குளிர்காலத்தில் உதடுகளை பராமரிப்பது எப்படி?

குளிர்காலம் தொடங்கியவுடன், சரும பிரச்சனைகளும் தொடங்கிவிடுகின்றன. உதடுகளில் வெடிப்பு ஏற்படுவதும் இதில் அடங்கும்.

குளிர்காலம் வந்துவிட்டால் சருமம் தொடர்பான பிரச்சனைகளும் வந்துவிடுகிறது. குறிப்பாக குளிர்காலத்தில் உதடுகளில் வெடிப்பு ஏற்படுவது வழக்கமான பிரச்சனையாகும். சில சமயங்களில் உதடுகளிலிருந்து ரத்தமும் வர தொடங்கும்.

பல பெண்களுக்கு மிகவும் வறண்ட உதடுகள் காணப்படுகிறது. அவர்களுக்கு என்ன செய்வதென்றும் தெரியவில்லை. முகத்தைப் போலவே, உதட்டின் அழகிலும் கவனம் செலுத்துவது நல்லது. உங்கள் சருமத்தின் அழகுக்காக பொருட்களைப் பயன்படுத்துவது போலவே, உதட்டுக்கான பொருட்களையும் பயன்படுத்துவது சிறந்தது. இதில் மிக முக்கியமான ஒன்று லிப் பாம். இன்று இந்த பதிவில் நீங்கள் பின்பற்ற வேண்டிய சில குறிப்புகள் பற்றி பார்க்கலாம் வாருங்கள்.

உதடுகளை நக்க வேண்டாம்

குளிர்காலத்தில் தான் உதடுகள் அதிகம் பாதிக்கப்படும். பெரும்பாலான பெண்களுக்கு உதடுகளை திரும்பத் திரும்ப நக்கும் பழக்கம் இருக்கும். அப்படிச் செய்யக்கூடாது. இது உதடுகளை ஈரப்பதமாக்கினாலும், சிறிது நேரத்தில் வற்ற செய்துவிடும். உமிழ்நீரில் உள்ள என்சைம்கள் காரணமாக, உதடுகள் வறண்டு போகத் தொடங்குகிறது.

வாஸ்லின் பயன்படுத்தவும்

குளிர்காலத்தில் உதடுகள் வெடிப்பது மிகவும் பொதுவான பிரச்சனையாகும். இதுபோன்ற சூழலில், உதடுகளை மென்மையாக மாற்ற, நீங்கள் வாஸ்லின் அல்லது லிப் பாம் பயன்படுத்தலாம். அசல் பெட்ரோலியம் ஜெல்லியை மட்டுமே பயன்படுத்தவும். இதனுடன், இயற்கை பொருட்கள் சேர்க்கப்பட்ட லிப் பாமை பயன்படுத்தலாம். இது உங்கள் உதடுகளை மென்மையாகவும் இயற்கையாகவே இளஞ்சிவப்பு நிறமாகவும் வைத்திருக்கும்.

லிப் மாஸ்க் பயன்படுத்தவும்

உங்கள் உதடுகளில் லிப் மாஸ்க் பயன்படுத்த வேண்டும். இதற்கு பீட்ரூட்டைப் பயன்படுத்தலாம். பீட்ரூட்டை அரைத்து சாறு எடுக்கவும். அதோடு, ஒரு பாத்திரத்தில் 2 டீஸ்பூன் வாஸ்லின், 1 டீஸ்பூன் சர்க்கரை மற்றும் 2 டீஸ்பூன் தேங்காய் எண்ணெய் சேர்த்து கலந்துக்கொள்ளவும். இந்த லிப் மாஸ்கை பயன்படுத்த, முதலில் உதடுகளை தண்ணீரால் சுத்தம் செய்யவும். பின்னர் இந்த லிப் மாஸ்கை உதடுகளில் தடவி லேசாக தேய்க்கவும். சுமார் 10-15 நொடிகளுக்குப் பிறகு, இந்த லிப் மாஸ்க்கை சுத்தமான துணியால் துடைக்கவும். இந்த மாஸ்க்கை ஒரு நாளைக்கு இரண்டு முறை போடலாம். இது உங்கள் உதடுகளை மிகவும் அழகாக மாற்றும்.

பலன் தரும் நெய்

நீங்கள் லிப் பாம் பயன்படுத்த விரும்பவில்லை எனில், நெய் அல்லது தேங்காய் எண்ணெயையும் பயன்படுத்தலாம். இது உங்கள் உதடுகளை வெடிப்பில் இருந்து பாதுகாப்பதோடு, இளஞ்சிவப்பு நிறமாகவும் வைத்துக்கொள்ள உதவும்.

கவனிக்க வேண்டியவை

• உங்கள் உதடுகள் வெடித்திருந்தால், ஸ்கிரப் செய்யக்கூடாது. இல்லையேல், உங்கள் உதடுகளில் தொற்றை உண்டாக்கும்.

• உங்கள் உதடுகளை மீண்டும் மீண்டும் தொடக்கூடாது. இது உங்கள் உதடுகளை சேதப்படுத்துவதோடு, கைகள் வழியாக கிருமிகள் வாய்க்குள் நுழையவும் வாய்ப்பை ஏற்படுத்தும்.

• உங்கள் உணவிலும் நீங்கள் சிறப்பு கவனம் செலுத்த வேண்டும்.

• உதடுகளில் லிப்ஸ்டிக் போடும்போது, அதன் தரத்திலும் சிறப்பு கவனம் செலுத்த வேண்டும். லோக்கல் லிப்ஸ்டிக் போடுவது உதடுகளை கருமையாக்குவதோடு, ஈரப்பதத்தையும் குறைத்துவிடும்.

• இரவில் லிப்ஸ்டிக் போட்டுக்கொண்டு தூங்காதீர்கள். ஈரமான காட்டன் பஞ்சினால் உதடுகளை சுத்தமாக துடைத்துவிட வேண்டும்.

• இரவில் தூங்கும் முன் உதடுகளில் கிரீம் அல்லது லிப் பாம் தடவ வேண்டும்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: freepik