காலையில் சிறுநீரின் நிறம் மாறுகிறதா? இந்த நோய்கள் காரணமாக இருக்கலாம்

சிறுநீரின் நிறம் சில நேரங்களில் வெளிர் மஞ்சள் நிறத்தில் இருந்து அடர் மஞ்சள் வரை மாறுபடும். இதற்கு அனைவருக்கும் பல காரணங்கள் உள்ளன. அதைப் பற்றி தெரிந்துகொள்வோம்.

சிறுநீரின் நிறத்தைப் பார்த்தாலே உடல் ஆரோக்கியம் தெரியும். சிறுநீர் சுத்தமாக இருந்தால் ஆரோக்கியம் நன்றாக இருக்கும் என்று சொல்லலாம். சிறுநீரின் நிறம் மஞ்சளாகவும், நாற்றத்துடனும் இருந்தால் நாள்பட்ட இதய நோய் மற்றும் சிறுநீரக செயலிழப்பு போன்றவற்றைக் குறிக்கும்.

நீரிழப்பு

சிறுநீரின் மஞ்சள் நிறத்திற்கு நீரிழப்பு முக்கிய காரணமாகும். உடலுக்குத் தேவையான அளவு தண்ணீர் கிடைக்காதபோது சிறுநீரின் நிறம் மஞ்சள் நிறமாக மாறும்.

வைட்டமின் பி12 குறைபாடு

வைட்டமின் பி 12 அல்லது ரிபோஃப்ளேவின் உட்கொள்வது சிறுநீரை அடர் மஞ்சள் நிறமாக மாற்றும். இந்த வைட்டமின் மல்டிவைட்டமின்கள் அல்லது ஆற்றல் சப்ளிமெண்ட்ஸில் காணப்படுகிறது. இதை அதிகமாக உட்கொண்டால், சிறுநீரின் நிறம் மஞ்சள் நிறமாக மாறும்.

உணவுமுறை

சிறுநீரின் நிறத்தை தீர்மானிப்பதில் உணவுமுறை முக்கிய பங்கு வகிக்கிறது. பீட்ரூட், கேரட் மற்றும் பெர்ரி போன்ற சில உணவுகள் சிறுநீரின் நிறமாற்றத்தை ஏற்படுத்தும. இவை அடர் மஞ்சள் நிற சிறுநீரை ஏற்படுத்தும்.

மருந்துகளின் பக்க விளைவுகள்

ஆண்டிபயாடிக் மற்றும் சில மலமிளக்கி மருந்துகள் சிறுநீரின் நிறத்தை மஞ்சள் நிறமாக மாற்றும். ஒரு புதிய மருந்து தொடங்கப்பட்டு சிறுநீரின் நிறம் அடர் மஞ்சள் நிறமாக மாறினால் மருத்துவரை அணுகவும்.

புற்றுநோயின் அறிகுறி

சிறுநீர்ப்பை, சிறுநீரகம், ப்ராஸ்டேட், கணையம் போன்ற புற்றுநோய்களில் பிரச்சனை உள்ளவர்களுக்கு அடர் நிற சிறுநீர் இயல்பானது. நோய் முன்னேறும்போது சிறுநீரின் நிறமும் மாறுகிறது.