நீளமான கூந்தலைப் பெற்று அழகாக மாற வேண்டுமா? வெற்றிலையை இப்படி பயன்படுத்திப் பாருங்க!

வெற்றிலை என்றாலே, வயிறு நிரம்ப உணவு சாப்பிட பிறகு செரிமானம் சீராக சாப்பிடக்கூடிய ஒரு இலை என்பது அனைவரும் அறிந்ததே. வீட்டில் நடைபெறக்கூடிய விசேச நிகழ்ச்சிகளில் வெற்றலை இல்லாமல் இருக்காது. அந்தளவிற்கு மக்களின் வாழ்க்கையில் மிகவும் இன்றியமையாத ஒன்றாகவிட்டது. பாட்டி வைத்திய முறைப் பற்றி தெரிந்தவர்கள் நிச்சயம் வெற்றிலையை ஒருமுறையாவது ஏதாவது உடல் நல பாதிப்பைக் குணப்படுத்த பயன்படுத்தியிருப்பார்கள். இவ்வாறு உடலுக்கு ஆற்றலை வெற்றிலை அளிப்பது என்பது அனைவரும் அறிந்த ஒன்று. அதே சமயம் பெண்களின் கூந்தல் வேகமாக வளர்ச்சிப் பெறவும் பொடுகுத் தொல்லை, பேன் தொல்லை போன்ற எவ்வித பாதிப்புகளும் ஏற்படாமல் பாதுகாத்துக் கொள்ளவும் வெற்றிலை பேருதவியாக உள்ளது. இந்த பிரச்சனைகளைச் சரி செய்தாலே தலைமுடி நீளமாக வளர்ச்சிப் பெறவும். எப்படியெல்லாம் வெற்றிலையைப் பயன்படுத்த முடியும் என்பது குறித்து இங்கே அறிந்துக் கொள்ளலாம் வாருங்கள்.

மேலும் படிக்க: மாதுளை மற்றும் பீட்ருட் கலந்த ஜூஸ் போதும்; அதிக செலவில்லாமல் முகத்தைப் பொலிவாக்க முடியும்!

வெற்றிலையும் கூந்தல் ஆரோக்கியமும்:

நீளமான கூந்தலை விரும்பாத பெண்கள் யாராவது இருக்கமுடியுமா என்ன? ஆனாலும் வேலைப்பளு, தலைமுடியில் ஏதாவது பிரச்சனை போன்ற பல்வேறு காரணங்களால் இளம் வயதிலேயே முடி கொட்டுதல் பிரச்சனையை சந்திக்கின்றனர். இவற்றையெல்லாம் சரி செய்ய வெற்றிலை சிறந்த தேர்வாக அமையும். ஆம் இதில் உள்ள வைட்டமின் ஏ, வைட்டமின் சி மற்றும் வைட்டமின் ஈ, இரும்பு, கால்சியம் போன்ற பல்வேறு ஊட்டச்சத்துக்கள் உச்சந்தலைக்கு ஊட்டமளித்து நுனி வரை தலைமுடியைப் பாதுகாக்கிறது.

மேலும் படிக்க: அதிக செலவு இல்லை; வீட்டிலேயே சருமத்தைச் சுத்தம் செய்யும் ஸ்கரப் செய்ய முடியும்!

வெற்றிலையில் உள்ள ஆன்டி பாக்டீரியல் போன்ற ஊட்டச்சத்துக்கள் பொடுகு மற்றும் உச்சந்தலையில் ஏற்படக்கூடிய தொற்றுக்களைப் பாதுகாக்கிறது. இதில் உள்ள அத்தியாவசிய ஊட்டச்சத்துக்கள் அனைத்தும் உச்சந்தலையில் உள்ள இரத்த ஓட்டத்தை மேம்படுத்துவதோடு தலைமுடி வேர் வரை சென்று ஊட்டமளிககிறது. குறிப்பாக வெற்றிலையில் ஆக்ஸிஜனேற்றிகள் உள்ளதால், முடியை பலவீனப்படுத்தி அதன் வளர்ச்சியைத் தடுக்கும் ஃப்ரீ ரேடிக்கல் சேதத்தைக் குறைக்கிறது.

தலைமுடிக்கு வெற்றிலை பயன்படுத்தும் முறை:  

• வெற்றிலையை நன்கு அரைத்து அதன் விழுது அல்லது வெற்றிலையைக் கெண்டு தயாரிக்கப்படும் எண்ணெய்யை வைத்து மசாஜ் செய்யும் போது, தலைமுடி வேர்களில் ரத்த ஓட்டத்தை அதிகரிக்கச் செய்து கூந்தல் வளர்ச்சிக்கு உதவும்.
• வெற்றிலையை நன்கு அரைத்து பேஸ்ட் போன்று தயார் செய்துக் கொள்ளவம். இதை தலைமுடியின் வேர் முதல் நுனி வரை தடவிக் கொள்ளவும். பின்னர் 30 நிமிடங்களுக்குப் பிறகு தலை அலசினால் போதும். இதில் உள்ள ஊட்டச்சத்துக்கள் தலைமுடி வளர்ச்சிக்கு உதவக்கூடும்.

Image credit - Freepik