Friday Tamil OTT Releases: ஆர்யன் முதல் ரேகை வரை; வெள்ளிக்கிழமை ஓடிடியில் வெளியாகி இருக்கும் முக்கிய தமிழ் திரைப்படங்கள் மற்றும் வெப் சீரிஸ்

This Week OTT Releases: வெள்ளிக்கிழமையான இன்று சில தமிழ் திரைப்படங்களும், இணையத் தொடர்களும் (வெப் சீரிஸ்) ஓடிடி தளங்களில் வெளியாகி இருக்கின்றன. அவற்ற எந்த தளங்களில் பார்க்கலாம் என்பது குறித்த முழு விவரங்கள் இதில் குறிப்பிடப்பட்டுள்ளன.

ஓடிடி வெளியீடுகள்:

முன்னர் இருந்த காலத்தில் ஒவ்வொரு வெள்ளிக்கிழமையும் திரையரங்குகளில் வெளியாகும் திரைப்படங்களே பெரும்பாலான மக்களுக்கு பொழுதுபோக்காக இருந்தன. ஒரு சூழலுக்கு பின்னர் டிஜிட்டல் பயன்பாடுகள் அதிகரித்த பின்னர், ஓடிடியின் ஆதிக்கம் பொழுதுபோக்கு துறையில் கணிசமாக உயர்ந்தது. குறிப்பாக, திரையரங்குகளில் வெளியாகும் படங்களையும், ஓடிடியில் காணலாம் என மக்கள் காத்திருக்கும் சூழல் தற்போது நிலவுகிறது. இதன் காரணமாக, இப்போது ஒவ்வொரு வாரமும் ஓடிடியில் வெளியாகும் திரைப்படங்கள் மற்றும் இணையத் தொடர்கள் மீது எதிர்பார்ப்பு அதிகரித்துள்ளது. அந்த வகையில், முக்கியமான இரண்டு திரைப்படங்கள் மற்றும் ஒரு இணையத் தொடர் இன்று வெளியாகி இருக்கிறது.

Come, let’s solve the most mysterious case! 🫣#Regai – From the world of Crime Novel King Rajesh Kumar 🔍Streaming now on ZEE5 🔥#Regai #RegaiOnZee5 #ZEE5Originals #WatchOnZEE5 #Zee5Tamil #Zee5 pic.twitter.com/ljeWER2lbX

— ZEE5 Tamil (@ZEE5Tamil) November 27, 2025

மேலும் படிக்க: Stranger Things Season 5 release: ஸ்ட்ரேஞ்சர் திங்ஸ் சீசன் 5; தமிழில் எந்த தளத்தில், எப்போது பார்க்கலாம்?

ரேகை ஓடிடி ரிலீஸ்:

இந்த பட்டியலில், இன்று வெளியாகி இருக்கும் ரேகை வெப் சீரிஸ் முக்கிய இடத்தை பெறுகிறது. தமிழ் இலக்கிய உலகில் ஆர்வம் கொண்டவர்களுக்கு நிச்சயம் எழுத்தாளர் ராஜேஷ் குமாரை தெரிந்திருக்கும். ஏராளமான க்ரைம் நாவல்களை எழுதி இன்று வரை தமிழ் வாசகர்கள் இடையே மிகவும் பிரபலமான எழுத்தாளராக வலம் வருகிறார். அவர் எழுதிய கதையை அடிப்படையாக கொண்டு உருவாக்கப்பட்ட இந்த ரேகை என்ற வெப் சீரிஸ் இன்று ஜீ5 ஓடிடி தளத்தில் வெளியாகி இருக்கிறது.

நடிகர்கள் பாலா ஹாசன், பவித்ரா ஜனனி, வினோதினி ஆகியோர் இந்த தொடரில் முதன்மை கதாபாத்திரங்களில் நடித்துள்ளனர். ஆறு எபிசோடுகளை கொண்ட இந்த வெப் சீரிஸில், ஒவ்வொரு எபிசோடும் ஏறத்தாழ 30 நிமிடங்கள் வரை இருக்கிறது. அந்த வகையில், க்ரைம் த்ரில்லர் திரைப்படங்கள் மற்றும் சீரிஸ்கள் உங்களுக்கு பிடிக்கும் என்றால், இந்த தொடரை உங்கள் வாட்ச் லிஸ்டில் நீங்கள் சேர்த்துக் கொள்ளலாம்.

