வெங்காயச் சாறு முடி வளர்ச்சியை மேம்படுத்துதல், பொடுகுத் தொல்லையைக் குறைத்தல் மற்றும் முடிக்கு ஊட்டமளிப்பது உள்ளிட்ட பல்வேறு நன்மைகளை கொண்டிருக்கிறது. பெரிய வெங்காயத்தை காட்டிலும் சின்ன வெங்காயம் முடியின் வளர்ச்சியை தூண்டுவதாக உறுதிப்படுத்தப்பட்டுள்ளது. அதிகப்படியாக முடி கொட்டுதல் பிரச்சனை இருப்பவர்கள் தாரளமாக அந்த இடத்தில் சின்ன வெங்காய சாறை பயன்படுத்தலாம் என மருத்துவர்கள் பரிந்துரைக்கின்றனர். சின்ன வெங்காய சாறு, முடி கொட்டிய இடத்தில் புதிய முடி வளர உதவுகிறது.
சின்ன வெங்காய சாற்றில் கந்தகம் உள்ளது. இது கொலாஜன் உற்பத்தியை அதிகரிக்க உதவுகிறது, இது முடி வளர்ச்சிக்கு அவசியமான புரதமாகும்.இதை முடியில் தொடர்ந்து பயன்படுத்துவது விரைவான மற்றும் ஆரோக்கியமான முடி வளர்ச்சிக்கு உதவும். அதே போல் சின்ன வெங்காய சாற்றில் பாக்டீரியா எதிர்ப்பு மற்றும் பூஞ்சை எதிர்ப்பு பண்புகள் உள்ளன, அவை பொடுகு மற்றும் பிற உச்சந்தலையில் தொற்றுகளை குறைக்க உதவுகிறது. தலையில் இதுப்போன்ற பிரச்சனை இருந்தாலும் சில நேரங்களில் முடி கொட்டும். எனவே, அவற்றை சரிசெய்ய சின்ன வெங்காய சாறு உதவுகிறது.
சின்ன வெங்காய சாறின் பிற நன்மைகள்
- இதில் ஆன்டிஆக்ஸிடன்ட்கள் நிறைந்துள்ளன, இது ஃப்ரீ ரேடிக்கல்களால் ஏற்படும் சேதத்திலிருந்து முடியை பாதுகாக்கிறது. தலைமுடி முடி முன்கூட்டியே நரைப்பதைத் தடுக்கவும் சின்ன வெங்காய சாறு உதவுகிறது.
- வெங்காய சாறில் உச்சந்தலையில் இரத்த ஓட்டத்தை மேம்படுத்த உதவும் கலவைகள் உள்ளன. மேம்படுத்தப்பட்ட இரத்த ஓட்டம் மயிர்க்கால்களுக்கு முக்கிய ஊட்டச்சத்துக்கள் மற்றும் ஆக்ஸிஜனை வழங்க உதவுகிறது, முடி வளர்ச்சி மற்றும் ஒட்டுமொத்த முடி ஆரோக்கியத்தை மேம்படுத்துகிறது.
- வெங்காய சாற்றை முடியில் பயன்படுத்துவது, முடி வளர்ச்சியை ஊக்குவிக்கவும், பொடுகை குறைக்கவும், மயிர்க்கால்களை வளர்க்கவும், முடியை வலுப்படுத்தவும், உச்சந்தலையில் இரத்த ஓட்டத்தை மேம்படுத்தவும் உதவும். இப்போது, சின்ன வெங்காய சாறை முடிக்கு எப்படி பயன்படுத்த வேண்டும்? என்பதை பார்ப்போம்.
பயன்படுத்தும் முறை
- முதலில் ஒருகைப்பிடி அளவு சின்ன வெங்காயத்தை எடுத்து கொண்டு தோலுரித்து, மிக்ஸ்யில் நன்கு அரைக்கவும்.
- இப்போது அதில் சிறிதளவு தண்ணீர் சேர்த்து அரைத்து, வடிக்கட்டி சாறை மட்டும் தனியாக எடுக்கவும்.
- இந்த சாறை நேரடியாக தலையில் தடவி 30 நிமிடம் கழித்து ஹேர் வாஷ் செய்யலாம்.
- அல்லது சின்ன வெங்காய சாறுடன் தேன் மற்றும் கற்றாழை ஜெல் சேர்த்தும் தலையில் ஹேர் பேக் போல் அப்ளை செய்யலாம்.
- சின்ன வெங்காய சாறை, தேங்காய் எண்ணெய்யுடன் சேர்த்து நன்கு மிக்ஸ் செய்து லேசாக சூடுப்படுத்தி முடியில் தடவி மசாஜ் செய்யலாம். பின்பு தலைக்கு குளிக்கலாம்.
குறிப்பு: அலர்ஜி மற்றும் தொற்று பிரச்சனை இருப்பவர்கள் தலைமுடியில் சின்ன வெங்காய சாறை பயன்படுத்துவதற்கு முன்பு மருத்துவரிடம் அனுமதி பெறவும்.
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
Images Credit: freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation