நாள் முழுவதும் புத்துணர்ச்சியுடன் இருக்க டியோடரண்டை எப்படி பயன்படுத்துவது

நம்மில் பலர் டியோடரண்டைப் பயன்படுத்துகிறோம்.ஆனால், அதை எப்படி சரியாகப் பயன்படுத்துவது என்று பலருக்கு தெரியவில்லை. நாள் முழுவதும் புத்துணர்ச்சியுடன் இருக்க டியோடரண்டை எப்படி பயன்படுத்துவது, எப்போது சரியாகப் பயன்படுத்துவது என்பதை தெரிந்துகொள்ளுங்கள்.

டியோடரண்ட் வியர்வையைக் கட்டுப்படுத்தி உங்களுக்கு நல்ல வாசனையைத் தருகிறது. இருப்பினும், நீங்கள் டியோடரண்டைப் பயன்படுத்தியவுடன், அது நாள் முழுவதும் நல்ல வாசனையுடன் இருப்பதை உறுதிசெய்ய சில குறிப்புகளைப் பின்பற்ற வேண்டும்.

குளியல்

டியோடரண்டைப் பயன்படுத்துவதற்கு முன்பு நீங்கள் நிச்சயமாக குளிக்க வேண்டும். அக்குள்களையும் நன்கு சுத்தம் செய்ய வேண்டும். அதன் பிறகுதான் நீங்கள் டியோடரண்டைப் பயன்படுத்த வேண்டும். இல்லையென்றால்,வியர்வை நாற்றம் வீசும். எனவே, குளித்த பிறகுதான் டியோடரண்டைப் பயன்படுத்த வேண்டும் என நினைவில் கொள்ளுங்கள்.

ஸ்ப்ரே

டியோடரண்டைத் ஸ்ப்ரே செய்யும் போது, ​​அதை உங்கள் உடல் முழுவதும் சமமாகத் தெளிக்கவும். இருப்பினும், அதை உங்கள் உடலுக்கு மிக அருகில் தெளிக்க வேண்டாம்.குறைந்தது 7 அங்குல இடைவெளி விட்டு இதைச் செய்ய வேண்டும். அப்போதுதான் அது சமமாக தெளிக்கப்படும். இது உடலுக்கு நன்றாகப் பொருந்தும்.

உலர விடுங்கள்

டியோடரண்டை உடலில் ஸ்பிரே செய்தவுடன் அதை இரண்டு முதல் மூன்று நிமிடங்கள் காய விடுங்கள் ஈரப்பதம் இல்லாமல் இருக்க வேண்டும். பின்னர் ஆடைகளை அணியுங்கள். அப்போதுதான் நல்ல மணம் வீசும்.

ஸ்க்ரப்

டியோடரண்டைப் பயன்படுத்துபவர்கள் தங்கள் அக்குள்களைத் தொடர்ந்து தேய்க்க வேண்டும். இது அங்கு குவிந்துள்ள அனைத்து அழுக்குகளையும் பழைய அழுக்குத் தடயங்களையும் நீக்கும். இது தோல் பிரச்சினைகளையும் தடுக்கிறது. எனவே, தொடர்ந்து தேய்க்கவும். அதேபோல், குளிப்பதற்கு நல்ல பாடி வாஷைப் பயன்படுத்துங்கள்.

டியோடரண்ட் பாதுகாப்பு

அதேபோல், டியோடரண்டை குளிர்ந்த அல்லது உலர்ந்த இடத்தில் வைக்க வேண்டும். இது டியோடரண்டை சிறப்பாக வேலை செய்ய வைக்கிறது.