அடிக்கிற குளிரிலிருந்து குழந்தைகளைப் பாதுகாப்புடன் வைத்திருக்க பெற்றோர்கள் பின்பற்ற வேண்டியது இவை தான்!

கார்த்திகை முதல் மார்கழி மாதம் வரை குளிரின் தாக்கம் சற்று அதிகமாகவே இருக்கும். அதிலும் தமிழகத்தைப் பொறுத்தவரை கடந்த சில தினங்களாக மழை பொழிவும் ஏற்படுவதால் வழக்கத்திற்கு மாறாக குளிரின் தாக்கம் அதிகமாகவே உள்ளது. பெரியவர்களால் கூட காலை நேரத்தில் வெளியில் செல்ல முடியாத நிலை ஏற்பட்டு விட்டது. பெரியர்வர்களுக்கே இந்த நிலை என்றால், குழந்தைகளின் நிலை கொஞ்சம் சிரமம் தான். ஸ்வெட்டர், கம்பளி கூட பயன்படுத்த மாட்டோம் என அடம்பிடிப்பார்கள். ஆனால் பெற்றோர்கள் அப்படியே விட்டு விட முடியாது அல்லவா? வைரஸ் தொற்று பாதிப்பு ஏற்படாமல் இருக்க வேண்டும் என்றால், குழந்தைகளைப் பாதுகாப்புடன் வைப்பது மிகவும் அவசியமான ஒன்று. இதோ இன்றைக்கு குளிர்காலங்களில் உங்களது குழந்தைகளை எப்படி பாதுகாப்புடன் வைத்திருக்க வேண்டும்? என்பது குறித்து இங்கே அறிந்துக் கொள்ளலாம் வாருங்கள்.

குளிர்காலத்தில் குழந்தைகளைப் பாதுகாக்க செய்ய வேண்டியது:

• குழந்தைகள் பொதுவாகவே தண்ணீர் குடிப்பதற்கே அடம்பிடிப்பார்கள். அதிலும் மழைக்காலங்களில் சொல்லவே தேவையில்லை. கொஞ்சம் கூட தண்ணீரைக் குடிக்க மாட்டார்கள். இதனால் உடலின் நீரிழப்பு ஏற்படக்கூடும். நீர்ச்சத்துக் குறைவாக இருக்கும் போது குழந்தைகள் சோம்பலாக இருப்பதோடு மட்டுமல்லாமல், உடலில் நீரிழப்பு ஏற்பட்டு உடல் நிலை பாதிக்கப்படும். எனவே முடிந்தரை தண்ணீரைக் கொதிக்க வைத்து ஆற வைத்துக் குடிக்கவும்.
• குழந்தைகள் குளிப்பதற்கும், சாப்பிடுவதற்கு முன்பாக கை கழுவுவதற்கும் குளிர்ந்த நீரைப் பயன்படுத்த வேண்டும். லேசான வெதுவெதுப்பான நீரைப் பயன்படுத்துவது நல்லது.
• பிறந்த குழந்தைகள் முதல் 10 வயதிலான குழந்தைகள் வரை வைட்டமின் டி அவசியம். ஆனால் குளிர்காலங்களில் சூரியன் அதிகளவு வர வாய்ப்பில்லை. குழந்தைகள் ஆரோக்கியத்திற்காக சூரியன் எப்போது வந்தாலும் கொஞ்சம் வெயிலில் காட்ட வேண்டும். குழந்தைகளுக்கு இதமாக இருப்பதோடு நோய் எதிர்ப்பு சக்தியையும் அதிகரிக்கும்.

மேலும் படிக்க: மலச்சிக்கல் பிரச்சனையால் குழந்தைகள் அவதிப்படுகிறார்களா? பெற்றோர்கள் செய்ய வேண்டியது இது தான்

• குளிர்ந்த காற்றால் குழந்தைகளுக்கு சளி, இருமல் போன்ற பாதிப்புகள் ஏற்படும். இதைத் தவிர்க்க வேண்டும் என்றால் குழந்தைகளைப் பாதுகாக்க பருமனான காட்டன் ஆடைகளை அணிய வைக்கவும்.

மேலும் படிக்க: மழைக்காலங்களில் குழந்தைகள் காய்ச்சல், சளியால் அவதிப்படுவதைத் தடுக்க பின்பற்ற வேண்டிய வழிமுறைகள்!

• குளிர்காலம் மற்றும் மழைக்காலங்களில் வீட்டை சுற்றி ஆங்காங்கே தண்ணீர் அதிகளவு தண்ணீர் தேங்கியிருப்பதால் கொசுக்கள் உற்பத்தியாகக்கூடும். தண்ணீர் தேங்குவதைத்தவிர்க்கவும். இதோடு முடிந்தவரை குழந்தைகளை வெளியில் கொண்டு செல்வதைத் தவிர்ப்பது நல்லது.
• குளிருக்கு இதமாக சூடாக ஏதாவது எண்ணெய் பலகாரங்களைச் செய்து சாப்பிட வேண்டும் என்ற ஆசை பெரியவர்களுக்கே இருக்கும். குழந்தைகளுக்கு இல்லாமல் இருப்பதில் எவ்வித ஆச்சரியமும் இல்லை. ஆனால் குளிர்காலத்தில் குழந்தைகளுக்குக் கொடுப்பது தவிர்க்கவும். அதிகப்படியான எண்ணெய்கள் குழந்தைகளுக்கு வயிற்று வலி போன்ற பிரச்சனைகளை ஏற்படுத்தக்கூடும் என்பதால் இதைத் தவிர்ப்பது நல்லது.

Image source - Freepik