குளிர்காலத்தில் உடல் எடையைக் குறைக்கணுமா? பச்சைப் பயறு சூப் உதவுமாம்? முயற்சி செய்துப்பாருங்க!

குளிர்காலம் வந்துவிட்டாலே உடல் நலம் சார்ந்த பல பிரச்சனைகளைச் சந்திக்க நேரிடும். சளி, இருமல், காய்ச்சல், தொண்டை வலி, வயிற்றுப் பிரச்சனைகள் போன்ற பல வைரஸ் தொற்று பாதிப்புகள் ஏற்படுவது இயல்பு. ஆனால் குளிர்காலத்தில் உடல் எடையும் வழக்கத்தை விட அதிகரிக்கும் என்பது உங்களுக்குத் தெரியுமா? ஆம் பருவகாலங்கள் மாறும் உடலின் செயல்பாடுகளும் அதற்கேற்றார் போல் மாறிவிடும். ஆம் உடலின் செயல்பாடு குறைவாக இருத்தல், காலநிலை மற்றும் இருட்டான  சூழலில் குளிருக்கு இதமாக அதிகப்படியான ஸ்நாக்ஸ் சாப்பிடுதல், தீபாவளி, பெரிய கார்த்திகை, கிறிஸ்துமஸ், சுப முகூர்த்த நாள்கள் என பண்டிகைக் கால உணவுகள் போன்றவற்றால் உடலின் எடையானது அதிகரிக்கும். குறிப்பாக சூரிய ஒளி குறைவதால் வைட்டமின் டி குறைபாடு ஏற்படுவதும் எடை அதிகரிப்புக்கு முக்கிய காரணமாக அமைகிறது. அதிகரித்த எடையை ஆரோக்கியமான முறையில் குறைக்க வேண்டும் பச்சைப் பயறு சூப் பேருதவியாக இருக்கும். எப்படி செய்வது? எப்படியெல்லாம் உடல் எடையைக் குறைக்கும்? என்பது குறித்து இங்கே அறிந்துக் கொள்ளலாம் வாருங்கள்.

உடல் எடையைக் குறைக்கும் பச்சைப் பயறு சூப்:

குளிர்காலத்தில் பல்வேறு காரணங்களால் அதிகரித்த உடல் எடையைக் குறைக்க வேண்டும் என்றால் பச்சைப் பயறு அதாது பூவானி பயறு கொண்டு சூப் செய்யலாம். முதலில் ஒரு பாத்திரத்தில் பச்சைப் பயறைத் தண்ணீர் ஊற்றி நன்கு வேக வைக்கவும். ஓரளவிற்கு வெந்தவுடன் வெங்காயம், தக்காளியை நறுக்கி உடன் சேர்த்துக் கொள்ளவும். தேவையான அளவு உப்பு, சீரகம், மிளகுத்தூள் போன்றவற்றைச் சேர்த்து கொதிக்க விட்டு இறக்கினால் போதும். சுவை மற்றும் ஆரோக்கியம் நிறைந்த சூப் ரெடி.

 மேலும் படிக்க: உடல் எடையைக் குறைக்க வேண்டுமா? இந்த ஆரோக்கியமான உணவுகளைக் கட்டாயம் சாப்பிட வேண்டும்!

பச்சைப் பயறு சூப்பின் நன்மைகள்:

உடல் எடையை ஆரோக்கியமான முறையில் குறைக்க வேண்டும் என்று நினைப்பவர்கள் எவ்வித தயக்கம் இன்றி பச்சைப் பயறு சூப் சாப்பிடலாம். இதில் உள்ள நார்ச்சத்துக்கள் நாள் முழுவதும் சாப்பிடக்கூடிய உணவுகளை எளிதில் ஜீரணம் செய்கிறது. குடல் ஆரோக்கியத்தை மேம்படுத்தி வயிற்று பெருமல், வயிறு வீக்கம் போன்ற பிரச்சனைகளை சரி செய்கிறது.

மேலும் படிக்க: Weight Loss Soup : உடல் எடை வேகமாக குறைய இப்படி சூப் செய்து குடிங்க!

• இரும்பு, மெக்னீசியம், பொட்டாசியம் போன்ற அத்தியாவசிய ஊட்டச்சத்துக்கள் உள்ளதால் உடலுக்குத் தேவையான ஆற்றலை அளிக்கிறது.
• பச்சைப்பயறில் அதிகப்படியான கலோரிகள் இல்லை. சூடாக மற்ற பானங்கள் அருந்துவதற்குப் பதிலாக பச்சைப் பயறு சூப் அருந்தும் போது உடலில் அதிகப்படியான கொழுப்புகள் சேர்வதைத் தடுக்கிறது.
• வளர்சிதை மாற்றத்தை அதிகரித்து தசைகளை வலுவாகவும், தேவையில்லாத கொழுப்புகள் உடலில் சேர்வதையும் தடுக்கிறது.
• பச்சைப் பயறில் புரதச்சத்துக்கள் அதிகம் இருப்பதால், தசைகளை வலுப்படுத்தவும், உடலின் வளர்ச்சிக்கும் உதவுகிறது.