குடும்பத் தலைவிகளே.. நிதி ஆதாரத்தை மேம்படுத்த உதவும் டிப்ஸ்கள் உங்களுக்காக!

ஒவ்வொரு வீட்டிலும் முதுகெலும்பாக உள்ள பெண்கள் அவர்களுக்காக மட்டுமல்ல குடும்பத்தில் உள்ள ஒவ்வொருவருக்காகவும் அயராது உழைக்கும் தன்மைக் கொண்டவர்கள். கணவர்கள் கொடுக்கும் தொகையை வைத்து வீட்டிற்குத் தேவையான பொருட்களை வாங்குவதோடு, அதில் சில தொகையை ஒதுக்கி சேமிக்கத் தொடங்குவார்கள். அந்த தொகைத் தான் பல நேரங்களில் குடும்பத்தின் நிதி ஆதாரத்திற்கு பேருதவியாக இருக்கும். இதுவரை சேமிக்கும் பழக்கம் இருந்தால் அதைத் தொடர்ச்சியாக பின்பற்றுங்கள். இல்லையென்றால் உங்களுக்காகவே சில டிப்ஸ்கள் இங்கே.

குடும்பத் தலைவிகள் என்பதற்கேற்ப வீடுகளில் உள்ள ஒவ்வொருவரின் தேவைகளை அறிந்து நிறைவேற்றும் குணநலன்களைக் கொண்டவர்கள் பெண்கள். வீட்டில் உள்ள ஆண்மகன்கள் வெளியில் சென்று பணம் சம்பாதித்தாலும் அவற்றை முறையாக கையாளும் பண்புகள் பெண்களிடம் உள்ளது. இதனால் தான் பத்து ரூபாய் வாங்கினாலும் பொண்டாட்டி கையில் கொடுத்து வாங்கிக் கொள்ளவும் என வீட்டில் உள்ள பெரியவர்கள் அடிக்கடி கூறுவார்கள். இதற்கேற்றார் போல தான் குடும்பத்தின் வரவு செலவு கணக்குகளைத் திறம்பட நிர்வகிக்கும் குணங்கள் பெண்கள் அதிகளவில் உள்ளது. எப்படி நிதி மேலாண்மையை மேம்படுத்த வேண்டும் தெரியுமா?

பட்ஜெட் போடுதல்:

வரவு செலவு கணக்குகளை நிர்வகிக்க வேண்டும் என்றால் முதலில் வீட்டிற்குத் தேவையான பொருட்களை எந்த விலையில் வாங்க வேண்டும்? என்பது குறித்து பட்ஜெட் உருவாக்கிக் கொள்ளவும். ஒருமுறை மொத்த கடைகளுக்குச் சென்றால் இரண்டு மாதங்களுக்குத் தேவைப்படக்கூடிய மளிகைப் பொருட்களை வாங்கி வைப்பது நல்லது. ஒவ்வொரு மாதமும் விலைக் கூடினாலும் அதை சமாளிக்க முடியும். மேலும் வீட்டிற்குத் தேவையான பொருட்களை வாங்கும் போதும், அதற்காக வெளியில் செல்லும் போது வரக்கூடிய செலவுகள் குறித்த பில்களைப் பத்திரமாக எடுத்து வைக்கவும். அடுத்த மாதம் என்ன தேவைப்படும்? எதை அநாவசியமாக வாங்கியுள்ளீர்கள்? என்பது குறித்த எளிதில் அறிந்துக் கொள்ள முடியும்.

காய்கறிகள் வாங்குதல்:

பணத்தை சேமித்து வைக்க வேண்டும் என்றால், காய்கறிகளைத் தினமும் வாங்குவதைத் தவிர்க்க வேண்டும். ஒரு வாரத்திற்கு என்ன உணவுகள் செய்ய போகிறீர்கள்? என்பது குறித்து முன்கூட்டியே திட்டமிட்டுக் கொள்ளவும். மொத்த விலையில் காய்கறிகளை வாங்கும் போது செலவுகள் குறையும். அதைன் மூலம் கிடைக்கும் தொகையைக் கூட சேமிக்க ஆரம்பிக்கலாம்.

அநாவசிய தேவைகளைக் குறைக்கவும்:

வீட்டில் எந்த பொருள் தேவை என்பது அறிந்து அதை மட்டும் வாங்க வேண்டும். இப்போது தான் சூப்பர் மார்க்கெட்டிற்குச் சென்றால் கண்களுக்குத் தெரியும் அனைத்துப் பொருட்களை வாங்குகிறோம். இது முற்றிலும் தவறு. அந்த பொருட்களைப் பயன்படுத்துகிறோமோ? இல்லையோ? பணம் தான் வீணாகும். எனவே முடிந்தவரை அநாவசியமான பொருட்கள் வாங்குவதைத் தவிர்க்கவும். தற்போது மின்சார கட்டணம் விண்ணை முட்டும் அளவிற்கு வந்துவிட்டது. பகல் நேரங்களில் லைட்டுகள் பயன்படுத்துவது, ஆள் இல்லாத இடங்களில் ஓடும் பேன்களை அணைத்து வைப்பது நல்லது. இதன் மூலம் அதிக பணம் விரயம் ஆகாது.

சேமிக்கும் பழக்கம்:

வாழ்க்கையில் பல நேரங்களில் எதிர்பாராத செலவுகள் வரக்கூடும். இருந்தப்போதும் ஏதாவது சேமிப்புத் திட்டங்களில் முதலீடு செய்ய வேண்டும். இதோடு அவசர மருத்துவ தேவைகளுக்காகவும் சிறிய தொகையைக் கட்டாயம் ஒதுக்கி வைக்க வேண்டும். இவ்வாறு தொடர்ச்சியாக மேற்கொண்டாலே நிதி பிரச்சனையின்றி வாழ முடியும்.

Image source - Google