கொத்து கொத்தாக கொட்டும் தலைமுடி; கட்டுப்படுத்த பூண்டு பொடியைப் பயன்படுத்தும் முறை

முடி உதிர்தலைக் கட்டுப்படுத்தும் பூண்டு பொடி:

பெண்கள் மட்டுமல்ல ஆண்களும் தங்களுக்கு ஏற்படக்கூடிய முடி உதிர்வு பிரச்சனையை சமாளிப்பது என்பது பெரும் சவாலாக இருக்கும். ஒவ்வொரு முறையும் சீப்பை வைத்து தலைசீவும் போது கொத்து கொத்தாக முடி கொட்டும் போது மனதிற்கு ரணமாக அமையும். இப்பிரச்சனைக்குத் தீர்வு காண வேண்டும் என்றால், பூண்டு பொடியைப் பயன்படுத்தலாம்.

எப்படி பயன்படுத்துவது?

தலைமுடியின் வளர்ச்சிக்கும், முடி கொட்டுதலை நிறுத்துவதற்கும் பூண்டு பொடியைப் பலவகையில் பயன்படுத்தலாம். அவற்றில் சில இங்கே.

மேலும் படிக்க:கடலை மாவு, தயிர் இரண்டையும் 11 வழிகளில் இப்படி யூஸ் பண்ணுங்க- முகப்பொலிவிற்கு 100% கேரண்டி

பூண்டு பொடி மற்றும் தேங்காய் எண்ணெய்:

• ஒரு சிறிய கிண்ணத்தில் பூண்டு பொடியை எடுத்துக்கொள்ள வேண்டும்.
• அதனுடன் சிறிதளவு தேங்காய் எண்ணெய் சேர்த்து லேசாக சூடாக்க வேண்டும். கொஞ்சம் சூடு ஆறியதும் சிறிதளவு தேன் கலந்துக் கொள்ள வேண்டும்.
• தற்போது பூண்டு பொடி ஹேர் மாஸ்க் ரெடி. இதை உச்சந்தலையில் இருந்து தலைமுடியின் நுனி வரை தடவி சுமார் அரை மணி நேரத்திற்கு அப்படியே விட்டு விடவும்.
• பின்னர் ஷாம்பு அல்லது சீயக்காயைப் பயன்படுத்தி தலைமுடியை அலசிக்கொள்ளவம். இதில் உள்ள ஊட்டச்சத்துக்கள் தலைமுடியின் வளர்சிக்கு உதவுகிறது.

பூண்டு பொடி மற்றும் கற்றாழை ஜெல்:

• தலைமுடியின் வளர்ச்சி மற்றும் முடி உதிர்வைக் கட்டுப்படுத்த பூண்டு பொடியுடன் கற்றாழை ஜெல்லைப் பயன்படுத்தலாம்.
• ஒரு சிறிய பாத்திரத்தில் பூண்டு பொடி மற்றும் கற்றாழை ஜெல்லை நன்கு கலந்துக் கொள்ளவும். நல்ல பேஸ்ட் பதத்திற்கு வந்தவுடன் இந்த கலவையை உச்சந்தலையில் தடவி சுமார் 20 நிமிடங்களுக்கு அப்படியே விட்டு விடவும்.
• பின்னர் வெதுவெதுப்பான நீரில் தலைமுடியை அலசினால் போதும். பூண்டில் உள்ள ஊட்டச்சத்துக்கள் தலைமுடியைப் பாதுகாப்பாக வைத்திருக்க உதவுகிறது.

Image source- Freepik