம் படும் அளவிற்கு நன்றாக தேய்த்து மசாஜ் செய்யவும்.
6. சரியாக பத்து நிமிடத்தில் இந்த கிரீம் பேப்பர் போல முகத்தில் ஒட்டிக் கொள்ளும்.
7. அப்படியே விட்டு இரவு தூங்கி விடவும்.
8. இந்த கிரீம் தடவி தூங்கினால் முகத்தில் எறும்பு வரும் பக்க விளைவுகள் வரும் என்றும் யோசிக்க வேண்டாம் எந்த பிரச்சனையும் வராது.
9. மறுநாள் காலை எழுந்து குளிர்ந்த நீரில் முகத்தை மெதுவாக தேய்த்து கழுவவும்.
10. முகத்தை கழுவி முடித்த பின் நீங்களே ஆச்சரியப்படும் அளவிற்கு உங்கள் முகம் பளபளப்பாக ஜொலிக்கும்.
11. இந்த நைட் கிரீமை 30 நாள் இரவு தூங்கும் முன்பு இதே போல முகத்தில் பயன்படுத்தி வந்தால் உங்கள் முகம் ஹீரோயின் போல பளபளப்பாக இயற்கையாக ஜொலிக்கும்.

நைட் க்ரீமில் சேர்த்த பொருட்களின் நன்மைகள்

முகத்திற்கு அலோவேரா ஜெல்லின் நன்மைகள்

நீங்கள் கற்றாழை ஜெல்லை உங்கள் முகத்தில் சரியான முறையில் தடவினால், சந்தையில் கிடைக்கும் விலையுயர்ந்த கிரீம்கள் மற்றும் லோஷன்களைப் பயன்படுத்த வேண்டிய அவசியமில்லை. ஏனெனில் இது இயற்கையாகவே உங்கள் முகத்தின் பொலிவை அதிகரிக்கிறது.காற்றாழை ஜெல் சருமத்தை ஆழமாக ஈரப்பதமாக்குகிறது. இது ஈரப்பதமூட்டிகளைக் கொண்டுள்ளது. எனவே, இதன் வழக்கமான பயன்பாடு நாள் முழுவதும் சரும செல்களை ஆழமாக ஈரப்பதமாக்க உதவுகிறது. முகத்தில் அலோ வேரா ஜெல் தடவுவது வெயிலின் தாக்கத்தையும் கரும்புள்ளிகளையும் குறைக்க உதவுகிறது. மேலும், காயம் இலகுவாக மாறும். இது அழற்சி எதிர்ப்பு மற்றும் பாக்டீரியா எதிர்ப்பு பண்புகளைக் கொண்டுள்ளது.

முகத்திற்கு தேனின் நன்மைகள்

தேன் சருமத்தை ஆழமாக ஈரப்பதமாக்குகிறது. உங்கள் பகல்நேர கிரீம்களில் தேன் இருந்தால், அது உங்கள் சருமத்தை ஈரப்பதமாக்கி மென்மையாக்கும். முகத்தில் உள்ள கரும்புள்ளிகளைக் குறைக்க உதவுகிறது. முகத்தில் உள்ள கரும்புள்ளிகள், நிறமிகள் அல்லது முகப்பருக்களை தேனைப் பயன்படுத்துவதன் மூலம் கட்டுப்படுத்தலாம். தேன் ஃபேஸ் பேக் சருமத்தைப் பிரகாசமாக்கும்.முகத்தில் முகப்பருவை எதிர்த்துப் போராட உதவுகிறது. தேனில் அழற்சி எதிர்ப்பு, கிருமி நாசினிகள் மற்றும் நுண்ணுயிர் எதிர்ப்பு பண்புகள் உள்ளன. இது முகப்பருவைக் குறைக்கிறது. தேன் கலந்த ஃபேஸ் வாஷ்களால் உங்கள் சருமத்தை சுத்தம் செய்வது அனைத்து அழுக்குகளையும் திறம்பட அகற்ற உதவுகிறது.முகத்தில் உள்ள சுருக்கங்களைக் குறைக்க உதவுகிறது. தேனில் உள்ள வைட்டமின்கள், தாதுக்கள் மற்றும் ஆக்ஸிஜனேற்றிகள் உங்கள் சருமத்தின் ஆழத்திற்குள் சென்று அதைப் பிரகாசமாக்குகின்றன. முக சுருக்கங்களைக் குறைத்து சருமத்தை இறுக்கமாக்குகிறது.

மேலும் படிக்க:ஒரே அரிசி நீர் பேஸ் பேக் - முகப்பொலிவிற்கு அரிசி நீரை பயன்படுத்துவதன் 10 மாயாஜால நன்மைகள்

இந்த கட்டுரை உங்களுக்கு பிடித்திருந்தால் உங்கள் நண்பர்களுக்கு பகிருங்கள். மேலும், இதுபோன்ற அழகு சார்ந்த சுவாரஸ்யமான தகவல்களை தினமும் தெரிந்து கொள்ள எப்போதும் ஹெர்ஜிந்தகி உடன் இணைந்திருங்கள். ஹெர்ஜிந்தகியின் முகநூல் பக்கத்தை இந்த லிங்கின் மூலம் பின் தொடருங்கள்- HerZindagi Tamil

image source: freepik