செலவே இல்லாம் உடல் எடையைக் குறைக்கணுமா? அன்றாடம் பயன்படுத்தும் சமையல் பொருட்கள் போதும்!

உடல் எடையைக் கட்டுக்குள் வைத்திருக்க வேண்டும் என்றால், நீங்கள் ஆரோக்கியமான உணவுமுறைகளில் கவனம் செலுத்த வேண்டும் என்பதை நினைவில் வைத்துக்கொள்ளுங்கள். இன்றைக்கு எப்படி வீட்டு சமையல் அறையில் உள்ள மசாலாப் பொருள்கள் உடல் எடையைக்குறைப்பிற்கு உதவும் என்பது குறித்து இங்கே அறிந்துக்கொள்வோம்.

உடல் எடைக்குறைப்பிற்கு உதவும் சமையல் பொருட்கள்:

இலவங்கப்பட்டை:

அனைவரின் வீட்டு சமையல் அறையில் இருக்கும் பொருள் தான் இலவங்கப்பட்டை. இதில் உள்ள ஆக்ஸிஜனேற்றிகள் மற்றும் அழற்சி எதிர்ப்பு பண்புகள் உடல் எடையைக்குறைக்க உதவுகிறது.நீங்கள் இலவங்கப்பட்டை தூள் அல்லது பட்டையை தண்ணீரில் கொதிக்க வைத்து குடிக்கும் போது உடலில் வளர்சிதை மாற்றத்தை அதிகரித்து பசியின்மையைக் கட்டுப்படுத்த உதவுகிறது. இலவங்கப்பட்டை பயன்பாடு இரத்த சர்க்கரை அளவையும் கட்டுக்குள் வைத்திருக்கிறது.

மேலும் படிக்க: வாழ்நாள் முழுவதும் நீண்ட ஆயுளுடன் இருக்க ஆசையா? கட்டாயம் வாழ்க்கையில் இந்த பழக்கங்களைப் பின்பற்றுங்கள்!

மஞ்சள்:

எடை இழப்பு மற்றும் கலோரியைக் கட்டுக்குள் வைத்திருப்பதற்கு பழங்காலத்தில் இருந்தே பயன்படுத்தப்பட்ட மூலிகைகளில் ஒன்று தான் மஞ்சள். இதில் உள்ள குர்குமின் எனப்படும் வேதிப்பொருள் இரத்தத்தைச் சுத்திகரிக்கிறது. மேலும் எடையைக் குறைக்க வேண்டும் என்று நினைப்பவர்களும் உறுதுணையாக உள்ளது.

இஞ்சி:

அனைவரின் வீடுகளில் பயன்படுத்தப்படும் மசாலாக்களில் ஒன்று தான் இஞ்சி. இஞ்சி இடுப்பழகி என்று கூறுவதற்கு ஏற்ப, இவற்றை நம்முடைய உணவு முறையில் சேர்த்துக் கொள்ளும் போது உடல் எடைக் கட்டுப்பாட்டுடன் உள்ளது. உடலில் ஏற்படும் செரிமான பிரச்சனைகளுக்கும் இஞ்சி நல்ல தீர்வாக அமைகிறது. இதோடு வளர்சிதை மாற்றத்தை அதிகரித்து எடை இழப்புக்கு பேருதவியாக உள்ளது. தினமும் காலை அல்லது மாலை வேளைகளில் இஞ்சி சாறு குடிப்பது உடல் ஆரோக்கியத்திற்கும் நல்லது.

மேலும் படிக்க:  குளிர்காலத்தில் உடல் எடையைக் குறைக்கணுமா? பச்சைப் பயறு சூப் உதவுமாம்? முயற்சி செய்துப்பாருங்க!

கருமிளகு:

சைவ மற்றும் அசைவ உணவுகளில் சுவையை அதிகரிக்கும் மசாலாக்களில் ஒன்று கருமிளகு. இதில் உள்ள பைபரின் எனப்படும் கலவை வளர்சிதை மாற்றத்தை அதிகரிக்கிறது. மேலும் உடலில் உள்ள தேவையில்லாத கொழுப்பு மற்றும் வயிற்றில் உள்ள தொப்பையைக் குறைக்க உதவுகிறது.

பெருஞ்சீரகம்:

எடை இழப்பிற்கு உதவும் மசாலாக்களில் ஒன்று தான் பெருஞ்சீரகம். இதில் உள்ள வைட்டமின்ஏ, சி மற்றும் வைட்டமின் டி போன்ற ஊட்டச்சத்துக்கள் உள்ளதால், வளர்சிதை மாற்றத்தை மேம்படுத்தும். இதோடு மட்டுமின்றி நல்ல செரிமானத்திற்கும் பயனளிக்கும் என்பதால், எடை இழப்பிற்கு உதவியாக உள்ளது.

வெந்தயம்:

உடல் எடையைக் குறைக்க வேண்டும் என்று நினைப்பவர்களுக்கு வெந்தயம் சிறந்த தீர்வாக அமையும். இவற்றை நீங்கள் உணவில் சேர்த்துக் கொள்ளும் போது, அதிக கலோரிகளை உட்கொள்ளுதலைக் குறைக்க உதவும். வளர்சிதை மாற்றத்தை அதிகரித்து, உடலில் உள்ள கொழுப்புகள் வேகமாக கரைய உதவக்கூடும். இதனால் எடையை அதிகரிப்பு கட்டுக்குள் இருக்கும். உடலை எப்போதும் குளிர்ச்சியாக வைத்திருக்க உதவும்.

Image source - Freepik