வயது கூடும் போது முகத்திலும் மாற்றங்கள் ஏற்படுவதையும் காணலாம். முகத்தில் ஏற்படும் சுருக்கங்கள் மற்றும் மெல்லிய கோடுகள் வயதான தோற்றத்தை கொடுக்கின்றன. இந்த சுருக்கங்களை நீக்குவதற்காக பல்வேறு அழகு சிகிச்சைகளும் மேற்கொள்ளப்படுகின்றன. விலை உயர்ந்த இவ்வகை சிகிச்சைகளை அடிக்கடி மேற்கொள்ள வேண்டிய தேவைகளும் உங்களுக்கு உருவாகலாம். இந்நிலையில் சருமத்தை பாதுகாக்கவும், சுருக்கங்களிலிருந்து விடுபடவும் உங்கள் சரும பராமரிப்பு வழக்கத்தை புதுப்பிக்க வேண்டியது அவசியமாகிறது.
பொதுவாக நீங்கள் செய்யும் சரும பராமரிப்பு CTM(cleansing, Toning, Moisturizing) வழக்கத்தில், முகத்திற்கான எண்ணெய் பயன்படுத்துவதையும் சேர்த்துக் கொள்ள வேண்டும். இது உங்கள் முகத்தில் ஈரத்தன்மையை மேம்படுத்தி சருமத்தை புதுப்பிக்கிறது. வயது முதிர்வு கட்டத்தை தவிர்க்க முடியாது என்பது உண்மைதான். எனினும் முறையான சரும பராமரிப்பு வழக்கத்தின் மூலம் கொலாஜன் உற்பத்தியை அதிகரிக்கலாம். இப்பதிவில் குறிப்பிடப்பட்டுள்ள முகத்திற்கான எண்ணெய்களை பயன்படுத்துவதன் மூலம் முகச் சுருக்கங்களில் இருந்து விடுபடலாம்.
ஆர்கன் எண்ணெய்
வயது முதிர்வை தடுக்கும் சிறந்த எண்ணெய்களில் ஒன்றான ஆர்கன் எண்ணெய், உங்களை நீண்ட காலத்திற்கு இளமையாக வைத்திருக்க உதவுகிறது. இதில் கொழுப்பு அமிலங்கள், வைட்டமின் E மற்றும் ஆன்டி ஆக்ஸிடன்ட்கள் நிறைந்துள்ளன. நீங்கள் எப்போதும் பயன்படுத்தும் மாய்ஸ்சரைஸரில் 1-2 சொட்டு ஆர்கன் எண்ணெய் கலந்து முகத்திற்கு தடவலாம் அல்லது இரவு தூங்குவதற்கு முன்பு சீரம் போலவும் முகத்திற்கு பயன்படுத்தலாம். இதை தவிர்த்து உங்கள் மேக்கப் ஃபவுண்டேஷனிலும் இதை சேர்க்க மறக்காதீர்கள்.
பாதாம் எண்ணெய்
வைட்டமின் E நிறைந்துள்ள பாதாம் எண்ணெய் சருமத்திற்கு மிகவும் நல்லது. இதில் உள்ள அதிக அளவு ஆன்டி ஆக்ஸிடன்ட்கள் உங்கள் சருமத்தை இளமையாக வைத்துக் கொள்ள உதவுகிறது. உங்கள் சருமம் பாதாம் எண்ணெயை ஆழமாக உறிஞ்சிக் கொள்ளும், இதனால் ஏற்படும் நல்ல விளைவுகளை முகத்தில் விரைவாக காணலாம்.
கிவி எண்ணெய்
இந்த எண்ணெயில் ஆன்டி ஆக்ஸிடன்ட்கள், வைட்டமின்கள் C, K, E நிறைந்துள்ளன. இதனுடன் தாமிரம், பொட்டாசியம், லினோலிக் அமிலம், ஒமேகா கொழுப்பு அமிலங்கள் போன்ற ஊட்டச்சத்துக்களும் உள்ளன. இது சரும வறட்சியை நீக்குவதோடு மட்டுமின்றி, மெல்லிய கோடுகள் மற்றும் சுருக்கங்களின் அறிகுறிகளையும் குறைக்கிறது.
தேங்காய் எண்ணெய்
நம் தலை முதல் கால் வரை ஏராளமான நன்மைகளை அளிக்கக்கூடிய தேங்காய் எண்ணெயை இயற்கையின் பரிசு என்று சொன்னால் அது மிகையாகாது. இதில் ஆன்டி ஆக்ஸிடன்ட்கள், வைட்டமின் A மற்றும் E அதிக அளவில் உள்ளன. நீங்கள் சுருக்கங்களைக் குறைக்க விரும்பினால், தேங்காய் எண்ணெயைக் கொண்டு உங்கள் சருமத்தை மசாஜ் செய்யலாம்.
அவகேடோ எண்ணெய்
இந்த எண்ணெய் சருமத்தில் ஆழமாக ஊடுருவி, அதனை ஈரப்பதமாக்க வைத்துக்கொள்கிறது. இதில் உள்ள வைட்டமின் E மற்றும் ஆன்டி ஆக்ஸிடன்ட்கள் உங்கள் சரும நிறத்தைப் பராமரிக்க உதவுகின்றன. அவகேடோ எண்ணெய் கொலாஜன் உற்பத்தியைத் தூண்டுகிறது. இது உங்கள் சருமத்தை இளமையாக வைத்திருக்கும்
இந்த பதிவும் உதவலாம்: ஹார்மோன் முகப்பருக்களை சரிசெய்யும் வழிகள்
ஜோஜோபா எண்ணெய்
எண்ணெய் பசை சருமம் உள்ளவர்கள் ஜோஜோபா எண்ணெயைப் பயன்படுத்தி சருமத்தை இளமையாக மாற்றலாம். இது அழற்சி எதிர்ப்பு மற்றும் ஈரப்பதமூட்டும் பண்புகளைக் கொண்டுள்ளது. இது சருமத்தின் ஈர தன்மையைத் தக்க வைத்துக்கொள்ள உதவுகிறது. மேலும் இதில் உள்ள வயது முதிர்வை தடுக்கும் பண்புகள் கொலாஜன் உற்பத்தியை அதிகரிக்கிறது. இதை பயன்படுத்தி உங்கள் சருமத்தை இளமையாகவும் ஆரோக்கியமாகவும் மாற்றலாம்.
இந்த பதிவும் உதவலாம்: முதுகு பக்கம் கருப்பா இருக்கா? அதை எப்படி சரிசெய்ய வேண்டும் தெரியுமா?
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
Image source: freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation