herzindagi
image

Sa Re Ga Ma Pa Tamil Season 5 Winner: சரிகமப சீசன் 5 பட்டம் வென்ற சுசாந்திகா; பரிசு தொகை எவ்வளவு தெரியுமா?

Sa Re Ga Ma Pa Tamil Season 5 Winner: சரிகமப சீசன் 5 நிகழ்ச்சியின் வெற்றியாளராக சுசாந்திகா அறிவிக்கப்பட்டுள்ளார். அவருக்கு வழங்கப்பட்ட பரிசு தொகை உள்ளிட்ட பல்வேறு தகவல்களை இந்தக் கட்டுரையில் பார்க்கலாம்.
Ed Viswanath Pradhap Singh
Editorial
Updated:- 2025-11-24, 11:41 IST
Add as a preferred

Sa Re Ga Ma Pa Tamil Season 5 Winner: ஜீ தமிழ் தொலைக்காட்சியில் கடந்த சில மாதங்களாக நடைபெற்று வந்த சரிகமப சீசன் 5 நிகழ்ச்சியின் இறுதிப்போட்டி நேற்றைய தினம் நிறைவடைந்தது. பொதுமக்கள் கவனத்தை ஈர்த்த இந்தப் போட்டியின் வெற்றியாளராக சுசாந்திகா அறிவிக்கப்பட்டுள்ளார்.

சரிகமப தமிழ் சீசன் 5:

 

இசையில் திறமையானவர்களை கண்டறிந்து அவர்களுக்கு வாய்ப்பு கொடுக்கும் வகையில், ஜீ தமிழ் தொலைக்காட்சியில் சரிகமப போட்டி நடத்தப்படுகிறது. இந்த நிகழ்ச்சியின் ஐந்தாவது சீசனுக்கும் மக்கள் இடையே நல்ல வரவேற்பு கிடைத்தது. அதன்படி, பலர் கலந்து கொண்டு தங்கள் திறமையை நிரூபித்த இந்த நிகழ்ச்சியின் இறுதிப் போட்டி நேற்று நடத்தப்பட்டது. இந்த இறுதிப் போட்டியில், சுசாந்திகா, செந்தமிழன், சிவானி, சபேசன், பவித்ரா மற்றும் ஸ்ரீஹரி ஆகியோர் இறுதிப் போட்டியில் கலந்து கொண்டனர்.

 

சரிகமப தமிழ் சீசன் 5 இறுதிப்போட்டி:

 

இந்த இறுதிப் போட்டியில், போட்டியாளர்கள் தங்கள் திறமைகளை வெளிப்படுத்தும் விதமாக மெலடி, மேற்கத்திய மற்றும் கர்நாடக சங்கீதம் ஆகியவற்றில் பாடல்கள் பாடி அசத்தினர். அர்ச்சனா தொகுத்து வழங்கிய இந்நிகழ்ச்சியில், ஸ்வேதா மோகன், ஸ்ரீனிவாஸ் மற்றும் கார்த்திக் ஆகியோர் நடுவர்களாக பங்கேற்றனர். இந்த நிகழ்ச்சியில் நடுவர்கள் வழங்கிய மதிப்பெண்கள் மற்றும் பார்வையாளர்களின் வாக்குகள் அடிப்படையில் வெற்றியாளர்கள் அறிவிக்கப்பட்டனர்.

சமேலும் படிக்க: Bigg Boss Tamil Season 9 Contestants Salary: பிக்பாஸ் சீசன் 9 போட்டியாளர்களின் சம்பளம் இவ்வளவா? ஆச்சரியத்தில் ரசிகர்கள்!

 

சரிகமப தமிழ் சீசன் 5 போட்டியில் வெற்றிபெற்ற சுசாந்திகா:

More For You

 

அந்த வகையில், சரிகமப தமிழ் சீசன் 5 போட்டியில் வெற்றிபெற்ற சுசாந்திகா, கோப்பையை தட்டிச் சென்றது மட்டுமல்லாமல் சுமார் ரூ. 60 லட்சம் மதிப்பிலான வீட்டையும் பெற்றுக் கொண்டார். அவருக்கு பல்வேறு தரப்பினரும் தங்கள் வாழ்த்துகளை பகிர்ந்து கொண்டனர். இப்போட்டியில் சிறப்பு விருந்தினராக கலந்து கொண்ட முன்னணி இசையமைப்பாளர் தேவா, சுசந்திகாவிற்கு வெற்றிக் கோப்பையை வழங்கி கௌரவித்தார். இதனால், இறுதிப் போட்டியின் மேடையே கோலாகலமாக ஜொலித்தது.

மேலும் படிக்க: Dhurandhar: ரன்வீர் சிங்கிற்கு ஜோடியாக நடிக்கும் தெய்வத்திருமகள் சாரா; வயது வித்தியாசம் தொடர்பாக கேள்வி எழுப்பும் விமர்சகர்கள்

 

மற்ற பரிசுகளை வென்ற போட்டியாளர்கள்:

 

நடுவர்களின் மதிப்பெண்கள் மற்றும் பார்வையாளர்களின் வாக்குகள் அடிப்படையில் அடுத்தடுத்த இடங்களை பெற்ற போட்டியாளர்களுக்கும் பரிசுகள் வழங்கப்பட்டன. அதனடிப்படையில், இரண்டாம் இடம் பிடித்த சபேசன் என்பவருக்கு ரூ. 10 லட்சம் பரிசாக வழங்கப்பட்டது. இதைத் தொடர்ந்து, ரூ. 3 லட்சம் மதிப்புள்ள மூன்றாவது பரிசை செந்தமிழன் பெற்றுக் கொண்டார். சிறப்பு பரிசாக மக்கள் வாக்குகள் அடிப்படையில் பவித்ராவிற்கு ரூ. 5 லட்சம் மதிப்பிலான பரிசுகள் வழங்கப்பட்டன.

ரசிகர்களின் ஆதரவை பெறும் ரியாலிட்டி நிகழ்ச்சிகள்:

 

சரிகமப சீசன் 5 நிகழ்ச்சி வெற்றிகரமாக நிறைவு பெற்றதை தொடர்ந்து, அடுத்தடுத்த சீசன்கள் குறித்த ஆர்வம் இப்போதே ரசிகர்கள் இடையே எழுந்துள்ளது. இதனிடையே, சிறுவர்களுக்காக பிரத்தியேகமாக நடத்தப்படும் சரிகமப நிகழ்ச்சியின் அடுத்த சீசனும் விரைவில் தொடங்க இருப்பதாக ஜீ தமிழ் தொலைக்காட்சி சார்பில் அறிவிக்கப்பட்டுள்ளது. இதனால், சிறுவர்களின் திறமையைக் காண்பதற்கு ரசிகர்கள் ஆர்வமாக காத்திருக்கின்றனர்.

இது போன்ற நிகழ்ச்சிகள் மூலம் சாமானியர்களுக்கு பல்வேறு விதமான வாய்ப்பு வழங்கப்படுவதாக மக்கள் இடையே கருத்து நிலவுகிறது. மேலும், இது தங்களின் திறமைகளை வெளிப்படுத்த ஒரு சிறந்த மேடையாக இருப்பதாகவும் போட்டியாளர்கள் கூறுகின்றனர். இதன் காரணத்தினால் பல முன்னணி தொலைக்காட்சி சேனல்களில் பல்வேறு வகையில் ரியாலிட்டி நிகழ்ச்சிகள் நடத்தப்படுகின்றன. இது போன்ற நிகழ்ச்சிகள் ஏராளமாக இருந்தாலும், மக்கள் இடையே இத்தகைய போட்டிகளுக்கு ஆதரவு அதிகரிப்பதாக கூறப்படுகிறது.

 

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

 

Image Credit: Twitter

Most Searched
குட்பேட் அக்லி குக் வித் கோமாளி பத்ம பூஷன் அஜித்குமார் புஷ்கர் காயத்ரி பேட்டி சுருதி நாராயணன் ஓவன் கூப்பர்
Disclaimer

உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com