வாழ்நாள் முழுவதும் நீண்ட ஆயுளுடன் இருக்க ஆசையா? கட்டாயம் வாழ்க்கையில் இந்த பழக்கங்களைப் பின்பற்றுங்கள்!

“ஆரோக்கியமான வாழ்வே நோயற்ற செல்வம்” என்பார்கள். ஆம் என்ன தான் பணம், பொருள் பல வைத்திருத்தாலும் வாழ்நாள் முழுவதும் எவ்வித உடல் நல பாதிப்புகள் இன்றி ஆரோக்கியமாக வாழ வேண்டும் என்றால் அடிப்படையான சில விஷயங்களைப் பின்பற்ற வேண்டும். எந்த பருவ காலங்களிலும் அதற்கேற்றார் போல் உங்களது நடவடிக்கைகளை மேற்கொள்ளும் பட்சத்தில் வாழ்நாள் முழுவதும் சந்தோஷமாக வாழ முடியும். அப்படி என்னென்ன விஷயங்களை மேற்கொள்ள வேண்டும்? என்பது குறித்து இங்கே அறிந்துக் கொள்ளலாம் வாருங்கள்.

நீண்ட ஆயுளைத் தரும் பழக்க வழக்கங்கள்:

உணவு பழக்கம்:

மனிதர்கள் தங்களது பணியை சோம்பறித்தனம் இன்றி சுறுசுறுப்பாக செய்வதற்கு ஆற்றல் தேவை. இந்த ஆற்றலை சாப்பிடக்கூடிய உணவுகள் தான் நிர்ணயம் செய்கின்றன. எனவே தேவையில்லாத உணவுகளைச் சாப்பிடுவதற்குப் பதிலாக ஊட்டச்சத்துக்கள் நிறைந்த காய்கறிகள், பழங்கள், சிறுதானியங்கள் போன்றவற்றை உட்கொள்ள வேண்டும். இவற்றில் உள்ள அத்தியாவசிய ஊட்டச்சத்துக்கள் உடலுக்குத் தேவையான ஆற்றலை அளித்து வாழ்நாள் முழுவதும் ஆரோக்கியமாக வாழ்வதற்கு உதவுகிறது.

மேலும் படிக்க: இந்த ஜூஸ்கள் குடித்துப்பாருங்கள்; குளிர்காலத்தில் சருமம் பளிச்சின்னு நிலவு போல ஜொலிக்கும்!

• நடைபயிற்சி: ஆரோக்கியமான வாழ்க்கை முறைக்குத் தினமும் குறைந்தபட்சம் 30 நிமிடங்களுக்கு நடைபயிற்சி மேற்கொள்வதோடு சில உடற்பயிற்சிகளைக் கட்டாயம் மேற்கொள்ள வேண்டும்.
• கெட்ட பழக்கங்களைத் தவிர்த்தல்: நாள் முழுவதும் ஆரோக்கியத்துடன், நீண்ட ஆயுளோடு வாழ வேண்டும் என்றால், மது அருந்துதல், புகைப்பிடித்தல் போன்ற கெட்ட பழக்கங்களைத் தவிர்க்க வேண்டும்.

மேலும் படிக்க: சவலைப் பிள்ளை போல் குழந்தைகள் ஒல்லியா இருக்காங்களா? கொழு கொழுன்னு வர தேங்காய் பால் குடுங்க!

• தூக்கம்: நாள் முழுவதும் ஓடிக்கொண்டிருக்கும் நம்முடைய உடல் ஆரோக்கியத்துடன் இருக்க வேண்டும் என்றால் ஓய்வு அவசியம். ஒரு நாளைக்கு 8 மணி நேரமாவது கட்டாயம் தூங்க வேண்டும்.
• தியானம்/ மன அமைதி: நீண்ட ஆயுளைப் பெற வேண்டும் என்றால் மன அமைதி கட்டாயம் தேவை. பிடித்த விஷயங்களைப் பின்பற்றுவதோடு தியானம், யோகா போன்றவற்றைக் கடைபிடிக்க முயற்சி செய்யுங்கள்.

மேலும் படிக்க: தினசரி கிராம்பு நீர் அருந்துவதன் மூலம் உடலுக்கு கிடைக்கும் ஆரோக்கிய நன்மைகள்

இதுபோன்ற விஷயங்களை மறக்காமல் தங்களது வாழ்நாளில் மேற்கொள்ளும் போது, உடல் ஆரோக்கியத்துடன் இருக்கும். எவ்வித நோய் பாதிப்பும் இல்லாமல் இருந்தாலே தங்களுடைய வாழ்நாளை ஒரு மனிதர் நீடிக்க முடியும். எனவே இதுவரை மேற்கூறிய அடிப்படை பழக்கவழக்கங்களைப் பின்பற்றினாலே நீண்ட ஆயுளோடு வாழ வேண்டும் என்பதை நினைவில் வைத்துக் கொள்ளவும்.

Image source - Freepik