நம்முடைய உணவு முறையில் பழங்களை உட்கொள்வது உடலுக்கு எந்தளவிற்கு நன்மை பயக்குமோ? அந்தளவிற்கு சருமத்தைப் பாதுகாப்பாக வைத்திருக்கும். குறிப்பாக அழகுநிலையங்களுக்குச் செல்ல முடியாத பெண்கள் வீடுகளிலேயே முகத்தைப் பொலிவாக்குவதற்கு பழங்களை வெவ்வேறு வழிமுறைகளில் பயன்படுத்தலாம். இதோ அவற்றில் சில உங்களுக்காக..
சருமத்தைப் பொலிவாக்கும் பழ பேசியல்:
பழங்களில் உள்ள வைட்டமின் சி, ஆன்டிஆக்ஸிடன்ட்கள், பாக்டீரியா எதிர்ப்பு பண்புகள் போன்றவை சருமத்தில் உள்ள இறந்த செல்களை அகற்றி முகத்தை எப்போதும் பொலிவுடன் வைத்திருக்க உதவும்.
வாழைப்பழ பேஸ் பேக்:
வாழைப்பழங்களைப் பிடிக்காதவர்கள் யாருமே இருக்க முடியாது. குறைந்த விலையில் எளிதில் கிடைக்கக்கூடிய வாழைப்பழங்களில் வைட்டமின் பி6, சிலிக்கா, பொட்டாசியம் போன்ற பல்வேறு ஊட்டச்சத்துக்கள் உள்ளது. உடலுக்கு ஆற்றலை அளிப்பதோடு சருமத்தையும் பாதுகாக்கிறது. வெப்பம் மற்றும் குளிர் காலத்தில் முகத்தில் ஏற்படக்கூடிய சரும பாதிப்பையும் தடுக்கிறது.
இதை பயன்படுத்துவதற்கு முதலில் நன்கு பழுத்த வாழைப்பழங்களை மசித்துக் கொள்ளவேண்டும். அதனுடன் அரை டீஸ்பூன் தேன் கலந்து முகம் மற்றும் கழுத்துப் பகுதிகளில் அப்ளை செய்யவும். 20 நிமிடங்களுக்கு குளிர்ந்த நீரால் முகத்தைக் கழுவினால் போதும். முகம் எப்போதுமே பொலிவுடன் இருக்கும். எண்ணெய் பிசுபிசுத் தன்மைக் கொண்ட சருமம் மற்றும் முகப்பருக்கள் அதிகம் உள்ள பெண்கள் இந்த வாழைப்பழ பேஸ் பேக் செய்யும் போது சிறிதளவு எலுமிச்சை சாறு சேர்த்துக் கொள்வது நல்லது.
தக்காளி:
பெண்களின் சருமத்தைப் பொலிவுடன் வைத்திருக்க உதவும் பழங்களில் ஒன்றாக உள்ளது தக்காளி. இதில் உள்ள வைட்டமின் சி, பி, லைகோபீன் ஆக்ஸிஜனேற்றிகள் போன்றவை தீங்கு விளைவிக்கும் புற ஊதா கதிர்களிலிருந்து சருமத்தைப் பாதுகாக்கிறது. பழுத்த தக்காளியை நன்கு மசித்துக் கொண்டு அதனுடன் சிறதளவு பால் சேர்த்து சருமத்தில் பேஸ் பேக் போன்று பயன்படுத்தலாம்.
வெள்ளரி மற்றும் பால்:
சருமத்தைப் பராமரிக்க பழுத்த வெள்ளரி மிகவும் பயனுள்ளதாக இருக்கும். வறண்ட சருமம் கொண்ட பெண்கள் எவ்வித தயக்கமும் இன்றி வெள்ளரியைப் பயன்படுத்தலாம். இதில் 90 சதவீத நீர்ச்சத்துக்கள் உள்ளதால் சருமத்தைப் பொலிவுடன் வைத்திருக்க உதவும். பழுத்த வெள்ளரி பழங்கள் மற்றும் கால் கப் பால், அரை டீஸ்பூன் தேன் மற்றும் நாட்டுச்சர்க்கரை போன்ற அனைத்தையும் நன்கு கலந்து பேஸ் பேக் தயாரித்துக் கொள்ளவும். பின்னர் கழுத்து மற்றும் முகத்தில் அப்ளை செய்து சில நிமிடங்களுக்கு மசாஜ் செய்யவும். அரை மணி நேரத்திற்குப் பின்னதாக குளிர்ந்த நீரைக் கொண்டு முகத்தைக் கழுவினால் போதும். இதில் உள்ள ஊட்டச்சத்துக்கள் அனைத்தும் சருமத்திற்கு பொலிவைத் தருவதோடு ஆரோக்கியமாகவும் வைத்திருக்க உதவியாக இருக்கும்.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation