Hair Growth Dates : தரையை தொடும் அளவுக்கு முடி வளர ஒரு நாளைக்கு எத்தனை பேரீச்சம் பழம் சாப்பிட வேண்டும் தெரியுமா?

உணவில் பேரீச்சம்பழங்களை சேர்ப்பது உங்கள் தலைமுடியின் ஆரோக்கியத்திற்கு அதிசயங்களை செய்யும் என்றால் உங்களால் நம்ப முடிகிறதா? பெண்களுக்கு பேரீச்சம் பழம் தரும் நன்மைகள் ஏராளம். முடி உதிர்வை நிறுத்துவது தொடங்கி அடர்த்தியான முடிக்கு, பொடுகு இல்லா முடி வளர்ச்சிக்கு, நரை முடியை தடுக்கவும் பேரீச்சம் பழம் உதவுகிறது. அதே போல் தலைக்கு பேரீச்சம் பழம் எண்ணெய்யையும் பயன்படுத்தலாம். அந்த வகையில் நீளமாக முடி வளர பேரீச்சம் பழத்தை எப்படி உட்கொள்ள வேண்டும், பேரீச்சம் பழ எண்ணெய்யை எப்படி பயன்படுத்த வேண்டும் என்பதை இந்த பதிவில் பார்ப்போம்.

பேரீச்சம் பழத்தை சாப்பிடும் முறை

• ஒரு நாளைக்கு 4 முதல் 5 பேரீச்சம் பழங்களை உட்கொள்ளலாம். அதே போல் காலை வெறும் வயிற்றில் பேரீச்சம் பழங்களை சாப்பிடுவது நன்மை தரும்.
• 2 பேரீச்சம் பழங்களை பாலில் ஊற வைத்து குடிக்கவும். இதனால் முடி உதிர்வது குறையும், உடல் ஆரோக்கியமும் மேம்படும்.
• பேரீச்சம் பழ பொடி தற்போது கடைகளில் கிடைக்கிறது. அதை பாலில் கரைத்து குடிக்கலாம். அதே போல் சாலட், சாண்விட்ச் போன்ற உணவுகளிலும் அதை தூவி எடுத்து கொள்ளலாம்.
• பாலுடன் கொட்டை நீக்கிய பேரீச்சம் பழத்தை சேர்த்து நன்கு அரைத்து ஸ்மூத்தியாக குடிக்கலாம்.
• பேரீச்சம் பழத்தை நீரில் ஊற வைத்து, காலை நட்ஸ்களுடன் சேர்த்து சாப்பிடலாம்.

பேரீச்சம் பழ எண்ணெய்யை பயன்படுத்து முறை

பேரீச்சம்பழ எண்ணெய்யில் நிறைய ஊட்டச்சத்துக்கள் உள்ளன. இது முடிகளுக்கு ஊட்டமளிக்கிறது மற்றும் முடி வளர்ச்சிக்கும் கைக்கொடுக்கிறது. இந்த எண்ணெய் முடி மற்றும் உச்சந்தலையில் மசாஜ் செய்வதற்கு மிகவும் ஏற்றது. இந்த எண்ணெய்யை நேரடியாக தலையில் தடவுவதை விட தேங்காய் எண்ணெய் அல்லது பாதாம் எண்ணெய், ஆலிவ் ஆயில், ஆர்கன் எண்ணெய் இவற்றுடன் சேர்த்து மிக்ஸ் செய்து தலையில் தடவவும். அல்லது தலையில் தடவி நன்கு மசாஜ் செய்து பின்பு ஹேர் வாஷ் செய்யவும்.

குறிப்பு : சர்க்கரை நோயாளிகள் பேரீச்சம் பழங்களை தினமும் உட்கொள்வதற்கு முன்பு மருத்துவரிடம் அனுமதி பெறவும்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: freepik