சில ஆண்டுகள் முன்பு வரை வீட்டின் ஒட்டுமொத்த நிதி நிர்வாகத்தை சமாளிப்பது கணவனின் பொறுப்பாக இருக்கும். காலம் மாறிவிட்ட நிலையில் மனைவியும் வேலைக்கு சென்று சம்பாதிக்கிறாள். வீட்டின் முக்கிய விஷயங்களில் மனைவியின் கருத்தும் கேட்கப்படுகிறது. இந்த நிலையில் இருவரும் இணைந்து பொருளாதார மற்றும் நிதி சார்ந்த விஷயங்களில் முடிவெடுப்பது அவசியமாகிறது. 2022ஆம் எடுக்கப்பட்ட ஆய்வு ஒன்றில் மாதம்தோறும் நிதி தொடர்பாக பேசும் கணவன் - மனைவி இடையே புரிதல் அதிகரிப்பதோடு குடும்பமும் முன்னேற்றம் காண்பதாக கண்டறியப்பட்டது. இருவரும் சேர்ந்து முடிவெடுக்கும் போது வங்கியில் பணம் மட்டுமல்ல நம்பிக்கையும் அதிகரிக்கிறது. இந்த பதிவில் நிதி நலனுக்காக குடும்பத்தில் கணவன் மனைவி பழக்கப்படுத்தி கொள்ள வேண்டிய விஷயங்களை பார்ப்போம்.
கணவன் கொடுக்கும் பணத்தை வீட்டின் தேவைக்காக மனைவி செலவு செய்வதே நீண்ட கால வழக்கமாகும். இருவரும் சேர்ந்து வாழும் போது பணம் பற்றி வெளிப்படையாக பேச வேண்டும். கணவனுடன் அமர்ந்து வருவாய், செலவினங்கள், கடன் மற்றும் சேமிப்பு பற்றி பேசுவது அவசியம் ஆகும். இந்த கேள்விகளுக்கு மனைவி பதில்களை பெற வேண்டும்.
வீடு அல்லது கார் வாங்கும் கனவு, தொழில் தொடங்க விருப்பம் அல்லது வெளிநாட்டு சுற்றுலா செல்லும் கனவுகளை இருவருக்கும் பொதுவாக மாற்றவும். கணவனும் மனைவியும் ஒரு விஷயத்தை கூட்டாக சிந்திக்கும் போது அதை அடைவது எளிதாகிவிடுகிறது.
வாழ்க்கையின் எந்த நேரமும் எது வேண்டுமானாலும் நடக்கலாம். எதற்கும் தயாராக இருக்க இருவரும் இணைந்து ஒரு அவசரகால நிதியை உருவாக்கவும். இருவரும் தங்களுடைய சம்பளத்தில் குறிப்பிட்ட தொகையை சேமித்து வைத்து வந்தால் அவசர நேரத்தில் அதை பயன்படுத்திக் கொள்ள முடியும். அதிக வட்டி கிடைக்கும் இடத்தில் பணத்தை போட்டு வைக்கவும்.
முதலீடு செய்ய பலரும் காப்பீட்டு, ஃபிக்ஸட் டெபாசிட், எஸ்ஐபியை தேர்வு செய்கின்றனர். முதலீட்டை நீண்டகால பலன் கொண்ட விஷயத்தை தேர்வு செய்யவும். SIP, PPF, NPS, மருத்துவ காப்பீடு பற்றி தெரிந்துகொள்ளுங்கள்.
ஓய்வுக்கு பிறகு என்ன செய்யப்போகிறோம் என்ற திட்டத்தை கணவன் மனைவி யோசிப்பதில்லை. திருமணம் ஆகி 5-6 ஆண்டுகளிலேயே இதை பற்றி முடிவெடுப்பது அவசியம். பணி நிறைவின் போது இருவரிடமும் எவ்வளவு பணம் வரும் என்பதை தோராயமாக கணக்கிடவும்.
வேலை பார்க்கும் நபர்களுக்கு எப்போதுமே காப்பீடு செய்யப்பட்டு இருக்கும். இருவரின் பெயரில் காப்பீடு இருந்தால் குழந்தைகளின் பெயரில் தனி சேமிப்பு தொடங்கவும். இருவரில் ஒருவருக்கு ஏதேனும் நடந்தால் கூட மற்றொருவர் அந்த நிதியை பயன்படுத்தி குடும்பத்தை காப்பாற்ற இயலும்.
இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com