தீராத பொடுகு பிரச்சனையைப் போக்க உங்கள் தலை முடிக்கு தயிரை இப்படி யூஸ் பண்ணுங்க!

கோடைக்காலம், மழைக்காலம், குளிர்காலம் என எதுவாக இருந்தாலும், தலைமுடியை கவனித்துக்கொள்வது அவசியம். குறிப்பாக கோடை காலத்தில் பலர் முடி பிரச்சனையை சந்திக்கின்றனர். வலுவான சூரிய ஒளி மட்டுமல்ல, வெப்ப அலைகளும் உங்கள் முடியை சேதப்படுத்தும். எனவே முடி பாதுகாப்பில் கவனம் செலுத்த வேண்டும். தயிர் உபயோகிப்பது முடி ஆரோக்கியத்திற்கு நல்லது என்று கூறப்படுகிறது. பொடுகு அதிகமாக முடி உதிர்வை ஏற்படுத்துகிறது. இது முடி வளர்ச்சியில் குறுக்கிடுகிறது. அதற்கு தயிர் பயன்படுத்துவது நல்லது.

மேலும் படிக்க:ஹீரோயின்கள் போல அழகான கண்களை பெற இந்த ட்ரிக்ஸை பின்பற்றுங்கள்!

தலைமுடிக்கு தயிர் பயன்பாடு

கூந்தலில் தயிரைப் பயன்படுத்துவதன் மூலம் முடி உதிர்தல், பொடுகு, வறண்ட முடி மற்றும் பிளவு முனைகளில் இருந்து விடுபடலாம். எந்தெந்த தலைமுடி பிரச்சனைக்கு தயிர் எப்படி பயன்படுத்த வேண்டும் என்று பார்ப்போம்.

பொடுகு தொல்லைக்கு

பொடுகு என்பது பெரும்பாலான மக்கள் எதிர்கொள்ளும் பொதுவான பிரச்சனையாகும். அதிகப்படியான வியர்வை மற்றும் வறண்ட உச்சந்தலையால் பலர் பொடுகு பிரச்சனையை எதிர்கொள்கின்றனர். இதைப் போக்க,

• ஒரு பாத்திரத்தில் தயிர் எடுத்து, அதனுடன் 1 டீஸ்பூன் எலுமிச்சை சாறு சேர்க்கவும்.
• இந்த பேஸ்ட்டை நன்கு கலந்து, உச்சந்தலை உட்பட முடியில் தடவவும்.
• இப்படி வாரம் இருமுறை செய்து வந்தால் பொடுகு பிரச்சனையை கட்டுக்குள் வைத்திருக்கலாம்.

தலைமுடி உதிர்தலுக்கு

தயிர் முடி உதிர்வதைத் தடுக்கவும், இறந்த முடியை ஆரோக்கியமாக மாற்றவும் பயன்படுகிறது.

• இதற்கு ஒரு பாத்திரத்தில் தயிரை எடுத்து, தயிரில் 4 முதல் 6 கறிவேப்பிலையை அரைத்த பின், அதனை உச்சந்தலை உட்பட முடியில் நன்கு தடவவும்.
• இதற்குப் பிறகு, குறைந்தபட்சம் 1 முதல் 2 மணி நேரம் விட்டு விடுங்கள்.
• இந்த முறை உங்கள் தலை முடி உடைவதைக் குறைக்கிறது.

தலைமுடி வளர்ச்சிக்கு

அடர்த்தியான மற்றும் நீண்ட கூந்தலை அனைவரும் விரும்புகிறார்கள்.

• இதற்கு முதலில் தயிர் எடுத்துக் கொள்ளவும்.
• ஒரு கிண்ணம் தயிரில் 1 டீஸ்பூன் தேங்காய் எண்ணெய் சேர்க்கவும்.
• இதன் பிறகு செம்பருத்தி பூவை அரைத்து கலந்து கொள்ளவும்.
• இந்த பேஸ்டை உச்சந்தலையில் மற்றும் முடியில் நன்கு தடவவும்.
• இந்த ஹேர் மாஸ்க்கை 1 மணி நேரம் அப்படியே விட்டுவிட்டு, பின் லேசான ஷாம்பு கொண்டு உங்கள் தலையை அலசவும்.

உலர்ந்த கூந்தலுக்கு

நீங்களும் சிக்குண்ட மற்றும் வறண்ட கூந்தலால் சிரமப்படுகிறீர்கள் என்றால், தயிரை இயற்கையான கண்டிஷனராகப் பயன்படுத்தலாம்.

• முதலில் உங்கள் தலைமுடியை லேசான ஷாம்பு கொண்டு அலசவும்.
• இப்போது தயிர் முழுவதுமாக முடியின் நீளத்தில் தடவி 15 முதல் 20 நிமிடங்கள் வரை விடவும்.
• இதற்குப் பிறகு அதை தண்ணீரில் கழுவவும்.
• இது உங்கள் தலைமுடியை பளபளப்பாக மாற்றுவது மட்டுமல்லாமல் மென்மையாகவும் மாறும்.

இதுபோன்ற அழகியல் சார்ந்த ஆரோக்கியமான தகவல்களை தெரிந்து கொள்ள எப்போதும் ஹெர்ஜிந்தகி உடன் இணைந்திருங்கள். ஹெர்ஜிந்தகியின் முகநூல் பக்கத்தை இந்த லிங்கின் மூலம் பின் தொடருங்கள் HerZindagi Tamil

image source: freepik