இன்றைய காலகட்டத்தில் குழந்தைகளுக்கு இரத்த சோகை மிகவும் பொதுவான பிரச்சனையாக மாறி வருகிறது. சில குழந்தைகள் பிறந்த பிறகு இரத்த சோகைக்கு ஆளாகின்றனர், சில குழந்தைகளுக்கு பிறவி இரத்த சோகை பிரச்சனை உள்ளது. இது பல காரணங்களால் ஏற்படலாம், உதாரணமாக, கர்ப்ப காலத்தில் பெண்ணின் உடலில் இரத்த பற்றாக்குறை இருந்தால் குழந்தைகள் பிறக்கும் போது இரத்த சோகைக்கு ஆளாகலாம். சில மரபணு கோளாறுகளும் இதற்கு காரணமாக இருக்கலாம். குழந்தை வளரும் போது இரத்த சோகை குறைவு ஏற்படலாம். குழந்தைகளுக்கு இரத்த சோகை இருந்தால், சோர்வு, தோல் மஞ்சள் நிறமாக மாறுதல், பசியின்மை, எரிச்சல் மற்றும் வேகமான இதயத் துடிப்பு போன்ற பல அறிகுறிகள் வரும்.
மேலும் படிக்க: எடை இழப்பு பற்றி கூறப்படும் இந்த பொய் கட்டுக்கதைகளை இனி நம்பாதீர்கள்
எந்த ஒரு தாயும் தன் குழந்தை இரத்த சோகையால் பாதிக்கப்படுவதையோ அல்லது எந்தவிதமான உடல்நலப் பிரச்சினையாலும் பாதிக்கப்படுவதையோ ஒருபோதும் விரும்ப மாட்டார். இவற்றை சரிசெய்யும் சிறந்த உணவுகளை பார்க்கலாம்.
நெல்லிக்காய் வைட்டமின் சி-யின் நல்ல மூலமாக இருப்பதால் இரும்புச்சத்தை உறிஞ்சுவதற்கு உதவுகிறது. இதில் நல்ல அளவு இரும்புச்சத்தும் உள்ளதால் குழந்தைகள் நெல்லிக்காய் சாற்றை உட்கொண்டால் உடலில் இரும்புச்சத்து குறைபாடு ஏற்படாது, மேலும் அவர்கள் இரத்த சோகை பிரச்சனையை எதிர்கொள்ள வேண்டியதில்லை. உங்கள் குழந்தைக்கு இரத்த சோகை இருந்தாலும், நெல்லிக்காய் சாறு அவருக்கு நன்மை பயக்கும்.
குழந்தைக்கு பிறப்பிலிருந்தே இரத்த சோகை இருந்தால், 0-1 வயது குழந்தைக்கு நெல்லிக்காயை தட்டி, அதன் சாற்றை நன்றாகப் பிழிந்து, காலையிலும் மாலையிலும் இரண்டு-மூன்று சொட்டு கொடுங்கள். இது அவருக்கு மிகவும் நன்மை பயக்கும்.
குழந்தைக்கு 1-2 வயது என்றால் காலையிலும் மாலையிலும் ஒரு ஸ்பூன் நெல்லிக்காய் சாற்றைக் கொடுங்கள். 2-10 வயதுடைய குழந்தைக்கு, 5-6 இந்திய நெல்லிக்காய்களிலிருந்து சாறு எடுத்து சம அளவு தண்ணீரில் கலந்து குடிக்கக் கொடுங்கள். நெல்லிக்காய் மிகவும் புளிப்பாக இருப்பதால், அப்படியே நெல்லிக்காய் சாறு குடிப்பது சற்று கடினமாக இருக்கும்.
நெல்லிக்காய் சாறு மட்டும் குடிக்க சிரமப்படும் குழந்தைகளுக்கு பீட்ரூட் சாறுடன் நெல்லிக்காய் சாறு கலந்து கொடுக்கலாம். குழந்தையின் உணவில் பீட்ரூட் சேர்க்கப்பட்டால் அது இரத்த சிவப்பணுக்கள் உருவாவதற்கு உதவுகிறது, இதனால் குழந்தைக்கு இரத்த சோகை ஏற்படும் அபாயம் வெகுவாகக் குறைகிறது. ஏற்கனவே இரத்த சோகை உள்ள குழந்தைகளுக்கு பீட்ரூட் மிகவும் நன்மை பயக்கும். குழந்தைக்கு நெல்லிக்காய் சாறுடன் பீட்ரூட் சாறு கலந்து கொடுக்கிறீர்கள் என்றால், அதன் அளவிலும் கவனம் செலுத்த வேண்டும்.
மேலும் படிக்க: நுரையீரலை ஆரோக்கியமாக வைத்திருக்க உதவும் 5 இயற்கை உணவுகள்
கருப்பு எள் விதைகள் இரத்த சோகையைத் தடுப்பதிலும் சிகிச்சையளிப்பதிலும் மிகவும் நன்மை பயக்கும். எள்ளூ விதைகள் இரும்புச்சத்துக்கான நல்ல மூலமாகும், மேலும் குழந்தையின் உணவில் அதைச் சேர்ப்பது இரத்த சோகை அபாயத்தை பெருமளவில் குறைக்கிறது. கருப்பு எள்ளுடன் குழந்தையின் உணவில் வெந்தய விதைகளையும் சேர்க்க வேண்டும். குழந்தைகள் கருப்பு எள் மற்றும் வெந்தயத்தை சாப்பிட தயங்குவதால், அவர்களுக்கு பிடித்த உணவுகளில் இனைத்து சாப்பிட கொடுக்கலாம்.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Freepik
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com