Vishnu Vishal wants you to witness a writer's masterpiece, aana andha masterpiece… oru crime 😮 pic.twitter.com/nJhAUT8gAI

— Netflix India South (@Netflix_INSouth) November 27, 2025

மேலும் படிக்க: Arasan: வெற்றிமாறன் - சிம்பு கூட்டணியில் உருவாகும் அரசன் திரைப்படத்தில் இணைந்த விஜய் சேதுபதி; சர்ப்ரைஸ் கொடுத்த கலைப்புலி தாணு

ஆர்யன் ஓடிடி வெளியீடு:

இந்த வரிசையில் அடுத்த இடத்தை பிடிப்பதும் ஒரு க்ரைம் த்ரில்லர் திரைப்படம் தான். விஷ்ணு விஷால், செல்வராகவன், ஷ்ரதா ஸ்ரீநாத் ஆகியோர் நடிப்பில் கடந்த அக்டோபர் மாதம் 31-ஆம் தேதி திரையரங்குகளில் வெளியான திரைப்படம் ஆர்யன். இந்த திரைப்படத்தை பிரவீன். கே இயக்கி இருந்தார். முன்னதாக, விஷ்ணு விஷால் நடிப்பில் வெளியான ராட்சசன் திரைப்படம் பெரும் வெற்றி பெற்றதால், இப்படத்தின் மீது எதிர்பார்ப்பு அதிகரித்தது.

இப்படத்தில் எழுத்தாளராக நடித்த செல்வராகவன், தொலைக்காட்சி நிகழ்ச்சியில் ஒரு கொலை செய்து விட்டு, அடுத்தடுத்து 5 கொலைகள் நடைபெறும் என்று கூறி தற்கொலை செய்து கொள்கிறார். இந்த வழக்கை விசாரிக்கும் பொறுப்பை போலீஸ் அதிகாரியான விஷ்ணு விஷால் மேற்கொள்கிறார். அதன்படி, கொலைகளை தடுத்து நிறுத்த விஷ்ணு விஷாலால் முடிந்ததா? இதற்கான காரணம் என்ன? என்பது குறித்து இப்படத்தில் காட்சிப்படுத்தப்பட்டிருந்தது. இத்திரைப்படம் நெட்ஃப்ளிக்ஸ் ஓடிடி தளத்தில் இன்று வெளியாகி இருக்கிறது.

Love, marriage, madness and unlimited entertainment ❤️🥳🔥

▶️ https://t.co/OI57wkjio4#AanPaavamPollathathu now streaming only on JioHotstar #JioHotstar #AanPaavamPollathathuOnJioHotstar #AanPaavamPollathathuNowStreaming #JioHotStarTamil @rio_raj @imalavikamanoj… pic.twitter.com/ZOKTjZCxNU

— JioHotstar Tamil (@JioHotstartam) November 27, 2025

ஆண்பாவம் பொல்லாதது ஓடிடி வெளியீடு:

குடும்பத்தினருடன் இணைந்து ஜாலியான நகைச்சுவை திரைப்படம் பார்க்க வேண்டும் என்று நினைப்பவர்களுக்கு ஆண் பாவம் பொல்லாதது படம் ஏற்றதாக இருக்கும். கலையரசன் தங்கவேல் இயக்கத்தில் உருவான இந்த திரைப்படத்தில் ரியோ ராஜ், மாளவிகா மனோஜ் ஆகியோர் முதன்மை கதாபாத்திரங்களில் நடித்திருந்தனர். புதிதாக திருமணம் செய்து கொண்ட தம்பதி இடையே நிகழும் சம்பவங்களை அடிப்படையாக கொண்டு இப்படம் உருவாக்கப்பட்டிருந்தது.

சம காலத்தில் தம்பதிகள் இடையே எழும் கருத்து வேறுபாடுகளை நகைச்சுவையான பாணியில் எடுத்துக் கூறி இருப்பதாக, இப்படம் திரையரங்குகளில் வெளியான போது விமர்சகர்கள் கூறினர். ஆக்‌ஷன் காட்சிகள் இல்லாமல் ஃபீல்-குட் பாணியில் நகைச்சுவையான திரைப்படம் பார்க்க வேண்டும் என்று நினைப்பவர்கள், ஆண்பாவம் பொல்லாதது திரைப்படத்தை காணலாம். ஜியோஹாட்ஸ்டார் ஓடிடி தளத்தில் இப்படம் இன்று வெளியாகி இருக்கிறது.

இந்த திரைப்படங்கள் மற்றும் வெப் சீரிஸ், உங்களுடைய வார இறுதி நாட்களை பொழுதுபோக்காக மாற்றுவதற்கு நிச்சயம் பயனுள்ளதாக இருக்கும்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Twitter