இன்றைய சூழலில் கடன் இல்லாத நபர்கள் யாருமே இருக்க முடியாது. தங்களின் வசதிக்கு ஏற்றவாறு அவரவர் தனி நபர் கடன், வீட்டுக்கடன், நகைக்கடன், சுய தொழில் கடன், சிறு வணிக நிறுவனங்களின் வாயிலாக கடன் பெறுதல் என தங்களின் வாழ்வாதாரத்தை நிவர்த்தி செய்துக் கொள்வதற்காக கடன்களை வாங்குகிறார்கள். இதில் எவ்வித தவறும் இல்லை. சில நேரங்களில் வருமானம் குறைவாக இருக்கும் போது இதுபோன்ற கடன்கள் மன உளைச்சலை ஏற்படுத்தும். இந்த சூழலைத் தவிர்க்கவும் கடன் இருந்தாலும் வாழ்நாள் முழுவதும் அதீத பணப்பிரச்சனை இன்றி வாழ வேண்டும் என்றால் கட்டாயம் அடிப்படை நிதி விஷயங்களை அறிந்துக் கொள்ள வேண்டும்.
கணவன் மற்றும் மனைவி இருவருமே பணிக்குச் செல்லும் சூழல் அதிகரித்து வருகிறது. இந்த இருவரில் யாராவது ஒருவரின் சம்பளத்தை மட்டும் வைத்து குடும்பத்தை வழிநடத்தவும். மற்றொருவர் தாங்கள் வாங்கும் சம்பளத்தை எதிர்கால தேவை அறிந்து சேமித்து வைக்கவும். நீங்கள் மேற்கொள்ளும் சேமிப்பானது எதிர்காலத்தைக் கருத்தில் கொண்டதாக இருக்க வேண்டும். ஆம் சிறு சிறு சேமித்து வைத்து சொத்துக்கள் ( assets) வாங்க வேண்டும். எந்த சூழலில் இதை விற்று பணமாக்க முடியும். நமக்கும் ஒரு மன உறுதி கிடைக்கும்.
மேலும் படிக்க: வீட்டில் நிதி சிக்கலா ? தீர்வு காண 40-40-20 பட்ஜெட் விதியை பின்பற்றுங்க!
அடுத்ததாக லியாபிலிட்டி எனப்படும் பொறுப்பு. பணப்பிரச்சனைக்கு ஒரு முக்கிய காரணமாக அமைகிறது. ஆம் எப்பொழுது நீங்கள் வாங்கும் கடன்களுக்கு முறையான வட்டி மற்றும் அசல் தொகையை செலுத்த தவறுகிறீர்களோ? அப்பொழுதே உங்களுக்கான மன அழுத்தம் அதிகமாகி விட்டது. கடன் தொகையை ஒரு மாதத்திற்குச் செலுத்தாமல் விட்டாலும், எப்போது பணம் கட்டுவீர்கள்? என்று கேள்வி கேட்டு மனதை ரணமாக்குவார்கள். எனவே குறிப்பிட்ட காலத்திற்குள் வாங்கிய கடனைக் கட்டி முடிக்க வேண்டும்.
சேமிப்பில் ஏதாவது பணம் செலுத்தியுள்ளீர்கள் என்றால் அதன் மூலம் வரக்கூடிய வட்டித்தொகையை முறையாக கையாள வேண்டும். குறிப்பாக ஒரு குறிப்பிட்ட தொகையை வங்கியில் அல்லது தபால் நிலையத்தில் முதலீடு செய்திருந்தால், அதன் மூலம் வரக்கூடிய தொகையை வேறு ஏதாவது ஒன்றில் முதலீடு செய்து கொள்ளுங்கள். வட்டித்தொகை வீணாக வேறு செலவுகள் செய்யும் போது தேவைபடக்கூடிய நேரத்தில் பணத்தைப் பெற முடியாது.
மேலும் படிக்க: குடும்பத்தின் எதிர்கால நலனுக்காக நிதி விஷயத்தில் கணவன் மனைவி எடுக்க வேண்டிய முடிவுகள்
இறுதியாக நெட் ஒர்த் எனப்படும் நிகர மதிப்பைக் கணக்கிட வேண்டும். வசதி படைத்தவர்கள் தான் இதை சரிபார்க்க வேண்டும் என்ற அவசியமில்லை. நம்மிடம் உள்ள சொத்துக்கள் எவ்வளவு? வருமானம் எவ்வளவு? வாங்கி கடன்கள் எவ்வளவு? என்பது குறித்து நிகர மதிப்பீடு செய்ய வேண்டும். அளவுக்கு அதிகமாக இருந்தால் எவ்வித எப்படி இந்த கடன்களை விரைவாக அடைக்க முடியும்? என்பது பற்றி ஆலோசனை மேற்கொள்வது நல்லது.
மேலும் படிக்க: குடும்பத் தலைவிகளே.. நிதி ஆதாரத்தை மேம்படுத்த உதவும் டிப்ஸ்கள் உங்களுக்காக!
இதுபோன்ற விஷயங்களைப் பின்பற்றினாலே வாழ்க்கையில் பணப்பிரச்சனை இருக்காது. வாழ்நாள் முழுவதும் நிதி ஆதாரத்துடன் வாழ்க்கையை வழிநடத்தி செல்ல முடியும் என்பதில் எவ்வித மாற்றுக்கருத்தும் இல்லை.
Image source - Freepik
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com